തിലാപ്പിയയിലെ വൈറസ് ബാധ 

Thursday, 31 May 2018 05:31 PM By KJ KERALA STAFF
മികച്ച പ്രത്യുത്പാദനശേഷിയുള്ളതും, അതിവേഗം വളരുന്ന വളര്ത്തുമത്സ്യമാണ് തിലാപ്പിയ.ഇരുന്നൂറു മുതൽ  ആയിരം കുഞ്ഞുങ്ങള് വരെ ഒറ്റ പ്രജനനത്തിൽ  ഉണ്ടാവാറുണ്ട്. മത്സ്യ ഉൽപാദനത്തിൽ ലോകത്തു രണ്ടാം സ്ഥാനമുള്ള  തിലാപ്പിയയുടെ ഉൽപാദനം പ്രതിവർഷം 40–60 ടൺ ആണ്. തിലോപ്പിയയെ  ബാധിക്കുന്ന പ്രധാന രോഗമാണ് 'തിലാപ്പിയ ലേക്ക് വൈറസ്’. ഇസ്രയേൽ, ഇക്വഡോർ എന്നീ രാജ്യങ്ങളിൽ 2014–ൽ അതിസാന്ദ്രതാരീതിയിൽ മത്സ്യക്കൃഷി നടത്തിയ കുളങ്ങളിൽ ഈ രോഗബാധമൂലം മത്സ്യങ്ങൾ കൂട്ടത്തോടെ ചത്തൊടുങ്ങി.

ഓർത്തോമിക്സോ വിറിഡേ എന്ന വിഭാഗത്തിൽ പെടുന്ന ഈ വൈറസ് ബാധിച്ചാൽ അധികം വൈകാതെതന്നെ മത്സ്യങ്ങൾ കൂട്ടത്തോടെ ചത്തൊടുങ്ങുന്നു.ചെറിയ മത്സ്യങ്ങളെ വളരെവേഗം രോഗം ബാധിക്കും.

രോഗലക്ഷണങ്ങൾ 

വൈറസ് ബാധിച്ച മത്സ്യങ്ങളുടെ കണ്ണുകൾ തിമിരം ബാധിച്ചതുപോലെ വെളുത്ത നിറത്തിൽ കാണപ്പെടുന്നു. അസുഖം കൂടുന്ന സമയത്ത് കണ്ണുകൾ വീർക്കുകയും ദേഹത്ത് വ്രണങ്ങൾ ഉണ്ടാകുകയും അതിലൂടെ രക്തം വരികയും  ചെയ്യും.രോഗം ബാധിച്ച  മത്സ്യങ്ങൾ തീറ്റയെടുക്കുന്നതു കുറയും. കുളങ്ങളുടെ അരികിലൂടെ വളരെ സാവധാനത്തിലാകും നീന്തൽ.വേനൽക്കാലത്ത് /ചൂട് കൂടുന്ന സമയത്ത് രോഗബാധയ്ക്കു സാധ്യതയേറുന്നു. രോഗം സ്ഥിരീകരിക്കൽ റിവേഴ്സ് ട്രാൻസ്ക്രിപ്റ്റെസ്സ് പിസിആർ എന്ന നൂതന സാങ്കേതികവിദ്യ ഉപയോഗിച്ചാണ്.

പ്രതിരോധം 

വൈറസ് രോഗമായതിനാൽ ചികിത്സയില്ല,  രോഗം വരാതെ നോക്കുകയാണ് ഉത്തമം.
ഇതിനായി കൃഷിചെയ്യുന്ന കുളങ്ങളിലെതാപനില ക്രമാതീതമായി ഉയരാതെ നോക്കണം.വിപണിയിൽ ലഭ്യമായ പച്ചനിറത്തിലുള്ള തണൽ വല (80 ശതമാനം) ഉപയോഗിക്കാം.കുളത്തിൽ അവശിഷ്ടങ്ങൾ അടിഞ്ഞുകൂടി അമോണിയ പോലുള്ള വിഷലിപ്ത പദാർഥങ്ങൾ ഉണ്ടാകാതെ നോക്കണം.
ഇതിന് കൃത്രിമ തീറ്റ ആവശ്യാനുസരണം മാത്രം നൽകി അവശിഷ്ടങ്ങൾ ദിവസവും മാറ്റുന്നതിനുള്ള സൗകര്യം ഒരുക്കണം.

