വിനോദത്തിനും,ആദായത്തിനും  പ്രാവു വളർത്തൽ 

Wednesday, 09 May 2018 03:39 PM By KJ KERALA STAFF
രൂപഭംഗി കൊണ്ടും, വര്‍ണ്ണവൈവിധ്യംകൊണ്ടും  ആരുടെയും മനം കവരുന്നതാണ് പ്രാവുകള്‍. വളര്‍ത്തുപക്ഷികളില്‍ ശാന്തരും സൗമ്യരുമാണ് ഇവ . ഇന്ന് പ്രാവു വളർത്തൽ വെറുമൊരു വിനോദമല്ല; മനസുവച്ചാൽ കൈനിറയെ പണം നേടിത്തരുന്ന ഒരു സംരഭം കൂടിയാണ്. നാടൻ പ്രാവുകൾ മുതൽ വിദേശി പ്രാവുകൾവരെ വിലപ്പനയ്ക്കുള്ള വലിയ വിപണിയാണ് സംരഭകരെ കാത്തിരിക്കുന്നത്. ഒരു ജോഡി പ്രാവിന് ആയിരം രൂപ മുതൽ ലക്ഷങ്ങൾ വരെ വിലമതിക്കുന്ന വിവിധയിനങ്ങളും ആവശ്യക്കാരും വിപണിയിലുണ്ട്. വിവിധയിനം പ്രാവുകളില്‍ മുമ്പന്‍ അമേരിക്കക്കാരനായ കിങ്ങുകളാണ്.തോളിനുവളവുള്ള മുതുകു..ഉയര്‍ന്ന നെഞ്ചുമാണ് ഇവയുടെ പ്രത്യേകതകള്‍. പ്രദേശിക വിണിയില്‍ ഉയര്‍ന്ന വില ലഭിക്കുന്ന ഇവ വെള്ള,കറുപ്പ്,ബ്രൗണ്‍ നിറങ്ങളില്‍ ലഭിക്കും.

ഇന്‍ഡ്യയുടെ തനത് ജനുസ്സായ ജാക്കോബിന്‍ കഴുത്തിനു ചുറ്റും ചാമരം വീശുന്ന തൂവലുകളാല്‍ കണ്ണിന് കൗതുകമേകുന്നവയാണ് ഇവ. ചിറകുകളില്‍ ശലഭങ്ങളെപ്പോലെ ചിത്രപ്പണികളുള്ളവരാണ് സാറ്റനേറ്റുകള്‍. ബ്യൂട്ടീ ഹോമര്‍, ഡബിള്‍ ക്രൈസ്റ്റ്, ഫില്‍ഗൈ ഷര്‍, കാരിയര്‍, മൂങ്ങാ പ്രാവുകള്‍, മുഷ്‌കി, ചുവാചന്‍, ബാറ്റില്‍, , ട്രംബ്‌ളര്‍, ആസ്‌ട്രേലിയന്‍ റെഡ്, സിറാസ് എന്നിവയും വിവിധ പ്രാവിനങ്ങളാണ്.

grey pigeon

നല്ല രീതിയിൽ കൂടുകൾ തയ്യാറാക്കലാണ് പ്രാവു വളർത്തലിൻ്റെ  ആദ്യപടി. അഞ്ചടി നീളവും ഒന്നരയടി വീതിയും ഒന്നരയടി പൊക്കവും സാധാരണ ഗതിയിൽ കൂടുകൾക്ക് ഉണ്ടായിരിക്കണം. ഇവ ചെറിയ ഇരുമ്പ് വലകൾ ഉപയോഗിച്ച് സുരക്ഷിതമാക്കണം. നല്ലയിനം പ്രാവിൻ കുഞ്ഞുങ്ങളെ വാങ്ങി വളർത്തി വലുതാക്കി വിൽക്കുകയാണ് പൊതുവേ ഈ മേഖലയിലെ പതിവ്.പ്രാവുകളെ ആരോഗ്യമുള്ളവരായി നിലനിര്‍ത്താന്‍ പോഷകസമ്പുഷ്ടമായ ആഹാരം നല്‍കേണ്ടത് അവശ്യമാണ്.

പ്രാവുകള്‍ അഞ്ച് ആറുമാസമാകുമ്പോള്‍ പ്രായ പൂര്‍ത്തിയാകുന്നു.ഇണചേർന്ന് 15 മുതൽ 20 ദിവസങ്ങൾക്കു ള്ളിൽ ഇവ മുട്ടയിടും. കൂടിനുള്ളിൽ മണൽ ചട്ടികൾ ഒരുക്കി മുട്ടയിടാനുള്ള സൗകര്യം ചെയ്തു കൊടുക്കണം. ഒന്നിടവിട്ട ദിവസങ്ങളിലായിരിക്കും മുട്ടയിടുക. പകൽ പൂവനും രാത്രി പിടയുമാണ് പൊതുവേ അടയിരിക്കാറുള്ളത്. പതിനെട്ടാം ദിവസം മുട്ട വിരിഞ്ഞ് കുഞ്ഞു പുറത്തു വരും.

pigeon black

കുതിർത്ത ചോളം, പയർ വർഗങ്ങൾ, ഗോതമ്പ്, കപ്പലണ്ടി, നിലക്കടല എന്നിവയാണ് പ്രധാന ആഹാരമായി നൽകേണ്ടത്. കൂടാതെ ചീരയില, മല്ലിയില എന്നിവയും നൽകാം. 30 മി.ലിറ്റർ വെള്ളം വീതം ഓരോ പ്രാവിനും നൽകണം. തലതിരിയലാണ് പ്രാവുകളിൽ കാണുന്ന പ്രധാന രോഗം. വൈറ്റമിന്റെ കുറവുകൊണ്ടുണ്ടാകുന്ന ഈ രോഗത്തിന് ബി 1 ഗുളികയാണ് പരിഹാരം.

