ബോക്‌ചോയ്: രുചികരവും പോക്ഷകക്കലവറയുമായ ഇലക്കറി

Thursday, 24 August 2017 02:30 By KJ KERALA STAFF

കാബേജ്, ബ്രോക്കോളി, കാലെ, കോളിഫ്‌ളവര്‍, ടര്‍ണിപ് എന്നിവയടങ്ങിയ ക്രുസിഫെറസ് പച്ചക്കറി കുടുംബത്തിലെ അംഗമാണ് ബോക് ചോയ്. ശാസ്ത്രീയനാമം ബ്രാസ്സിക്കാ റാപ (സബ്‌സ്പീഷ്യസ്) ചെനെന്‍സിസ്. രുചികരവും പോക്ഷകസമൃദ്ധവുമായ ബോക് ചോയ്; സ്പൂണ്‍ കാബേജ്, ചൈനീസ് വെള്ളകാബേജ്, ചൈനീസ് ചാര്‍ട്, ചൈനീസ് മസ്റ്റാര്‍ട്, സെലെറി മസ്റ്റാര്‍ട്, പാക് ചോയ്, എന്നീ പേരുകളിലും അറിയപ്പെടുന്നു. ബോക്‌ചോയി ഇലകള്‍ കടുക് ഇലകളോട് സാദൃശ്യമുള്ളതും കടുംപച്ച നിറത്തില്‍ സ്പൂണ്‍ രൂപത്തില്‍ ചുവട്ടില്‍ നിന്നും അടുക്കുകളായി വളരുന്നതുമാണ്. കാബേജിലെപ്പോലെയുള്ള ഗോളാകൃതി ഇതിന് രൂപപ്പെടാറില്ല. ബോക്‌ചോയ് ഇലകളാണ് കഴിക്കാനുപയോഗിക്കുന്നത്. അമേരിക്കന്‍ രോഗ നിയന്ത്രണകേന്ദ്രം (US Center for Disease Control ) 41 പ്രധാന പഴം-പച്ചക്കറി ഇനങ്ങളില്‍ നടത്തിയ പോക്ഷക സാന്ദ്രതാ പഠനത്തില്‍ രണ്ടാം സ്ഥാനം ലഭിച്ചത് ബോക്‌ചോയിക്കാണ്.


പോക്ഷകാംശങ്ങളുടെ ധാരാളിത്തത്തില്‍ ക്രുസിഫെറസ് പച്ചക്കറി കുടുംബത്തിലെ മറ്റെല്ലാ അംഗങ്ങളെയും പിന്നിലാക്കുന്ന ബോക്‌ചോയിയില്‍ 21 പോക്ഷകങ്ങളും 71 ലധികം ആന്റി ഓക്‌സിഡെന്റ്റുകളു മുള്ളതായി കണക്കാക്കുന്നു. ഇരുമ്പ്, കാത്സ്യം, മാംഗനീസ്, ഫോസ്ഫറസ്, നാരുകള്‍, പ്രോട്ടീന്‍, ചോലിന്‍, മഗ്‌നീസ്യം, നിയാസിന്‍, ചെമ്പ്, ഒമേഗ-3 ഫാറ്റി ആസിഡ്‌സ്, സിങ്ക്, പന്റൊതെനിക് ആസിഡ്, വിറ്റാമിന്‍ എ, വിറ്റാമിന്‍ ബി1, ബി2, ബി6, ഫ്‌ലേവനോയിഡ്‌സ് എന്നിവയൊക്കെയാണ് ബോക്‌ചോയി എന്ന വിശിഷ്ടാഹാരത്തിലെ പ്രാധാന പോക്ഷക ഘടകങ്ങള്‍.


ബോക്‌ചോയി ഉപയോഗിക്കുന്നത് കൊണ്ടുള്ള ആരോഗ്യ സംബന്ധമായ പ്രയോജനങ്ങള്‍; കാന്‍സറിനെ പ്രതിരോധിക്കും, എല്ലുകളുടെ വളര്‍ച്ചക്കും ആരോഗ്യ സംരക്ഷണത്തിനും സഹായിക്കും, രക്തസമ്മര്‍ദ്ദം കുറയ്ക്കും, ഹൃദയാരോഗ്യം സംരക്ഷിക്കാന്‍ സഹായിക്കുന്നു, നല്ല ഉറക്കം പ്രദാനം ചെയ്യുകയും ഓര്‍മ്മ ശക്തി വര്‍ദ്ധിപ്പിക്കുകയും ചെയ്യും, രോഗ പ്രതിരോധശേഷി വര്‍ദ്ധിപ്പിക്കും, ചര്‍മ്മ സംരക്ഷണത്തിനുത്തമം.


