ഇന്നത്തെ കാർഷിക വാർത്തകൾ 20/02/2026

News

KJ Staff

February 20, 12:42 February 20, 12:42

• സമൃദ്ധി കേരളം വായ്പാ പദ്ധതി: അപേക്ഷ ക്ഷണിച്ചു

പട്ടികജാതി-പട്ടികവര്‍ഗ വികസന കോര്‍പറേഷന്‍ മുഖേന നടപ്പിലാക്കുന്ന 'സമൃദ്ധി കേരളം' ടോപ്പ് അപ്പ് ലോണ്‍ പദ്ധതിയിലേക്ക് അപേക്ഷകള്‍ ക്ഷണിച്ചു. പട്ടികജാതിക്കാരായ നിലവിലുള്ള സംരംഭകരുടെ ബിസിനസ് വികസനവും സാമ്പത്തിക ശാക്തീകരണവും ലക്ഷ്യം വച്ച് സംസ്ഥാന സര്‍ക്കാര്‍ നടപ്പിലാക്കുന്ന പദ്ധതിയില്‍ ഒരു ഗുണഭോക്താവിന് പരമാവധി പത്തു ലക്ഷം രൂപ വരെ ടേം ലോണ്‍ / വര്‍ക്കിംഗ് ക്യാപിറ്റല്‍ ലോണ്‍ ആയി നല്‍കും. പദ്ധതിയുടെ ഗുണഭോക്താക്കള്‍ക്ക് അവരുടെ ഇഷ്ടാനുസരണം മൂന്ന് ശതമാനം അറ്റ വാര്‍ഷിക പലിശ നിരക്കിലോ അല്ലെങ്കില്‍ 20 ശതമാനം വരെ ഫ്രണ്ട് എന്‍ഡഡ് സബ്സിഡി രൂപത്തില്‍ (പരമാവധി 2 ലക്ഷം രൂപ വരെ) പദ്ധതിയുടെ ആനുകൂല്യം തിരഞ്ഞെടുക്കാവുന്നതാണ്. കൂടാതെ, സംരഭത്തിന്റെ വികസനം ലക്ഷ്യം വച്ച് വായ്പ അനുവദിച്ച് ആദ്യത്തെ രണ്ട് വര്‍ഷം മെന്ററിംഗ് സപ്പോര്‍ട്ട് നല്‍കും. പദ്ധതിയില്‍ വനിതാ സംരംഭകര്‍ക്കും ദുര്‍ബല വിഭാഗങ്ങളില്‍ നിന്നുള്ള സംരംഭകര്‍ക്കും മുന്‍ഗണന നല്‍കും. കൂടുതല്‍ വിവരങ്ങള്‍ക്കും അപേക്ഷ സമര്‍പ്പിക്കുന്നതിനുമായി പട്ടികജാതി പട്ടികവര്‍ഗ വികസന കോര്‍പറേഷന്റെ മലപ്പുറം കാര്യാലയവുമായി ബന്ധപ്പെടാവുന്നതാണ്.
ഫോണ്‍: 9400068510, 0483 2731496.

• മത്സ്യവിതരണ തൊഴിലാളികള്‍ക്ക് ക്ഷേമനിധി അംഗത്വം രജിസ്റ്റര്‍ ചെയ്യാന്‍ സ്‌പെഷ്യല്‍ ഹെല്‍പ് ഡെസ്‌ക്

മലപ്പുറം, കോഴിക്കോട്, വയനാട് ജില്ലകളിലെ മത്സ്യവിതരണ തൊഴിലാളികള്‍ക്ക് ക്ഷേമനിധി അംഗത്വം രജിസ്റ്റര്‍ ചെയ്യുന്നതിന് ഓണ്‍ലൈന്‍ ഹെല്‍പ്പ് ഡെസ്‌ക് ആരംഭിച്ചു. പാസ്‌പോര്‍ട്ട് സൈസ് ഫോട്ടോ, ആധാര്‍ കാര്‍ഡ്, റേഷന്‍ കാര്‍ഡ്, തൊഴില്‍ കാര്‍ഡ് (ആരോഗ്യ / തദ്ദേശ / ഫിഷറീസ് വകുപ്പുകളില്‍ നിന്നും അനുവദിച്ചത്), ബാങ്ക് പാസ് ബുക്ക്, എല്‍.എസ്.ജി.ഡി, പേര്, വാര്‍ഡ് നമ്പര്‍, വാട്സ്ആപ്പ് മൊബൈല്‍ നമ്പര്‍, എന്നിവ ഉള്‍പ്പെടെ നിശ്ചിത ഫോര്‍മാറ്റില്‍ തയ്യാറാക്കിയ അപേക്ഷ 9497715580 എന്ന മേഖല ഓഫീസിലെ വാട്സ്ആപ്പ് നമ്പറിലേക്ക് ഫെബ്രുവരി 28 ന് മുമ്പായി അയയ്ക്കേണ്ടതാണ്.

മത്സ്യവിതരണ തൊഴിലാളികള്‍ക്ക് 10 ലക്ഷം രൂപയുടെ അപകട ഇന്‍ഷുറന്‍സ്, 50,000 രൂപയുടെ മാരകരോഗ ചികിത്സാ പദ്ധതി, 25,000 രൂപ വിവാഹ ധനസഹായം, രാജ്യാന്തര മത്സരങ്ങളില്‍ പങ്കെടുക്കുന്നവര്‍ക്ക് ഒരു ലക്ഷം രൂപ, തൊഴിലിനിടയില്‍ ആകസ്മിക മരണം സംഭവിച്ചാല്‍ ഒരു ലക്ഷം രൂപ ,സ്വാഭാവിക മരണത്തിന് 15,000 രൂപ, അപകടത്തില്‍പ്പെട്ട തൊഴില്‍ ചെയ്യാന്‍ പറ്റാത്തവര്‍ക്ക് ചെറുകിട സംരംഭം ആരംഭിക്കുന്നതിന് 25,000 രൂപ, വിദ്യാഭ്യാസ കായിക പ്രോത്സാഹന അവാര്‍ഡുകള്‍ തുടങ്ങിയ നിരവധി പദ്ധതികള്‍ മത്സ്യത്തൊഴിലാളി ക്ഷേമനിധി ബോര്‍ഡ് അനുബന്ധ മത്സ്യത്തൊഴിലാളികള്‍ക്കായി നടപ്പിലാക്കുന്നുണ്ട്. അംഗത്വം സ്വീകരിച്ചു കൃത്യമായി വാര്‍ഷിക വിഹിതം 600 രൂപ അടയ്ക്കുന്ന അനുബന്ധ തൊഴിലാളികള്‍ക്ക് ക്ഷേമ പദ്ധതി ആനുകൂല്യങ്ങള്‍ സമയബന്ധിതമായി കുടിശ്ശികയില്ലാതെ നല്‍കി വരുന്നു. ഫിഷറീസ് വകുപ്പിന് കീഴിലുള്ള 10 റീജിയണല്‍ ഫിഷറീസ് ടെക്‌നിക്കല്‍ ഹൈസ്‌കൂളുകളില്‍ ഹോസ്റ്റലില്‍ താമസിച്ചു പഠിക്കുന്നതിന് വിതരണ തൊഴിലാളികളുടെ കുട്ടികള്‍ക്കും അഡ്മിഷന്‍ നല്‍കുന്നതിനും സര്‍ക്കാര്‍ ഉത്തരവായിട്ടുണ്ട്.

• മുട്ടക്കോഴി വളര്‍ത്തല്‍: പരിശീലനം

• പന്നിവളര്‍ത്തല്‍: പരിശീലനം

തെക്കീബസാറില്‍ കണ്ണൂര്‍ ജില്ലാ ഹോമിയോ ആശുപത്രിക്ക് സമീപം പ്രവര്‍ത്തിക്കുന്ന മൃഗസംരക്ഷണ പരിശീലന കേന്ദ്രത്തില്‍ ഫെബ്രുവരി 23, 24 തീയതികളില്‍ രാവിലെ 10.15 മുതല്‍ വൈകുന്നേരം അഞ്ചു മണി വരെ പന്നി വളര്‍ത്തല്‍ എന്ന വിഷയത്തില്‍ പരിശീലന ക്ലാസ്സ് സംഘടിപ്പിക്കുന്നു. പരിശീലനത്തില്‍ പങ്കെടുക്കുവാന്‍ ആഗ്രഹിക്കുന്നവര്‍ 21-ാം തീയതി വൈകുന്നേരം നാലു മണിക്കകം പരിശീലനകേന്ദ്രത്തില്‍ പേര് രജിസ്റ്റര്‍ ചെയ്യേണ്ടതാണ്. ഫോണ്‍: 0497-2763473.