രോഗം ബാധിച്ച പ്രാവിനെ എത്രയും പെട്ടെന്ന് കൂട്ടത്തിൽ നിന്ന് മാറ്റാൻ ശ്രദ്ധിക്കണം. രണ്ടാഴ്ചയിൽ ഒരിക്കൽ പ്രാവുകളെ മാറ്റി കൂട് വൃത്തിയാക്കി അണുനാശിനി തളിക്കുകയും മഞ്ഞൾപ്പൊടി വിതറുകയും ചെയ്താൽ പ്രാവുകൾ ആരോഗ്യത്തോടെ വളരും. സാധാരണ ഗതിയിൽ പതിനഞ്ച് മുതൽ ഇരുപത് വർഷം വരെയാണ് പ്രാവുകളുടെ ജീവിതകാലം.

Comments



More from Livestock & Aqua

കുതിരവേഗത്തില്‍ കാളകള്‍ വയല്‍ വരമ്പില്‍ ആവേശത്തിര

കുതിരവേഗത്തില്‍ കാളകള്‍ വയല്‍ വരമ്പില്‍ ആവേശത്തിര കൊയ്ത്തു കഴിഞ്ഞ് രണ്ടാം വിളവിറക്കുന്നതിനായി ഉഴുതു മറിച്ച വിശാലമായ വയലുകളില്‍ ഉയരുന്ന കാളപ്പൂട്ടിന്റെ നിറഞ്ഞ ആരവങ്ങള്‍.....

June 18, 2018

മഴക്കാലത്ത് പക്ഷിമൃഗാദികളെ വളർത്തുന്നവർ ശ്രദ്ധിക്കേണ്ടകാര്യങ്ങൾ 

മഴക്കാലത്ത് പക്ഷിമൃഗാദികളെ വളർത്തുന്നവർ ശ്രദ്ധിക്കേണ്ടകാര്യങ്ങൾ  കനത്ത വേനലിനു ശേഷം ഈ മാസം അവസാനത്തോടു കൂടി ശക്തമായ മഴയുണ്ടാകുമെന്നും, സാധാരണയിൽ കവിഞ്ഞ മഴ ഇപ്രാവശ്യം ഉണ്ടാകുമെന്നും കാലാവസ്ഥാ നിരീക്ഷണ കേന്ദ്രം അറിയിച്ചിട്ടുണ്ട്.

June 14, 2018

മത്സ്യകൃഷി അടുക്കളകുളങ്ങളിൽ

മത്സ്യകൃഷി അടുക്കളകുളങ്ങളിൽ മഴക്കാലം തുടങ്ങിയതോടെ ഇപ്പോൾ അടുക്കള കുളങ്ങളിലേക്കു മീൻ വളർത്തൽ ആരംഭിക്കാൻ സമയമായി. സ്ഥലപരിമിതിക്കനുസരിച്ചു കുളങ്ങൾ നിർമിക്കാം.

June 12, 2018

FARM TIPS

ചെടി ഉണങ്ങാതിരിക്കാന്‍ മതൈലോ ബേക്റ്റര്‍ എക്സ്റ്റോര്‍ ക്വെന്‍സ് എന്ന ബാക്റ്റീരിയ

June 21, 2018

മതൈലോ ബേക്റ്റര്‍ എക്സ്റ്റോര്‍ ക്വെന്‍സ് എന്ന ബാക്റ്റീരിയാ പ്രകൃതിയിലുള്ള മണ്ണ്‍ , ശുദ്ധജലം ഇലതഴകള്‍,വേരുപടലങ്ങള്‍ എന്നിവയില്‍ കൂവരുന്ന സൂക്ഷ്മാണൂവാകുന…

വാം: വിളകളുടെ മിത്രം

June 14, 2018

ചെടികള്‍ വളരുന്നതിനും പുഷ്പിക്കുന്നതിനും വേണ്ട മൂലകമാണ് ഫോസ്ഫറസ്. മണ്ണില്‍ ഫോസ്ഫറസിന്റെ രൂപത്തില്‍ കാണപ്പെടുന്ന മൂലകത്തിന്റെ വളരെകുറച്ചു ഭാഗം മാത്രമാണ…

സസ്യസംരക്ഷണം: കൊമ്പന്‍ ചെല്ലിയുടെ ചുവടുമാറ്റം

May 30, 2018

തെങ്ങിന്‍ കുരല്‍ തുളച്ചും കുരുത്തോലകള്‍ മുറിച്ചും കൊമ്പന്‍ ചെല്ലി കേരകര്‍ഷകര്‍ക്ക് സ്ഥിരം തലവേദനയാണ്.






CopyRight - 2018 Krishi Jagran Media Group. All Rights Reserved.