കുപ്പിക്കുള്ളിൽ   പച്ചപ്പിൻ്റെ  ലോകം :ടെററിയം 

Friday, 12 January 2018 02:30 By KJ KERALA STAFF
ചെടികളെ വളരെയധികം സ്‌നേഹിക്കുകയും എന്നാൽ  ചെടി വളര്‍ത്താന്‍ സ്ഥലവും സമയവും ഇല്ലാതിരിക്കുകയും ചെയ്യുന്നവര്‍ വിഷമിക്കേണ്ട .ചെറിയൊരു ഗ്ലാസിനുള്ളില്‍ അല്ലെങ്കില്‍ കുപ്പിക്കുള്ളില്‍ പച്ചപ്പ്‌ തീർക്കാം .ഇതിനെ ടെററിയം എന്ന് വിളിക്കുന്നു . ലിവിങ് റൂമിലും ഡൈനിങ് മേശയുടെ മുകളിലും ഓഫിസ് മേശയുടെ  മുകളിലും വരെ വയ്ക്കാമെന്നതാണ് ടെററിയത്തെ ആകര്‍ഷകമാക്കുന്നത്.

ഭംഗിയുള്ള  ഗ്ലാസ് ജാറുകളാണ് ടെററിയം നിര്‍മിക്കാന്‍ ഉപയോഗിക്കുന്നത്. ആപ്പിള്‍, പിയര്‍ തുടങ്ങിയ ആകര്‍ഷകമായ ആകൃതിയില്‍ ടെററിയം നിര്‍മിക്കാനുള്ള ഗ്ലാസ് ജാറുകള്‍ ഇപ്പോള്‍ വിപണിയില്‍ ലഭ്യമാണ്. ഭംഗിയുള്ള പൂന്തോട്ടംപുറത്തേക്കു കാണാനും ചെടികള്‍ക്ക് വെളിച്ചവും ചൂടും ലഭിക്കാനുമാണ് ഗ്ലാസ് പാത്രങ്ങൾ ഉപയോഗിക്കുന്നത്.

ടെററിയം നിര്‍മിക്കാന്‍ ഉദ്ദേശിക്കുന്ന പാത്രത്തില്‍ പോട്ടിങ് മിശ്രിതം നിറച്ച് ചെടികള്‍ നടുകയാണ് ചെയ്യുന്നത്. കൊക്കോ പിത്ത്, മണ്ണ്, പെട്ടെന്ന് വേരോട്ടം ലഭിക്കാനുള്ള ടെര്‍മെല്‍ എന്ന ഹോര്‍മോണ്‍ എന്നിവ ചേര്‍ത്താണ് പോട്ടിങ് മിശ്രിതം തയാറാക്കുന്നത്. ഗ്ലാസ് ജാറിന്‍റെ  വലുപ്പത്തിനനുസരിച്ചാകണം ചെടികളുടെ വലുപ്പവും തരവും തീരുമാനിക്കാന്‍.  പോട്ടിങ് മിശ്രിതംതയ്യാറാക്കാൻ  മണ്ണ്കുറഞ്ഞ അളവില്‍ ചേർത്താൽ  മതി.

coffe pot

കുറഞ്ഞ അളവില്‍ വെള്ളവും പരിചരണവും വേണ്ട ചെടികളാണ് ടെററിയത്തില്‍ ഉപയോഗിക്കുന്നത് .മൂന്നോ നാലോ ദിവസം കൂടുമ്പോള്‍ നനയ്ക്കുന്ന രീതിയാണ് ടെററിയത്തിലേത്. മണ്ണ് വേണ്ടാത്ത, വായുവില്‍ വളരുന്ന ചെടികള്‍ടെററിയത്തില്‍ നന്നായി ശോഭിക്കും. ടിലെന്‍ഷ്യയുടെ വിവിധയിനങ്ങള്‍, ക്രിപ്റ്റാന്തസ്, അധികം വളര്‍ച്ചയില്ലാത്ത കള്ളിച്ചെടികള്‍, ഫേണ്‍ഇവയെല്ലാം ടെററിയത്തില്‍ ഉപയോഗിക്കാം. പൂച്ചെടികള്‍ ഉപയോഗിക്കാറില്ല, മറിച്ച് ഇലകളുടെ നിറഭേദമാണ് ടെററിയത്തെ ആകര്‍ഷകമാക്കുന്നത്.

വെള്ളത്തില്‍ച്ചേര്‍ത്താണ് വളം നല്‍കുന്നത്  , അതും മാസത്തില്‍ ഒരിക്കലോ, രണ്ട്ആഴ്ചയില്‍ ഒരിക്കലോ മതി. ഏതു വലുപ്പമുള്ള ടെററിയവും നിര്‍മിക്കാം.ഉപയോഗിക്കുന്ന പാത്രത്തിന്‍റെ  വലുപ്പം, ചെടിയുടെ വലുപ്പം, ഇനം ഇതെല്ലാംഅനുസരിച്ച് ടെററിയത്തിന്‍റെ വിലയിലും വ്യത്യാസം കാണും. 250 രൂപ മുതല്‍ 650 രൂപ വരെ വില വരും ടെററിയത്തിന്. ചെടികള്‍ സ്വന്തമായി വയ്ക്കുമെങ്കില്‍പോട്ട് മാത്രമായും ലഭ്യമാണ്.