ഇന്നത്തെ കാർഷിക വാർത്തകൾ 11/02/2026

News

KJ Staff

February 11, 12:59 February 11, 02:03

• വൈഗ കാർഷിക പ്രദർശന മേളയ്ക്ക് തുടക്കം

സംസ്ഥാന കാർഷിക വികസന വകുപ്പിന്റെ ആഭിമുഖ്യത്തിൽ സംഘടിപ്പിക്കുന്ന വൈഗ (VAIGA - Value Addition for Income Generation in Agriculture) കാർഷിക പ്രദർശന വിപണന മേളയ്ക്ക് തുടക്കം കുറിച്ചു. വൈഗ കാർഷിക പ്രദർശന മേളയുടെ ഏഴാം പതിപ്പിനാണ് ഇന്ന് തുടക്കമായത്. ഫെബ്രുവരി 11 മുതൽ 16 വരെ തിരുവനന്തപുരം ആനയറ വേൾഡ് മാർക്കറ്റ് മൈതാനത്ത് വച്ചാണ് ഇത്തവണത്തെ വൈഗ കാർഷിക പ്രദർശന മേള നടക്കുന്നത്. ഇന്ന് വൈകുന്നേരം 4.30 ന് മുഖ്യമന്ത്രി പിണറായി വിജയൻ വൈഗ കാർഷികമേള ഉദ്ഘാടനം ചെയ്യും. കാർഷിക വികസന കർഷകക്ഷേമ വകുപ്പ് മന്ത്രി പി. പ്രസാദ് അധ്യക്ഷത വഹിക്കും. മന്ത്രിമാരായ വി. ശിവൻകുട്ടി, കെ.എൻ. ബാലഗോപാൽ, എ.കെ ശശീന്ദ്രൻ, ജി. ആർ അനിൽ, ഡെപ്യൂട്ടി സ്പീക്കർ ചിറ്റയം ഗോപകുമാർ, മേയർ വി.വി രാജേഷ്, എം.പി മാർ, എം.എൽ.എ മാർ മറ്റു ജനപ്രതിനിധികൾ തുടങ്ങിയവർ പങ്കെടുക്കും. വനിതാ കർഷകരുടെ വിജയഗാഥകൾ ഉൾക്കൊള്ളിച്ചുകൊണ്ട് തയ്യാറാക്കിയ 'കാർഷിക വഴിയിലെ പെൺചുവടുകൾ' എന്ന പുസ്തകം ചടങ്ങിൽ മുഖ്യമന്ത്രി പ്രകാശനം ചെയ്യും.

കാർഷിക ഉൽപന്നങ്ങളുടെ മൂല്യവർദ്ധനവ്, സംസ്‌കരണം, വിപണനം എന്നിവയിലൂടെ കർഷകർക്ക് മികച്ച വരുമാനം ഉറപ്പാക്കുക, സംരംഭകരെ കാർഷികമേഖലയിലേക്ക് ആകർഷിക്കുക എന്നിവയാണ് മേളയുടെ പ്രധാന ലക്ഷ്യങ്ങൾ. കാർഷിക മേഖലയിലെ നൂതന സാങ്കേതികവിദ്യകളും മൂല്യവർദ്ധിത ഉത്പന്നങ്ങളും പരിചയപ്പെടുത്തുന്ന 250-ഓളം സ്റ്റാളുകൾ മേളയിലുണ്ട്. തമിഴ്നാട്, മഹാരാഷ്ട്ര, ഗുജറാത്ത്, കർണാടക, സിക്കിം തുടങ്ങിയ സംസ്ഥാനങ്ങളുടെയും, കാർഷിക സർവ്വകലാശാല, നബാർഡ്, കേന്ദ്ര ഗവേഷണ കേന്ദ്രങ്ങൾ, കാർഷികോത്പാദന സംഘടനകൾ, പൊതുമേഖല, സഹകരണ സ്ഥാപനങ്ങൾ തുടങ്ങിയവയുടെ കാർഷിക പ്രദർശനങ്ങളും മേളയിൽ ഉൾപ്പെടും. വിപണന സാധ്യതകൾ, സ്മാർട്ട് ഫാമിംഗ്, നിർമിത ബുദ്ധി തുടങ്ങിയ വിഷയങ്ങളിൽ വിദഗ്ധർ നയിക്കുന്ന സെമിനാറുകളും വൈവിധ്യമാർന്ന രുചികൾ പരിചയപ്പെടുത്തുന്ന ഭക്ഷ്യമേളയും, വ്യത്യസ്തങ്ങളായ കലാസന്ധ്യകളും മേളയുടെ ഭാഗമായി സംഘടിപ്പിക്കുന്നുണ്ട്.

കാർഷിക സംരംഭകർക്ക് പ്രായോഗിക നിർദ്ദേശങ്ങളും വായ്പാ സഹായത്തിനുള്ള പ്രോജക്ട് റിപ്പോർട്ടുകളും തയ്യാറാക്കി നൽകുന്ന ഡി.പി.ആർ. ക്ലിനിക്ക് വൈഗ മേളയുടെ പ്രധാന പ്രത്യേകതയാണ്. കാർഷിക സംരംഭങ്ങൾ ആരംഭിക്കാൻ ആഗ്രഹിക്കുന്ന കർഷകർ, നിക്ഷേപകർ, സംരംഭകർ എന്നിവർക്ക് പ്രായോഗിക മാർഗനിർദ്ദേശവും സാങ്കേതിക പിന്തുണയും നൽകുന്നതാണ് ഡി.പി.ആർ. ക്ലിനിക്കിന്റെ ലക്ഷ്യം. കൂടാതെ, കർഷകരെയും വിപണിയെയും നേരിട്ട് ബന്ധിപ്പിക്കുന്നതിനായി ബിസിനസ് ടു ബിസിനസ് മീറ്റും സംഘടിപ്പിക്കും.

• കർഷക തൊഴിലാളികളുടെ മക്കൾക്ക് ഉന്നതവിദ്യാഭ്യാസ ധനസഹായത്തിന് അപേക്ഷിക്കാം

കേരള കർഷക തൊഴിലാളി ക്ഷേമനിധി ബോർഡിൽ അംഗങ്ങളായിട്ടുള്ള കർഷക തൊഴിലാളികളുടെ മക്കൾക്ക് 2025 അദ്ധ്യയന വർഷത്തെ ഉന്നത വിദ്യാഭ്യാസ ധനസഹായത്തിനുള്ള അപേക്ഷ ക്ഷണിച്ചു. വിദ്യാർഥികൾ കേരളത്തിനകത്തുള്ള സർക്കാർ / എയ്ഡഡ് കോളേജുകളിൽ പഠിച്ചവരായിരിക്കണം. 2025 വർഷത്തെ Degree, P.G, Professional Degree, Professional P.G., T.T.C., I.T.I., Polytechnic, General Nursing, B.Ed, Medical Diploma തുടങ്ങിയ കോഴ്‌സുകൾ ആദ്യ ചാൻസിൽ തന്നെ പാസായ വിദ്യാർത്ഥികൾക്കാണ് ധനസഹായം നൽകുന്നത്. 2025 ജനുവരി 1 മുതൽ 2025 ഡിസംബർ 31 വരെ ലഭ്യമായ റിസൾട്ടുകളാണ് അപേക്ഷയുടെ അടിസ്ഥാനം (കലണ്ടർ ഇയർ). വിദ്യാർത്ഥികളുടെ മാതാപിതാക്കളിൽ നിന്നും നിശ്ചിത ഫോറത്തിലുള്ള അപേക്ഷ തിരുവനന്തപുരം ജില്ലാ എക്‌സിക്യൂട്ടീവ് ഓഫീസിൽ ഫെബ്രുവരി 16-ാം തീയതി വൈകുന്നേരം 5 മാണി വരെ സ്വീകരിക്കും. വിശദവിവരങ്ങൾക്ക്: www.agriworkersfund.org, ഫോൺ: 0471-2729175.

