മണ്ണിന് ചൂടുചികിത്സാ - സൂര്യതാപീകരണം

മണ്ണിനെ അണുവിമുക്തമാകാൻ ഏറ്റവും അനുയോജ്യമായ ഒരു മാർഗമാണ് സൂര്യതാപീകരണം . വർഷത്തിൽ സൂര്യപ്രകാശം ഏറ്റവും കൂടുതൽ ലഭിക്കുന്ന സമയത്താണ് സുതാര്യമായ പ്ലാസ്റ്റിക് ഷീറ്റ് കൊണ്ട് ഈർപ്പമുള്ള മണ്ണ് മൂടി അതുവഴി അണുവിമുക്തമാക്കാം .

എൻ്റെ  മണ്ണിൻ്റെ കല്ലും കട്ടയും നീക്കി ജൈവവളത്തിൽ ചേർക്കുക . ഒരു ചതുരശ്രമീറ്ററിന്  5  ലിറ്റർ  എന്ന തോതിൽ നന്നയിക്കുക. 100 -150   ഗേജ്  കട്ടിയുള്ള സുതാര്യമായ പ്ലാസ്റ്റിക് കൊണ്ട്  തടം മൂടി വായു കടക്കാതെ അരികുകൾ മണ്ണിട്ട് മൂടുക . അകത്തുള്ള ഈർപ്പവും ചൂടും അതുപോലെ നിലനിർത്താനാണിത് . പ്ലാസ്റ്റിക് ഷീറ്റും മണ്ണും എല്ലായിടത്തും ഇടയ്ക്കു വായു അറകളില്ലാതെ  ചേർന്നിരിക്കുന്നുവെന്ന് ഉറപ്പുവരുത്തണം .20 - 30 ദിവസം  ഇതുപോലെ തന്നെ ഇടുക . ശേഷം ഷീറ്റുമാറ്റി വിത്തുപാകാം . ചെടിച്ചട്ടിയിലാണെങ്കിൽ പോട്ടിങ്  മിശ്രിതം തറയിൽ 15 -20  സെമി  കനത്തിൽ  നിരത്തി മേൽപ്പറഞ്ഞ പ്രകാരം ചെയ്യുക .

കൃഷിവകുപ്പിൻ്റെയും  മണ്ണുസംരക്ഷണവകുപ്പിൻ്റെയും കീഴിൽ  നിരവധി മണ്ണുപരിശോധനാ കേന്ദ്രങ്ങൾ പ്രവർത്തിക്കുന്നുണ്ട്. ഈ  കേന്ദ്രങ്ങൾ കൂട്ടുക്കാർ  സന്ദർശിച്ച് പ്രവർത്തനങ്ങൾ മനസ്സിലാക്കണം ഒപ്പം സ്കൂൾ - വീട്ടുപുരയിടങ്ങളിലെ മണ്ണുസാമ്പിളുകൾ പരിശോധനക്കും വിധേയമാകാം . സ്കൂളിനടുത്ത കൃഷി ഭവനുമായി ബന്ധപ്പെട്ടാൽ  പരിശോധന സൗജന്യമായി ചെയ്യാം .