കൂടാതെ, കുളത്തിലെ ഓക്സിജന്റെ അളവ് 5 പിപിഎ യിൽ കുറയാതെ നോക്കണം. ഇതിനായി എയറേറ്റർപോലുള്ള സംവിധാനം ഉപയോഗിക്കണം.കൂടാതെ, ഏതെങ്കിലും മത്സ്യത്തിന് രോഗലക്ഷണം കണ്ടുകഴിഞ്ഞാൽ അതിനെ എത്രയും പെട്ടെന്ന് കൂട്ടത്തിൽനിന്നു  മാറ്റണം. ഈ മത്സ്യങ്ങളിൽനിന്ന് വേഗം മറ്റുള്ളവയിലേക്കു രോഗം പടരും.ഗുണമേന്മ ഉറപ്പു വരുത്തുന്ന സ്ഥലങ്ങളിൽനിന്നു മാത്രം കുഞ്ഞുങ്ങളെ വാങ്ങുക. കുഞ്ഞുങ്ങളെ കുളത്തിൽ മുൻപ് രോഗം ഒഴിവാക്കാൻ വേണ്ടത്ര തിലാപ്പിയയിലെ വൈറസ് ബാധ മുൻകരുതലെടുക്കുക. ഇതിനായി കൃഷിയിടത്തിന്റെ ശുചിത്വം, കുഞ്ഞുങ്ങളുടെ ആരോഗ്യപരിപാലനം, വെള്ളത്തിന്റെ ഗുണനിലവാരം എന്നിവ ഉറപ്പു വരുത്തണം.

Comments



More from Livestock & Aqua

കുതിരവേഗത്തില്‍ കാളകള്‍ വയല്‍ വരമ്പില്‍ ആവേശത്തിര

കുതിരവേഗത്തില്‍ കാളകള്‍ വയല്‍ വരമ്പില്‍ ആവേശത്തിര കൊയ്ത്തു കഴിഞ്ഞ് രണ്ടാം വിളവിറക്കുന്നതിനായി ഉഴുതു മറിച്ച വിശാലമായ വയലുകളില്‍ ഉയരുന്ന കാളപ്പൂട്ടിന്റെ നിറഞ്ഞ ആരവങ്ങള്‍.....

June 18, 2018

മഴക്കാലത്ത് പക്ഷിമൃഗാദികളെ വളർത്തുന്നവർ ശ്രദ്ധിക്കേണ്ടകാര്യങ്ങൾ 

മഴക്കാലത്ത് പക്ഷിമൃഗാദികളെ വളർത്തുന്നവർ ശ്രദ്ധിക്കേണ്ടകാര്യങ്ങൾ  കനത്ത വേനലിനു ശേഷം ഈ മാസം അവസാനത്തോടു കൂടി ശക്തമായ മഴയുണ്ടാകുമെന്നും, സാധാരണയിൽ കവിഞ്ഞ മഴ ഇപ്രാവശ്യം ഉണ്ടാകുമെന്നും കാലാവസ്ഥാ നിരീക്ഷണ കേന്ദ്രം അറിയിച്ചിട്ടുണ്ട്.

June 14, 2018

മത്സ്യകൃഷി അടുക്കളകുളങ്ങളിൽ

മത്സ്യകൃഷി അടുക്കളകുളങ്ങളിൽ മഴക്കാലം തുടങ്ങിയതോടെ ഇപ്പോൾ അടുക്കള കുളങ്ങളിലേക്കു മീൻ വളർത്തൽ ആരംഭിക്കാൻ സമയമായി. സ്ഥലപരിമിതിക്കനുസരിച്ചു കുളങ്ങൾ നിർമിക്കാം.

June 12, 2018

FARM TIPS

ചെടി ഉണങ്ങാതിരിക്കാന്‍ മതൈലോ ബേക്റ്റര്‍ എക്സ്റ്റോര്‍ ക്വെന്‍സ് എന്ന ബാക്റ്റീരിയ

June 21, 2018

മതൈലോ ബേക്റ്റര്‍ എക്സ്റ്റോര്‍ ക്വെന്‍സ് എന്ന ബാക്റ്റീരിയാ പ്രകൃതിയിലുള്ള മണ്ണ്‍ , ശുദ്ധജലം ഇലതഴകള്‍,വേരുപടലങ്ങള്‍ എന്നിവയില്‍ കൂവരുന്ന സൂക്ഷ്മാണൂവാകുന…

വാം: വിളകളുടെ മിത്രം

June 14, 2018

ചെടികള്‍ വളരുന്നതിനും പുഷ്പിക്കുന്നതിനും വേണ്ട മൂലകമാണ് ഫോസ്ഫറസ്. മണ്ണില്‍ ഫോസ്ഫറസിന്റെ രൂപത്തില്‍ കാണപ്പെടുന്ന മൂലകത്തിന്റെ വളരെകുറച്ചു ഭാഗം മാത്രമാണ…

സസ്യസംരക്ഷണം: കൊമ്പന്‍ ചെല്ലിയുടെ ചുവടുമാറ്റം

May 30, 2018

തെങ്ങിന്‍ കുരല്‍ തുളച്ചും കുരുത്തോലകള്‍ മുറിച്ചും കൊമ്പന്‍ ചെല്ലി കേരകര്‍ഷകര്‍ക്ക് സ്ഥിരം തലവേദനയാണ്.






CopyRight - 2018 Krishi Jagran Media Group. All Rights Reserved.