• റേഷന്‍ കാര്‍ഡ് തരം മാറ്റാന്‍ അവസരം

വയനാട്: ഒഴിവാക്കല്‍ മാനദണ്ഡങ്ങളില്‍ ഉള്‍പ്പെടാത്ത കുടുംബങ്ങളുടെ പൊതുവിഭാഗം റേഷന്‍ കാര്‍ഡുകള്‍ മുന്‍ഗണന (പി.എച്ച്.എച്ച്) വിഭാഗത്തിലേക്ക് തരംമാറ്റാന്‍ അവസരം. അക്ഷയ കേന്ദ്രങ്ങള്‍, സി.എസ്.സി സേവനങ്ങള്‍ മുഖേന ഫെബ്രുവരി 13 വരെ അപേക്ഷ സമർപ്പിക്കാം. വരുമാന സര്‍ട്ടിഫിക്കറ്റ്; സ്വന്തമായി വീടുള്ളവര്‍- വീടിന്റെ വിസ്തീര്‍ണ്ണം കാണിക്കുന്ന സാക്ഷ്യപത്രം, നികുതി ചീട്ടിന്റെ പകര്‍പ്പ്, ബി.പി.എല്‍ ലിസ്റ്റിലുള്‍പ്പെട്ടതിന്റെ സര്‍ട്ടിഫിക്കറ്റ്; സര്‍ക്കാര്‍ ഭവന പദ്ധതികളില്‍ വീട് ലഭിച്ചവര്‍- സാക്ഷ്യപത്രം; സ്ഥലം, വീട് ഇല്ലാത്തവര്‍- വില്ലേജ് ഓഫീസറുടെ സാക്ഷ്യപത്രം; രോഗാവസ്ഥ / ഭിന്നശേഷിയുള്ളവര്‍- മെഡിക്കല്‍ സര്‍ട്ടിഫിക്കറ്റ്; കുന്നിന്‍ ചെരുവില്‍ 100 മീറ്റര്‍ ചുറ്റളവില്‍ കുടിവെള്ളം, വൈദ്യുതി, ശുചിമുറിയില്ലാത്ത കുടുംബം, ആയിരം സ്‌ക്വയര്‍ ഫീറ്റ് വീട്, 25000 രൂപയ്ക്ക് മുകളില്‍ വരുമാനം, നാല് ചക്രവാഹനം, ഒരേക്കര്‍ സ്ഥലം എന്നിവയില്ലാത്ത എസ്.സി / എസ്.ടി വിഭാഗത്തിലെ കുടുംബങ്ങള്‍ക്കും അനുവദനീയമായ മുന്‍ഗണന ഉണ്ടായിരിക്കും. കൂടുതല്‍ വിവരങ്ങള്‍ക്ക് താലൂക്ക് സപ്ലൈ ഓഫീസുമായി ബന്ധപ്പെടാം. ഫോണ്‍ - 04936 255 222 ( വൈത്തിരി) 04936 220213 (സുല്‍ത്താന്‍ ബത്തേരി ) 04935 240252 (മാനന്തവാടി)

• മത്സ്യത്തൊഴിലാളികള്‍ക്കുള്ള ആനുകൂല്യങ്ങള്‍ വിതരണം ചെയ്തു

സംസ്ഥാന ഫിഷറീസ് വകുപ്പിനു കീഴിലെ കേരള മത്സ്യത്തൊഴിലാളി ക്ഷേമനിധി ബോര്‍ഡ് മത്സ്യത്തൊഴിലാളികളുടെയും അനുബന്ധ തൊഴിലാളികളുടെയും വിരമിക്കല്‍ ആനുകൂല്യ വിതരണം നടത്തി. ആലുങ്ങല്‍ ബീച്ച് ഗവ. എല്‍പി സ്‌കൂളില്‍ വച്ചു സംഘടിപ്പിച്ച പരിപാടി മത്സ്യബോര്‍ഡ് ചെയര്‍മാന്‍ കൂട്ടായി ബഷീര്‍ ഉദ്ഘാടനം ചെയ്തു. ചടങ്ങിന് പരപ്പനങ്ങാടി നഗരസഭ ചെയര്‍പേഴ്‌സണ്‍ സുബൈദ ടീച്ചര്‍ അധ്യക്ഷത വഹിച്ചു. തിരൂരങ്ങാടി മണ്ഡലത്തിലെ ഗുണഭോക്താക്കള്‍ക്കാണ് തുക വിതരണം ചെയ്തത്. ചടങ്ങിനോടനുബന്ധിച്ച് മത്സ്യ ബോര്‍ഡ് നടപ്പിലാക്കിവരുന്ന തനത് പദ്ധതികളുടെ ആനുകൂല്യങ്ങളും വിതരണം ചെയ്തു. പരിപാടിയില്‍ ഫിഷറീസ് വകുപ്പിന്റെ തീരോന്നതി ആന്റി ഡ്രഗ് ക്യാമ്പയിന്‍ 2026-ന്റെ ഭാഗമായി എക്‌സൈസ് വകുപ്പിലെ ഉദ്യോഗസ്ഥര്‍ ലഹരി ഉപയോഗം സംബന്ധിച്ചുള്ള വിഷയത്തില്‍ ക്ലാസെടുത്തു.

ഇന്നത്തെ കാർഷിക വാർത്തകൾ 06/02/2026

News

KJ Staff

February 06, 12:10 February 06, 12:10

• കര്‍ഷക തൊഴിലാളി ക്ഷേമനിധി ഉന്നത വിദ്യാഭ്യാസ അവാര്‍ഡ്: അപേക്ഷ ക്ഷണിച്ചു

കേരള കര്‍ഷക തൊഴിലാളി ക്ഷേമനിധിയില്‍ അംഗങ്ങളായ തൊഴിലാളികളുടെ മക്കളില്‍, 2025 - ഉന്നത വിദ്യാഭ്യാസ പരീക്ഷയില്‍ ഉയര്‍ന്ന മാര്‍ക്ക് നേടിയവര്‍ക്ക് ഉന്നത വിദ്യാഭ്യാസ അവാര്‍ഡിനുള്ള അപേക്ഷ ക്ഷണിച്ചു. ഡിഗ്രി, പ്രൊഫഷണല്‍ ഡിഗ്രി, പി.ജി, പ്രൊഫഷണല്‍ പി.ജി, ടി.ടി.സി, ഐ.ടി.ഐ, പോളിടെക്‌നിക്, ജനറല്‍ നഴ്‌സിംഗ്, ബി.എഡ്, മെഡിക്കല്‍ ഡിപ്ലോമ തുടങ്ങിയ കോഴ്സുകള്‍ ആദ്യ ചാന്‍സില്‍ തന്നെ പാസ്സായ വിദ്യാര്‍ത്ഥികൾക്കാണ് ധനസഹായം നല്‍കുന്നത്. അപേക്ഷ ഫോമിന്റെ മാതൃക www.agriworkersfund.org എന്ന വെബ്‌സൈറ്റിലും ക്ഷേമനിധി ഓഫീസില്‍ നിന്നും ലഭ്യമാകും. നിശ്ചിത മാതൃകയിലുള്ള അപേക്ഷയോടൊപ്പം ബന്ധപ്പെട്ട പരീക്ഷയുടെ മാര്‍ക്ക് ലിസ്റ്റിന്റെ സ്വയം സാക്ഷ്യപ്പെടുത്തിയ പകര്‍പ്പ്, ട്രാന്‍സ്ഫര്‍ സര്‍ട്ടിഫിക്കറ്റിന്റെ പകര്‍പ്പ്, അംഗത്തിന്റെ ക്ഷേമനിധി പാസ്സ്ബുക്കിന്റെ പകര്‍പ്പ്, അംഗത്തിന്റെ ബാങ്ക് പാസ്സ്ബുക്കിന്റെ പകര്‍പ്പ്, ആധാര്‍കാര്‍ഡിന്റെ പകര്‍പ്പ്, റേഷന്‍ കാര്‍ഡിന്റെ പകര്‍പ്പ്, അപേക്ഷകര്‍ കര്‍ഷക തൊഴിലാളിയാണ് എന്ന് തെളിയിക്കുന്ന യൂണിയന്റെ സാക്ഷ്യപത്രം എന്നിവ ഹാജരാക്കേണ്ടതാണ്. അപേക്ഷ ഫെബ്രുവരി 16 വരെ ആലപ്പുഴ ജില്ലാ എക്സിക്യൂട്ടീവ് ഓഫീസില്‍ സ്വീകരിക്കുന്നതാണ്.