കൃഷി രീതി


നിഷ്പ്രയാസം കൃഷി ചെയ്യാവുന്നൊരു ഇലക്കറിയാണ് ബോക്‌ചോയി. ഇന്ത്യയിലുടനീളം കൃഷി ചെയ്യാന്‍ യോജിച്ചൊരു വിളയാണിത്. നല്ല നീര്‍വാര്‍ച്ചയുള്ള മണ്ണും ഭാഗിക തണലും ആര്‍ദ്രതയുള്ള അന്തരീക്ഷവും ഇഷ്ടപ്പെടുന്നൊരു ചെടിയാണിത്. വിത്തുകളുപയോഗിച്ചാണ് കൃഷി. പാകി കിളിര്‍പ്പിച്ച തൈകള്‍ ഇളക്കി നടുമ്പോള്‍ 6-8 ഇഞ്ച് അകലത്തില്‍ നടാവുന്നതാണ്. വരികള്‍ തമ്മില്‍ 18-30 ഇഞ്ച് അകലം പാലിക്കണം. ഒരു ചെടിയില്‍ നിന്നും പല തവണ വിളവെടുക്കമെന്നുള്ളത് ഇതിന്റെ പ്രത്യേകതയാണ്. സ്വാദിഷ്ടമായ ധാരാളം വിഭവങ്ങളിലെ പ്രധാന ചേരുവയായി ബോക്‌ചോയി ഉപയോഗിച്ച് വരുന്നു. ബോക്‌ചോയ് കൊണ്ട് മെഴുക്കുപുരട്ടി, തോരന്‍, സൂപ്പ്, സാലഡ്, സ്വാസ് എന്നിവയൊക്കെയുണ്ടാക്കാം

- അനീഷ് എന്‍. രാജ്, അഞ്ചല്‍

Comments



More from Olericulture

കോവയ്‌ക്ക 

കോവയ്‌ക്ക  ദീര്‍ഘകാലം വിളവ് നല്‍കുന്ന വെള്ളരിവര്‍ഗ്ഗവിളയാണ് കോവല്‍ അഥവാ കോവയ്ക്ക. പടര്‍ന്നുവളരുന്ന ഇതിന്‍റെ തണ്ടുകളാണ് നടുന്നതിനായി ഉപയോഗിക്കുന്നത്. വിത്തുകള്‍ നടുന്നതിനായി ഉപയോഗിക്കാറില്ല. സാധാരണ വെള്ളരിവര്‍ഗ്ഗവിളകളില്‍ …

January 03, 2018

പോഷകഗുണത്തിലും സ്വാദിലും മുന്നില്‍ കൂര്‍ക്ക

പോഷകഗുണത്തിലും സ്വാദിലും മുന്നില്‍ കൂര്‍ക്ക പാവപ്പെട്ടവന്റെ ഉരുളക്കിഴങ്ങാണ്‌ കൂര്‍ക്ക. എന്നാല്‍ ഉപയോഗം കൂടിവന്നതോടെ വിപണിയില്‍ ഇതിന്‌ വില കയറുകയാണ്‌. കേരളത്തില്‍ അടുത്ത കാലത്ത്‌ പ്രചാരം കൂടുന്ന കിഴങ്ങുവര്‍ഗ വിളയാണ്‌ കൂര്‍ക്ക. മുമ്പ്‌ കരനിലങ്ങളിലായിരുന്…

January 01, 2018

ബാസില്ല ചീര

ബാസില്ല ചീര മലബാർ സ്പിനാച്, വള്ളിച്ചീര, സിലോൺ ചീര എന്ന പേരിലെല്ലാം അറിയപ്പെടുന്ന ബസില്ല ചീരപോഷകങ്ങളുടെ കാര്യത്തിൽ ചീരകളിലെ രാജാവാണ്. യാതൊരു പരിചരണവും കൂടാതെഎളുപ്പത്തിൽ പിടിച്ചു കിട്ടാനും നല്ല വിളവുതരാനും ഉള്ള കഴിവാണ് ഇതിന്…

December 22, 2017

FARM TIPS

പുതയിട്ട് മണ്ണിനെ സംരക്ഷിക്കാം

January 15, 2018

വേനല്‍ച്ചൂടിൻ്റെ കാഠിന്യം കൂടിവരുന്നതനുസരിച്ച് സൂര്യതാപം നേരിട്ട് ഏല്‍ക്കുന്ന മേല്‍മണ്ണിൻ്റെ ആരോഗ്യം ക്ഷയിച്ചു തുടങ്ങും. സൂര്യപ്രകാശവും മഴവെള്ളവും നേര…

പുഴുവില്ലാത്ത മാമ്പഴം കിട്ടാന്‍ ലളിത മാര്‍ഗം.

January 15, 2018

ഇനിയിപ്പോൾ മാവ് പൂക്കുകയും കായ്ക്കുകയും ചെയ്‌യുന്ന സമയം ആകാൻ പോകുകയാണല്ലോ. ഈ കുറിപ്പ് നമ്മളിൽ പലർക്കും ഉപകാരപ്പെടും. ലോകത്ത് മാമ്പഴ ഉൽപാദനത്തിൽ രണ്ട…

ജമന്തി എണ്ണ  ഒരു ദിവ്യഔഷധം 

January 12, 2018

ജമന്തിപൂക്കൾ ഇഷ്ടപ്പെടാത്തവരായി ആരുമില്ല. ലളിതമായ കൃഷി രീതിയും ,ഏതു കാലവസ്ഥയിലും കൃഷി ചെയ്യാം എന്നതുമാണ് ജമന്തിക്ക് കൂടുതല്‍ പ്രചാരം നല്‍കുന്നത്.

Events






CopyRight - 2018 Krishi Jagran Media Group. All Rights Reserved.