അടച്ചതോ തുറന്നതോ ആയ ടെററിയങ്ങള്‍ നിര്‍മിക്കാം. തുറന്ന ടെററിയങ്ങളാണ് നമ്മുടെ നാട്ടില്‍ കൂടുതല്‍ പ്രചാരത്തിലുള്ളത്. അടഞ്ഞ ടെററിയങ്ങളില്‍ വെള്ളം നല്‍കുന്നതിന്‍റെ അളവ് താരതമ്യേന കുറവുമതി.എന്നാല്‍ അടഞ്ഞ ടെററിയമാണെങ്കിലും ആഴ്ചയിലൊരിക്കല്‍ അല്പസമയം തുറന്നുവയ്ക്കണം. ഇടയ്ക്കിടെ ചെടികള്‍ മാറ്റുന്നതും ചെടികള്‍ വെട്ടിഭംഗിയാക്കുന്നതും ടെററിയത്തിന്‍റെ ഭംഗി കൂട്ടും. വീടിന്‍റെ അകത്തളത്തിലാണ് വയ്ക്കുന്നതെങ്കിലും ആഴ്ചയില്‍ ഒരിക്കല്‍ അല്പസമയം വെയിലില്‍ വയ്ക്കുന്നത് 
 ചെടികളുടെ  ആരോഗ്യത്തിനു നല്ലതാണ്.

Comments



MORE ON FEATURES

കൊക്കഡാമ അഥവാ മോസ് ബോൾ ഗാർഡനിങ്

ഒരു തനത് ജപ്പാനീസ് ഗാർഡനിങ് രീതിയാണ് കൊക്കഡാമ അഥവാ മോസ് ബോൾ. ഇതിനു പാവങ്ങളുടെ ബോൺസായ് എന്നും ഒരു വിശേഷണം ഉണ്ട്.

June 23, 2018

ചെട്ടികുളങ്ങര ഭരണി: മണ്ണിന്റെ മഹോത്സവം

ഭക്തി, വിശ്വാസം, കല, സാഹിത്യം, കൃഷി, സംസ്‌കാരം, സംഗീതം - ഇതെല്ലാം ഒന്നിക്കുന്ന ഉത്സവം. ചെട്ടികുളങ്ങര കെട്ടുകാഴ്ചക്കു മാത്രമവകാശപ്പെടാവുന്ന സവിശേഷതയാണിത്.

June 22, 2018

മാലിന്യ സംസ്ക്കരണത്തിന്റെ  കുന്നംകുളം മാതൃക 

മാലിന്യ സംസ്കരണത്തിന് പുത്തൻ മാതൃകയുമായി കുന്നംകുളം ശ്രദ്ദേയമാകുന്നു കുന്നംകുളത്തെ കുറുക്കൻപാറയിൽ മാലിന്യസംസ്ക്കരണത്തിന് ഗ്രീൻ പാർക്ക് സജ്ജമാക്കിയാണ് നഗരസഭ മാതൃകയാകുന്നത്.

June 21, 2018

FARM TIPS

ചെടി ഉണങ്ങാതിരിക്കാന്‍ മതൈലോ ബേക്റ്റര്‍ എക്സ്റ്റോര്‍ ക്വെന്‍സ് എന്ന ബാക്റ്റീരിയ

June 21, 2018

മതൈലോ ബേക്റ്റര്‍ എക്സ്റ്റോര്‍ ക്വെന്‍സ് എന്ന ബാക്റ്റീരിയാ പ്രകൃതിയിലുള്ള മണ്ണ്‍ , ശുദ്ധജലം ഇലതഴകള്‍,വേരുപടലങ്ങള്‍ എന്നിവയില്‍ കൂവരുന്ന സൂക്ഷ്മാണൂവാകുന…

വാം: വിളകളുടെ മിത്രം

June 14, 2018

ചെടികള്‍ വളരുന്നതിനും പുഷ്പിക്കുന്നതിനും വേണ്ട മൂലകമാണ് ഫോസ്ഫറസ്. മണ്ണില്‍ ഫോസ്ഫറസിന്റെ രൂപത്തില്‍ കാണപ്പെടുന്ന മൂലകത്തിന്റെ വളരെകുറച്ചു ഭാഗം മാത്രമാണ…

സസ്യസംരക്ഷണം: കൊമ്പന്‍ ചെല്ലിയുടെ ചുവടുമാറ്റം

May 30, 2018

തെങ്ങിന്‍ കുരല്‍ തുളച്ചും കുരുത്തോലകള്‍ മുറിച്ചും കൊമ്പന്‍ ചെല്ലി കേരകര്‍ഷകര്‍ക്ക് സ്ഥിരം തലവേദനയാണ്.






CopyRight - 2018 Krishi Jagran Media Group. All Rights Reserved.