• റേഷന്‍ കാര്‍ഡുകള്‍ മുന്‍ഗണനാവിഭാഗത്തിലേക്ക് മാറ്റുന്നതിന് ഇപ്പോൾ അപേക്ഷിക്കാം

ഒഴിവാക്കല്‍ മാനദണ്ഡങ്ങളില്‍ ഉള്‍പ്പെടാത്ത മുന്‍ഗണനേതര നീല, വെള്ള റേഷന്‍ കാര്‍ഡുകള്‍ മുന്‍ഗണനാവിഭാഗത്തിലേക്ക് മാറ്റുന്നതിന് അപേക്ഷ ഫെബ്രുവരി 13-ാം തീയതി വൈകുന്നേരം അഞ്ചു മണി വരെ പോര്‍ട്ടല്‍ മുഖേന സമര്‍പ്പിക്കാവുന്നതാണ്. 1000 ചതുരശ്രമീറ്റര്‍ മുകളില്‍ വിസ്തീര്‍ണമുള്ള വീട്ടുടമകള്‍, ഒരേക്കറില്‍ അധികം വസ്തു സ്വന്തമായുള്ള ഭൂഉടമകള്‍, കാര്‍ പോലുള്ള 4 ചക്ര വാഹന ഉടമസ്ഥര്‍ എന്നിവര്‍ അപേക്ഷിക്കാന്‍ യോഗ്യരല്ല. മുന്‍ഗണനാവിഭാഗത്തിലുള്ള അപേക്ഷ സമര്‍പ്പിക്കുന്നതിനായി ബന്ധപ്പെട്ട തദ്ദേശസ്വയംഭരണ സ്ഥാപനങ്ങളില്‍ നിന്നുള്ള ബി.പി.എല്‍ സര്‍ട്ടിഫിക്കറ്റ് നിര്‍ബന്ധമല്ല. നിലവിലുള്ള മുന്‍ഗണനേതര നീല, വെള്ള കാര്‍ഡ് ഉടമകളുടെ ലിസ്റ്റ് ഇനം തിരിച്ച് റേഷന്‍കടകളില്‍ പ്രസിദ്ധീകരിച്ചിട്ടുണ്ട്. അപേക്ഷ നല്‍കുന്നതിനായി ബന്ധപ്പെട്ട ഗ്രാമപഞ്ചായത്ത് മെമ്പര്‍മാര്‍, സി.ഡി.എസ് അംഗങ്ങള്‍ എന്നിവരുടെ സേവനം പ്രയോജനപ്പെടുത്താമെന്ന് കൊല്ലം ജില്ലാ സപ്ലൈ ഓഫീസര്‍ ജി.എസ് ഗോപകുമാര്‍ അറിയിച്ചു. കൂടുതൽ വിവരങ്ങൾക്ക് 0474 2794818 എന്ന ഫോൺ നമ്പറിൽ ബന്ധപ്പെടുക.

• മൃഗക്ഷേമ പുരസ്‌കാരത്തിന് അപേക്ഷിക്കാം

മൃഗക്ഷേമ ദ്വൈവാരാചരണത്തിന്റെ ഭാഗമായി ജില്ലയിലെ മികച്ച ജന്തുക്ഷേമ പ്രവര്‍ത്തകര്‍ക്കും സംഘടനകള്‍ക്കും നല്‍കുന്ന മൃഗക്ഷേമ പുരസ്‌കാരത്തിന് അപേക്ഷ ക്ഷണിച്ചു. 10,000 രൂപയും ഫലകവും പ്രശസ്തിപത്രവുമാണ് പുരസ്‌കാരം. നിര്‍ദ്ദിഷ്ട ഫോമില്‍ ഫെബ്രുവരി ഏഴിനകം അപേക്ഷ നല്‍കണം. എല്ലാ മൃഗാശുപത്രികളിലും അപേക്ഷാഫോം ലഭിക്കും. കൂടുതൽ വിവരങ്ങൾക്ക് 94951 15809 എന്ന ഫോൺ നമ്പറിൽ ബന്ധപ്പെടുക.

• നാഷണൽ മിഷൻ ഓൺ നാച്ചുറൽ ഫാമിംഗ് (NMNF) പദ്ധതിയുടെ ഭാഗമായി KMRNF നേതൃത്വത്തിൽ ഏകദിന ശില്പശാല സംഘടിപ്പിച്ചു

നാഷണൽ മിഷൻ ഓൺ നാച്ചുറൽ ഫാമിംഗ് (NMNF) പദ്ധതിയുടെ ഭാഗമായി കേരള മോഡൽ ഉത്തരവാദിത്ത പ്രകൃതി കൃഷി ഉപമിഷന്റെ (KMRNF) നേതൃത്വത്തിൽ ഏകദിന ശില്പശാല തിരുവനന്തപുരം വെള്ളയമ്പലത്തെ ഇൻസ്റ്റിറ്റ്യൂഷൻ ഓഫ് എഞ്ചിനീയേഴ്സ് (ഇന്ത്യ) ആഡിറ്റോറിയത്തിൽ വച്ച് സംഘടിപ്പിച്ചു. കൃഷിമന്ത്രി പി. പ്രസാദ് ഉദ്‌ഘാടനകർമം നിർവഹിച്ചു. KMRNF ചെയർമാനും മുൻ ചീഫ് സെക്രട്ടറിയുമായ എസ്.എം. വിജയാനന്ദ് IAS ചടങ്ങിന് അധ്യക്ഷത വഹിച്ചു. സുസ്ഥിരവും പരിസ്ഥിതി സൗഹൃദവുമായ കൃഷിരീതികൾ പ്രോത്സാഹിപ്പിക്കുക, സംസ്ഥാനതലത്തിൽ പ്രകൃതികൃഷി വ്യാപിപ്പിക്കുന്നതിനുള്ള ഏകോപന പ്രവർത്തനങ്ങൾ ശക്തിപ്പെടുത്തുക തുടങ്ങിയവയാണ് ശില്പശാലയുടെ പ്രധാന ലക്ഷ്യങ്ങൾ.

ഇന്നത്തെ കാർഷിക വാർത്തകൾ 04/02/2026

News

KJ Staff

February 04, 11:39 February 04, 11:39

• പാലുത്പന്ന നിര്‍മാണ പരിശീലന പരിപാടി

ബേപ്പൂര്‍ നടുവട്ടത്തുള്ള ഗവ. ക്ഷീരപരിശീലനകേന്ദ്രത്തില്‍ ഫെബ്രുവരി 10 മുതല്‍ 21 വരെ കോഴിക്കോട്, വയനാട്, മലപ്പുറം, കണ്ണൂര്‍ കാസര്‍ഗോഡ് ജില്ലകളിലുളളവര്‍ക്കായി പാലുത്പന്ന നിര്‍മാണ പരിശീലന പരിപാടി സംഘടിപ്പിക്കുന്നു. ക്ഷീരോത്പന്ന നിര്‍മാണ സംരഭകത്വം ആരംഭിക്കാന്‍ ആഗ്രഹിക്കുന്നവര്‍ക്കും ക്ഷീരകര്‍ഷകര്‍ക്കും പരിശീലനം പ്രയോജനപ്പെടുത്താം. 135 രൂപയാണ് രജിസ്ട്രേഷന്‍ ഫീസ്. പരിശീലന സമയത്ത് ആധാര്‍ കാര്‍ഡിന്റെ പകര്‍പ്പ് ഹാജരാക്കേണ്ടതാണ്. പരിശീലനത്തിന് താത്പര്യമുള്ളവര്‍ ഫെബ്രുവരി ആറാം തീയതി വൈകുന്നേരം അഞ്ചു മണിക്ക് മുന്‍പായി നേരിട്ടോ 0495 - 2414579 എന്ന ഫോൺ നമ്പരിലോ പേര് രജിസ്റ്റര്‍ ചെയ്യണം. കണ്‍ഫര്‍മേഷന്‍ ലഭിച്ചവര്‍ക്ക് മാത്രമായിരിക്കും പരിശീലനത്തിൽ പങ്കെടുക്കാൻ അർഹത.

• ഫിഷ് കിയോസ്‌ക്: അപേക്ഷ ക്ഷണിച്ചു

ഫിഷറീസ് വകുപ്പ് മുഖാന്തരം നടപ്പിലാക്കുന്ന പ്രധാനമന്ത്രി മത്സ്യ സമ്പദ് യോജന (പി.എം.എം.എസ്.വൈ) യുടെ ഘടക പദ്ധതിയായ, ഫിഷ് കിയോസ്‌ക് സ്ഥാപിക്കുന്നതിന് താത്പര്യമുളളള മത്സ്യത്തൊഴിലാളി /അനുബന്ധ മത്സ്യത്തൊഴിലാളി വ്യക്തിഗത അപേക്ഷകര്‍ / മത്സ്യത്തൊഴിലാളികളുടെയും മത്സ്യ കര്‍ഷകരുടെയും സൊസൈറ്റി / ഗ്രൂപ്പുകള്‍ എന്നിവരില്‍ നിന്നും അപേക്ഷ ക്ഷണിച്ചു.10 ലക്ഷം രൂപ പദ്ധതി ചെലവ് വരുന്നതിന് 40 ശതമാനം സബ്സിഡി ലഭിക്കും. പൂരിപ്പിച്ച അപേക്ഷകള്‍ ഫെബ്രുവരി 11 വരെ പൊന്നാനി, വെട്ടം, പുറത്തൂര്‍, താനൂര്‍, പരപ്പനങ്ങാടി, നിലമ്പൂര്‍ മത്സ്യഭവനുകളില്‍ സ്വീകരിക്കന്നതാണ്. കൂടുതൽ വിവരങ്ങൾക്ക് 96055 25134 എന്ന ഫോൺ നമ്പറിൽ ബന്ധപ്പെടുക.

• തീറ്റപ്പുല്‍ കൃഷിയിൽ പരിശീലനം

സുല്‍ത്താന്‍ ബത്തേരി മൃഗസംരക്ഷണ പരിശീലനകേന്ദ്രത്തില്‍ ഫെബ്രുവരി ആറാം തീയതി രാവിലെ 10 മണി മുതല്‍ വൈകുന്നേരം അഞ്ചു മണി വരെ തീറ്റപ്പുല്‍ കൃഷിയില്‍ പരിശീലന പരിപാടി സംഘടിപ്പിക്കുന്നു. താത്പര്യമുള്ളവര്‍ ഫെബ്രുവരി നാലാം തീയതി ഉച്ചയ്ക്ക് രണ്ടിനകം 04936 297084 എന്ന നമ്പരില്‍ രജിസ്റ്റര്‍ ചെയ്യേണ്ടതാണ്.

• ഒപ്പം ഉപജീവന പദ്ധതിയുടെ ഭാഗമായി ആട്ടിന്‍കൂട്‌ വിതരണം ചെയ്തു

കേരള വെറ്ററിനറി ആൻഡ് ആനിമല്‍ സയന്‍സ് യൂണിവേഴ്‌സിറ്റി നടപ്പിലാക്കുന്ന ഒപ്പം ഉപജീവന പദ്ധതിയുടെ ഭാഗമായി മുണ്ടേരി കോളിമൂല ഉന്നതിയില്‍ ആട്ടിന്‍കൂട് വിതരണം ചെയ്തു. യൂണിവേഴ്‌സിറ്റിയില്‍ നടത്തുന്ന വിവിധ മൃഗസംരക്ഷണ ഉപജീവന പ്രവര്‍ത്തനങ്ങളുടെ ഭാഗമായി സംഘടിപ്പിച്ച പരിപാടിയില്‍ ആടുകള്‍ക്കുള്ള തീറ്റയും വിതരണം ചെയ്തു. പരിപാടിയില്‍ അസോസിയേറ്റ് ഡയറക്ടര്‍ ഓഫ് എന്റര്‍പ്രണര്‍ഷിപ്പ് ഡോ. കെ.എസ്. അജിത്, വാര്‍ഡ് കൗണ്‍സിലര്‍ നിഷ, യൂണിവേഴ്‌സിറ്റി റിസര്‍ച്ച് അസിസ്റ്റന്റ് ജിപ്‌സ ജഗദീഷ്, രമേഷ്, ഷിഹാബ് എന്നിവര്‍ പങ്കെടുത്തു.

നമ്മുടെ ഇനങ്ങൾ, നമ്മുടെ അവകാശം PPVFR നിയമം വഴി കർഷക ഇനങ്ങളുടെ സംരക്ഷണം

News

KJ Staff

December 20, 03:54 December 20, 03:59

നൂറ്റാണ്ടുകളായി മണ്ണിനെ പരിപോഷിപ്പിച്ചെടുത്ത തനതു വിളവൈവിധ്യമാണ് നമ്മുടെ കാർഷിക മേഖലയുടെ അടിത്തറ. ഈ വൈവിധ്യത്തെ കാത്തുസൂക്ഷിക്കുകയും പരമ്പരാഗത വിളയിനങ്ങൾ സംരക്ഷിക്കുകയും പുതിയ ഇനങ്ങൾ സൃഷ്ടിക്കുകയും ചെയ്യുന്ന കർഷകരാണ് കാർഷികമേഖലയുടെ അടിസ്ഥാന ശക്തി. കർഷകരുടെ സംഭാവനകൾക്ക് നിയമപരമായ സംരക്ഷണം നൽകുന്നതിന് ഭാരത സർക്കാർ 2001-ൽ പാസ്സാക്കിയ നിയമമാണ് 'സസ്യ ഇനങ്ങളുടെ സംരക്ഷണവും കർഷകരുടെ അവകാശങ്ങളും' (PPVFR - Protection of Plant Varieties and Farmers' Rights Authority). ഇതുവഴി സസ്യയിനങ്ങളെ വ്യാവസായികാടിസ്ഥാനത്തിൽ ചൂഷണം ചെയ്യുന്നത് തടയാനും കർഷകരുടെയും ഗവേഷകരുടെയും അവകാശങ്ങൾ സംരക്ഷിക്കുവാനും സാധിക്കുന്നു.
കർഷകർ വികസിപ്പിച്ചെടുത്തതോ പരമ്പരാഗതമായി സംരക്ഷിച്ചു വരുന്നതോ ആയ വിളയിനങ്ങളെ മേൽപറഞ്ഞ നിയമത്തിന് കീഴിൽ രജിസ്റ്റർ ചെയ്യുമ്പോഴാണ് അവയ്ക്ക് മേൽ സ്വത്തവകാശം ലഭിക്കുന്നത്. വിത്തുകമ്പനികൾക്കും ഗവേഷണ സ്ഥാപനങ്ങൾക്കും ശാസ്ത്രജ്ഞന്മാർക്കും കർഷകർക്കും അവരുടെ പുതിയ ഇനങ്ങൾ രജിസ്റ്റർ ചെയ്യാം. അത്തരം ഇനങ്ങൾക്ക് പുതുമ (Novel), വ്യത്യസ്തത (Distinct), സ്വഭാവത്തിലുള്ള സമാനത (Uniform), സുസ്ഥിരത (Stability) എന്നിവ ഉണ്ടായിരിക്കണം.

ഈ നിയമത്തിലൂടെ കർഷകർക്ക് ലഭിക്കുന്ന പ്രധാന അവകാശങ്ങൾ ഇവയാണ്:

•  വിത്ത് ഉപയോഗിക്കാനുള്ള പൂർണ സ്വാതന്ത്ര്യം
  കൃഷിഭൂമിയുടെ അവകാശം പോലെതന്നെ പ്രധാനമാണ് വിത്തുകളുടെ മേലുള്ള ഈ അവകാശം. സംരക്ഷിക്കപ്പെട്ട ഒരിനത്തിന്റെ ബ്രാൻഡഡ് വിത്തുകൾ (രജിസ്റ്റർ ചെയ്ത കമ്പനിയുടെ ലേബലോടു കൂടിയ വിത്ത്) വിൽക്കാൻ കർഷകന് അനുവാദമില്ലെങ്കിലും, ഒരു സാധാരണ ഉത്പന്നമായി വിൽക്കുന്നതിന് തടസ്സമില്ല. സെക്ഷൻ 39 (i) (ii) നിയമപ്രകാരം രജിസ്റ്റർ ചെയ്ത ഒരിനമാണെങ്കിൽ പോലും കർഷകർക്ക് തങ്ങളുടെ കൃഷിയിടത്തിൽ വിളവെടുത്ത വിത്തുകൾ സൂക്ഷിക്കുവാനും ഉപയോഗിക്കുവാനും വിതയ്ക്കുവാനും കൈമാറ്റം ചെയ്യുവാനും വിൽക്കുവാനുമുള്ള പൂർണ സ്വാതന്ത്ര്യമുണ്ട്. അതായത് ഒരു കർഷകന് വിത്തിനങ്ങളിന്മേൽ എല്ലാ അവകാശങ്ങളും ഈ നിയമം ഉറപ്പു വരുത്തുന്നു.

• സാമ്പത്തിക ആനുകൂല്യം പങ്കിടൽ (Benefit Sharing)
  സെക്ഷൻ 26 പ്രകാരം കർഷകരുടെ കൈവശമുള്ള തനതു പാരമ്പര്യ ഇനം ഉപയോഗിച്ച് വിത്ത് കമ്പനി പുതിയ ഇനം വികസിപ്പിക്കുകയാണെങ്കിൽ അതിൽ നിന്നുണ്ടാകുന്ന ലാഭത്തിന്റെ ഒരു പങ്ക് യഥാർത്ഥ കർഷകന് അവകാശപ്പെട്ടതാണ്. പുതിയ ഇനം രജിസ്റ്റർ ചെയ്യുമ്പോൾ അത് വികസിപ്പിക്കാനുപയോഗിച്ച ജനിതക വസ്തുക്കളുടെ ഉറവിടം വെളിപ്പെടുത്താൻ കമ്പനികൾക്ക് ബാധ്യതയുണ്ട്. അതായത് ഒരു കർഷകന്റെ രജിസ്റ്റർ ചെയ്ത വിത്ത് മറ്റുള്ളവർ ഉപയോഗിക്കുമ്പോൾ ന്യായമായ പ്രതിഫലം ലഭിക്കും.
• നഷ്ടപരിഹാരം
  സെക്ഷൻ 39 (2) പ്രകാരം ഒരു കമ്പനി രജിസ്റ്റർ ചെയ്ത ഇനങ്ങളുടെ വിത്ത് കർഷകർക്ക് വിൽക്കുമ്പോൾ അവർ പരസ്യപ്പെടുത്തിയ ഗുണമേന്മയോ വിളവോ ലഭിക്കാതെ വരികയാണെങ്കിൽ അതോറിറ്റി വഴി കർഷകന് കമ്പനിയിൽ നിന്നും നഷ്ടപരിഹാരം നേടാൻ അവകാശമുണ്ട്.
• വിത്തുകളുടെ ന്യായവില
  സെക്ഷൻ (47) പ്രകാരം കൃഷിക്കാർക്ക് രജിസ്റ്റർ ചെയ്തയിനങ്ങൾ ന്യായവിലയ്ക്ക് ലഭിക്കുവാൻ അവകാശമുണ്ട്.

• കർഷകയിനങ്ങളുടെ രജിസ്ട്രേഷൻ
  കർഷകർ കാലാകാലങ്ങളായി കൃഷിയിലൂടെ തെരഞ്ഞെടുത്തു വികസിപ്പിച്ചെടുത്ത പ്രാദേശിക വിളയിനങ്ങളാണ് "കർഷകരുടെ ഇനങ്ങൾ" (Farmers Variety). സെക്ഷൻ 39 (i) (iii) പ്രകാരം നൂതനവും വ്യത്യസ്തവും സ്ഥിരതയുമുള്ള കാർഷിക ഇനങ്ങളാണ് ഈ നിയമം വഴി കർഷകർക്ക് രജിസ്റ്റർ ചെയ്യാനാകുന്നത്. ഈ രജിസ്ട്രേഷനു വേണ്ടി കർഷകന് പ്രത്യേകിച്ച് പണമൊന്നും മുടക്കേണ്ടതില്ല. രജിസ്ട്രേഷൻ നടത്തുമ്പോൾ കർഷകൻ വിത്ത് സാമ്പിളുകൾ നൽകണമെന്നു മാത്രം.
• ഗവേഷണ സഹകരണം
  സെക്ഷൻ 28 (6) പ്രകാരം എസൻഷ്യലി ഡിറൈവ്ഡ് വെറൈറ്റി (Essentially Derived Varieties) ഇനങ്ങൾ വാണിജ്യ അടിസ്ഥാനത്തിൽ ഉത്പാദിപ്പിക്കുമ്പോൾ കർഷകരുടെ പങ്കാളിത്തം ഉണ്ടെങ്കിൽ അവരുടെ മുൻ‌കൂർ അനുവാദം വാങ്ങേണ്ടതാണ്. രജിസ്റ്റർ ചെയ്ത ഇനങ്ങൾ, ഗവേഷണ സ്ഥാപനങ്ങൾ ഉപയോഗിക്കുമ്പോൾ കർഷകർക്ക് സഹ ഭാഗിത്വം ഉറപ്പാക്കുന്നു.

• ജൈവവൈവിധ്യ സംരക്ഷണവും കർഷകർക്കുള്ള ആദരവും
  PPVFRA നിയമത്തിലൂടെ കർഷകർക്ക് സാമ്പത്തികമായും സാമൂഹികമായും സംരക്ഷണവും പ്രോത്സാഹവാനവും ലഭിക്കുന്നു. ജൈവവൈവിധ്യ സംരക്ഷണത്തിലും സസ്യജനിതക സംരക്ഷണത്തിലും ഏർപ്പെട്ടിരിക്കുന്ന കർഷകരെയും ആദിവാസി ഗ്രാമീണ സമൂഹത്തെയും മികച്ച കർഷകൻ പുരസ്‌കാരം, പ്ലാന്റ് ജീനോം സേവിയർ കമ്മ്യൂണിറ്റി പുരസ്‌കാരവും, സാമ്പത്തിക സഹായവും ആദരവും നൽകുകയും ചെയ്യുന്നു.

ബൗദ്ധിക സ്വത്തവകാശ സംരക്ഷണ നിയമങ്ങൾക്ക് കീഴെ സാധ്യമായ അവകാശ സംരക്ഷണങ്ങൾ ഉറപ്പാക്കുവാൻ സമൂഹത്തിലെ എല്ലാവരും ഒത്തൊരുമിച്ചു പ്രവർത്തിക്കേണ്ടതുണ്ട്. നമ്മുടെ അവകാശ സംരക്ഷണത്തിൽ നാം താല്പര്യം കാണിക്കുന്നില്ലെങ്കിൽ മറ്റുള്ളവർ അത് കൈക്കലാക്കി വാണിജ്യാവശ്യങ്ങൾക്കായി ഉപയോഗപ്പെടുത്തും. അതുകൊണ്ടു തന്നെ ഓരോ കർഷകനും തങ്ങൾ വികസിപ്പിച്ചതോ സംരക്ഷിച്ചതോ ആയ ഇനങ്ങളെ ഈ നിയമപ്രകാരം രജിസ്റ്റർ ചെയ്യേണ്ടതാണ്.

വാഴയിൽ നിന്നുള്ള മൂല്യവർധിത ഉത്പന്ന നിർമാണം: പരിശീലന പരിപാടി... കൂടുതൽ കാർഷിക വാർത്തകൾ

News

KJ Staff

October 14, 05:28 October 14, 05:28

1. സംയോജിത കാപ്പി വികസന പദ്ധതിയുടെ ഭാഗമായി കാപ്പിത്തോട്ടങ്ങളുടെ സമഗ്ര ഉന്നമനം ലക്ഷ്യം വച്ച് കോഫി ബോർഡ് വിവിധ പദ്ധതികൾക്കായി സബ്സിഡി നൽകുന്നു. കിണർ / കുളം നിർമാണം, ജലസേചന സാമഗ്രികൾ (സ്പ്രിങ്ക്ളർ / ഡ്രിപ്പ്) വാങ്ങുന്നതിന്, പുനർകൃഷി (Replantation), കാപ്പി ഗോഡൗൺ നിർമാണം, കാപ്പിക്കളം നിർമാണം, യന്ത്രവത്കൃത ഡ്രയറുകൾ സ്ഥാപിക്കൽ, പൾപ്പിംഗ് യൂണിറ്റ് സ്ഥാപിക്കൽ എന്നിവയ്ക്കായാണ് ധനസഹായം അനുവദിക്കുന്നത്. കാപ്പി തോട്ടങ്ങളുടെ യന്ത്രവൽക്കരണത്തിനും ഇക്കോപൾപ്പർ സ്ഥാപിക്കുന്നതിനും കാപ്പികർഷകർക്ക് പാരിസ്ഥിതിക സാക്ഷ്യപത്രം (എക്കോ സർട്ടിഫിക്കറ്റ്) ലഭിക്കുന്നതിനുള്ള ധനസഹായ പദ്ധതിയും നിലവിൽ വന്നിട്ടുണ്ട്. പരമാവധി 40 ശതമാനമാണ് പൊതുവിഭാഗത്തിന് ലഭ്യമാകുന്ന സബ്സിഡി. പട്ടികജാതി പട്ടിക വർഗ്ഗത്തിൽ പെട്ടവർക്ക് 75 മുതൽ 90% വരെയും സബ്സിഡി ലഭിക്കും. ധനസഹായത്തിനു അപേക്ഷിക്കുന്ന പൊതു വിഭാഗത്തിൽപ്പെട്ടവർക്ക് കുറഞ്ഞത് ഒരു ഏക്കർ കാപ്പിതോട്ടവും പട്ടികജാതി / പട്ടികവർഗ്ഗ വിഭാഗത്തിൽപ്പെട്ടവർക്ക് കുറഞ്ഞത് അര ഏക്കർ കാപ്പിതോട്ടവും ഉണ്ടായിരിക്കേണ്ടതാണ്. വ്യക്തികൾക്ക് പുറമേ ചുരുങ്ങിയത് 100 കാപ്പി കർഷകരെങ്കിലും അംഗങ്ങളയുള്ള FPO (ഫാർമേഴ്സ് പ്രൊഡ്യൂസർ ഓർഗനൈസേഷൻ) കൾക്കും ധനസഹായം ലഭിക്കുന്നതാണ്. കമ്പനി നിയമപ്രകാരമോ സഹകരണ നിയമപ്രകാരമോ രജിസ്റ്റർ ചെയ്ത കുറഞ്ഞത് രണ്ടു വർഷമെങ്കിലും പ്രവർത്തനത്തിലുള്ള FPOകൾക്കു മാത്രമേ അപേക്ഷിക്കാൻ സാധിക്കൂ.

ധനസഹായത്തിന് അപേക്ഷിക്കുന്നവർ പ്രവൃത്തി തുടങ്ങുന്നതിനുമുമ്പ് കോഫി ബോർഡിൻറെ ലൈസൺ ഓഫീസുകളിൽ നിന്നും മുൻകൂർ അനുമതി വാങ്ങണം. അപേക്ഷ നൽകാൻ ആഗ്രഹിക്കുന്നവർ നവംബർ 26-ാം തീയതിക്കകം അപേക്ഷ സമർപ്പിക്കേണ്ടതാണ്. ‘ഇന്ത്യ കോഫീ ആപ്പ്’ (മൊബൈൽ ആപ്പ്) / കോഫീ ബോർഡ് വെബ്സൈറ്റ് (https://coffeeboard.gov.in) വഴി ഓൺലൈൻ ആയി സമർപ്പിക്കുന്ന അപേക്ഷകൾ മാത്രമേ പരിഗണിക്കൂ. കൂടുതൽ വിവരങ്ങൾക്ക് തൊട്ടടുത്ത കോഫി ബോർഡ് ഓഫീസുമായി ബന്ധപ്പെടണമെന്ന് കോഫി ബോർഡ് ഡെപ്യൂട്ടി ഡയറക്ടർ അറിയിച്ചു.
വിശദവിവരങ്ങൾക്ക് അടുത്തുള്ള കോഫി ബോർഡ് ഓഫീസുമായി ബന്ധപ്പെടുക:
കൽപ്പറ്റ, 9496202300/ 9495312951/ 7579487218, ചുണ്ടേൽ- 9447150589/ 8762408186,
മാനന്തവാടി-9497079776/ 9495856315/ 9497761694, പനമരം- 9497761694;
സുൽത്താൻ ബത്തേരി-9539620519/ 9847961694, മീനങ്ങാടി- 9539620519, പുൽപള്ളി-9745217394

2. ആലപ്പുഴ ജില്ലാ കൃഷി വിജ്ഞാന കേന്ദ്രത്തിൽ വച്ച് ഒക്ടോബർ 21, 22 തീയതികളിൽ വാഴയിൽ നിന്നുള്ള മൂല്യവർധിത ഉത്പന്ന നിർമാണത്തെക്കുറിച്ചുള്ള പരിശീലന പരിപാടി സംഘടിപ്പിക്കുന്നു. 1500 രൂപയാണ് ഫീസ്. താല്പര്യമുള്ളവർ 0479-2959268, 2449268, 9447790268 എന്നീ ഫോൺ നമ്പറുകളിൽ മുൻകൂട്ടി വിളിച്ചു പേര് രജിസ്റ്റർ ചെയ്യുക.

3. സംസ്ഥാനത്ത് ശക്തമായ മഴ. വെള്ളിയാഴ്ച വരെ ഇടിമിന്നലോടു കൂടിയ മഴയ്ക്കും ശക്തമായ കാറ്റിനും സാധ്യതയുണ്ടെന്ന് കേന്ദ്രകാലാവസ്ഥാവകുപ്പിന്റെ മുന്നറിയിപ്പ്. ഇതിന്റെ അടിസ്ഥാനത്തിൽ വെള്ളിയാഴ്ച വരെ വിവിധ ജില്ലകളിൽ യെല്ലൊ അലർട്ട് പ്രഖ്യാപിച്ചിട്ടുണ്ട്. വ്യാഴം, വെള്ളി ദിവസങ്ങളിൽ മധ്യ-തെക്കൻ കേരളത്തിൽ ഇടിമിന്നലോടു കൂടിയ ശക്തമായ മഴയ്‌ക്ക് സാധ്യതയുണ്ടെന്നും മുന്നറിയിപ്പിൽ പറയുന്നു. ഇന്ന് പത്തനംതിട്ട, കോട്ടയം, ഇടുക്കി, മലപ്പുറം, കോഴിക്കോട് ജില്ലകളിലും നാളെ പത്തനംതിട്ട, കോട്ടയം, ഇടുക്കി, എറണാകുളം ജില്ലകളിലും വ്യാഴം, വെള്ളി ദിവസങ്ങളിൽ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ ജില്ലകളിലും ഒറ്റപ്പെട്ട ശക്തമായ മഴയ്ക്കുള്ള സാധ്യതയായ യെല്ലോ അലർട്ട് പ്രഖ്യാപിച്ചിട്ടുള്ളത്. കേരള-ലക്ഷദ്വീപ് തീരങ്ങളിൽ മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാൽ വെള്ളിയാഴ്ചവരെ മത്സ്യബന്ധനത്തിന് പോകാൻ പാടില്ലെന്നും കേന്ദ്രകാലാവസ്ഥാവകുപ്പിന്റെ മുന്നറിയിപ്പിൽ പറയുന്നു.

കാട വളര്‍ത്തലിൽ ഏകദിന പരിശീലനം, കിസാൻ ക്രെഡിറ്റ് കാർഡിന് അപേക്ഷിക്കാം... കൂടുതൽ കാർഷിക വാർത്തകൾ

News

KJ Staff

October 13, 05:21 October 13, 05:21

1. ഇടുക്കി ജില്ലയിലെ മൃഗസംരക്ഷണ മേഖലയിലെ കർഷകർക്ക് കിസാൻ ക്രെഡിറ്റ് കാർഡിന് അപേക്ഷിക്കാൻ അവസരം. സ്വന്തമായി ഭൂമിയുള്ളവർക്കും പാട്ടത്തിന് കൃഷി ചെയ്യുന്നവർക്കും, പഞ്ചായത്ത് തല മൃഗാശുപത്രികളുമായും, വെറ്ററിനറി സബ്സെന്ററുകളുമായും ബന്ധപ്പെട്ട് അപേക്ഷകൾ സമർപ്പിക്കാവുന്നതാണ്. എല്ലാ കർഷകരും ഈ അവസരം പരമാവധി പ്രയോജനപ്പെടുത്തണമെന്ന് ഇടുക്കി ജില്ലാ മൃഗസംരക്ഷണ ഓഫീസർ അറിയിച്ചു. പൂരിപ്പിച്ച അപേക്ഷാ ഫോമിനൊപ്പം തിരിച്ചറിയൽ രേഖ (വോട്ടേ്ഴ്സ് ഐ.ഡി / പാൻ കാർഡ് / ആധാർ കാർഡ് / ഡ്രൈവിംഗ് ലൈസൻസ് മുതലായവയിൽ ഏതെങ്കിലും ഒന്നിന്റെ സ്വയം സാക്ഷ്യപ്പെടുത്തിയ പകർപ്പ്), സ്ഥിരതാമസ രേഖ (2 മാസത്തിൽ താഴെ പഴക്കമുള്ള ഫോൺ ബിൽ / കരം രസീത് / വൈദ്യുതി ബിൽ/വോട്ടേ്ഴ്സ് ഐ.ഡി / പാസ്പോർട്ട് / ആധാർ കാർഡ് / സർക്കാർ വകുപ്പുകളോ തദ്ദേശ സ്വയംഭരണ സ്ഥാപനങ്ങളോ നൽകുന്ന സർട്ടിഫിക്കറ്റ്), ആറ് മാസത്തിനുളളിൽ എടുത്ത 2 പാസ്പോർട്ട് സൈസ് ഫോട്ടോകൾ എന്നിവ സഹിതം അപേക്ഷ നൽകണം. അവസാന തീയതി ഒക്ടോബർ 31.

2. സുൽത്താൻ ബത്തേരി മൃഗസംരക്ഷണ കേന്ദ്രത്തിന്റെ അഭിമുഖ്യത്തിൽ കാട വളര്‍ത്തലിൽ ഏകദിന പരിശീലന പരിപാടി സംഘടിപ്പിക്കുന്നു. ഒക്ടോബര്‍ 28-ാം തീയതി രാവിലെ 10 മണി മുതൽ വൈകുന്നേരം 5 മണി വരെയാണ് പരിപാടി. പങ്കെടുക്കാൻ താത്പര്യമുള്ളവര്‍ ഒക്ടോബര്‍ 24-ാം തീയതിക്കുള്ളിൽ 04936 297084 എന്ന ഫോൺ നമ്പറിൽ വിളിച്ച് പേര് രജിസ്റ്റര്‍ ചെയ്യണം.

3. സംസ്ഥാനത്ത് കനത്ത മഴ തുടരുന്നു. അടുത്ത 5 ദിവസത്തേക്കുള്ള മഴ സാധ്യത പ്രവചനത്തിൽ വിവിധ ജില്ലകളിൽ യെല്ലോ അലർട്ട് പ്രഖ്യാപിച്ച് കേന്ദ്രകാലാവസ്ഥാവകുപ്പ്. ഇന്ന് നാല് ജില്ലകളിലും നാളെ മൂന്ന് ജില്ലകളിലുമാണ് യെല്ലോ അലർട്ട് പ്രഖ്യാപിച്ചിട്ടുള്ളത്. ഇന്ന് പത്തനംതിട്ട, കോട്ടയം, ഇടുക്കി, എറണാകുളം ജില്ലകളിലും നാളെ പത്തനംതിട്ട, കോട്ടയം, ഇടുക്കി ജില്ലകളിലുമാണ് ഒറ്റപ്പെട്ട ശക്തമായ മഴയ്ക്കുള്ള സാധ്യതയായ യെല്ലോ അലർട്ട് പ്രഖ്യാപിച്ചിട്ടുള്ളത്. ബംഗാള്‍ ഉള്‍ക്കടലിന് മുകളില്‍ സ്ഥിതി ചെയ്യുന്ന ചക്രവാതച്ചുഴിയുടെ സ്വാധീനഫലമായാണ് സംസ്ഥാനത്ത് മഴ ശക്തമാകുന്നത്. മഴയ്‌ക്കൊപ്പം ഇടിമിന്നലിനുള്ള സാധ്യതയുമുള്ളതിനാൽ പൊതുജനങ്ങൾ ജാഗ്രത പാലിക്കണമെന്നും മുന്നറിയിപ്പിൽ പറയുന്നു.

ശാസ്ത്രീയ പശു പരിപാലനം, ലാറ്റക്സ് വിളവെടുപ്പ് സാങ്കേതികവിദ്യ: പരിശീലന പരിപാടികൾ... കൂടുതൽ കാർഷിക വാർത്തകൾ

News

KJ Staff

October 09, 04:46 October 09, 04:46

1. റബ്ബർ ബോർഡിന് കീഴിലുള്ള നാഷണൽ ഇൻസ്റ്റിറ്റ്യൂട്ട് ഫോർ റബ്ബർ ട്രെയിനിംഗ് (NIRT) ഒക്ടോബർ 21, 22 തീയതികളിൽ കോട്ടയത്തെ NIRT-യിൽ ലാറ്റക്സ് വിളവെടുപ്പ് സാങ്കേതികവിദ്യയിൽ പരിശീലനം സംഘടിപ്പിക്കുന്നു. ലാറ്റക്സ് വിളവെടുപ്പ്, വിവിധ തരം ടാപ്പിംഗ് കത്തികളുടെ ഉപയോഗം, ആധുനിക ടാപ്പിംഗ് രീതികൾ, യന്ത്രവൽകൃത ടാപ്പിംഗ്, ഉത്തേജകങ്ങളുടെ പ്രയോഗം, ലോ ഫ്രീക്വൻസി ടാപ്പിംഗ്, നിയന്ത്രിത മുകളിലേക്ക് ടാപ്പിംഗ് തുടങ്ങിയവ പരിശീലനത്തിൽ ഉൾപ്പെടുന്നു. കൂടുതൽ വിവരങ്ങൾക്ക് 94959 28077 എന്ന ഫോൺ നമ്പറിലോ 0481 2351313 എന്ന വാട്ട്‌സ്ആപ്പ് നമ്പറിലോ training@rubberboard.org.in എന്ന ഇ-മെയിൽ മുഖേനയോ ബന്ധപ്പെടുക.

2. ഓച്ചിറ ക്ഷീരോല്‍പന്ന നിര്‍മാണ-പരിശീലന വികസനകേന്ദ്രത്തില്‍ ഒക്‌ടോബര്‍ 21 മുതല്‍ 25 വരെ 'ശാസ്ത്രീയ പശു പരിപാലനം' എന്ന വിഷയത്തില്‍ പരിശീലന പരിപാടി സംഘടിപ്പിക്കുന്നു. ഓച്ചിറ ക്ഷീരപരിശീലന കേന്ദ്രത്തിലോ ആലപ്പുഴ, കൊല്ലം ഡെപ്യൂട്ടി ഡയറക്ടര്‍, അതാത് ബ്ലോക്ക് ക്ഷീരവികസന ഓഫീസര്‍മാര്‍ മുഖേനയോ രജിസ്റ്റര്‍ ചെയ്യാവുന്നതാണ്. 20 രൂപയാണ് രജിസ്ട്രേഷന്‍ ഫീസ്. പരിശീലനത്തിൽ പങ്കെടുക്കുന്നവർ ബാങ്ക് പാസ് ബുക്കിന്റെ പകര്‍പ്പും ഏതെങ്കിലും തിരിച്ചറിയല്‍ രേഖയുടെ പകര്‍പ്പും ഹാജരാക്കേണ്ടതാണ്. കഴിഞ്ഞ മൂന്ന് വര്‍ഷങ്ങളില്‍ ഓഫ്ലൈനായി പങ്കെടുത്തവര്‍ക്ക് അവസരം ലഭിക്കുന്നതല്ല. ഒക്‌ടോബര്‍ 18-ാം തീയതി വൈകുന്നേരം അഞ്ചു മണിക്കകം 80893 91209, 0476 2698550 എന്നീ ഫോൺ നമ്പരുകളില്‍ പേര് രജിസ്റ്റര്‍ ചെയ്യുക.

3. സംസ്ഥാനത്ത് വീണ്ടും മഴ സജീവമാകുന്നു. അടുത്ത അഞ്ച് ദിവസം വിവിധ ജില്ലകളിൽ യെല്ലോ അലർട്ട് പ്രഖ്യാപിച്ച് കേന്ദ്രകാലാവസ്ഥാവകുപ്പ്. ഇന്ന് 5 ജില്ലകളിലും നാളെ 4 ജില്ലകളിലും യെല്ലോ അലർട്ട് പ്രഖ്യാപിച്ചിട്ടുണ്ട്. ഇന്ന് പത്തനംതിട്ട, ഇടുക്കി, മലപ്പുറം, വയനാട്, കണ്ണൂർ ജില്ലകളിലും നാളെ മലപ്പുറം, കോഴിക്കോട്, വയനാട്, കണ്ണൂർ ജില്ലകളിലുമാണ് ഒറ്റപ്പെട്ട ശക്തമായ മഴയ്ക്കുള്ള സാധ്യതയായ യെല്ലോ അലർട്ട് പ്രഖ്യാപിച്ചിട്ടുള്ളത്. മധ്യ പടിഞ്ഞാറൻ അറബിക്കടലിനു മുകളിൽ ശക്തി കൂടിയ ന്യൂനമർദ്ദവും ചക്രവാതച്ചുഴിയും മഴയ്ക്ക് സാധ്യത വർധിപ്പിക്കുന്നു. വടക്കൻ ബംഗാൾ ഉൾക്കടലിനു മുകളിൽ ഒക്ടോബർ 10-ഓടെ ചക്രവാത ചുഴി രൂപപ്പെടാൻ സാധ്യതയുള്ളതിനാൽ അടുത്ത 5 ദിവസം സംസ്ഥാനത്ത് ഇടത്തരം ഇടിമിന്നലോടു കൂടിയ മഴയ്ക്ക് സാധ്യത. ഒറ്റപ്പെട്ട സ്ഥലങ്ങളിൽ ശക്തമായ മഴ ലഭിക്കാനും ഇടിമിന്നലിനോടൊപ്പം മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ കാറ്റ് വീശാനും സാധ്യതയെന്നും കേന്ദ്ര കാലാവസ്ഥ വകുപ്പിന്റെ മുന്നറിയിപ്പുണ്ട്. കേരള- ലക്ഷദ്വീപ്-കർണാടക തീരങ്ങളിൽ ഇന്നും നാളെയും മത്സ്യബന്ധനത്തിന് പോകാൻ പാടില്ലെന്നും മുന്നറിയിപ്പിൽ പറയുന്നു.

ജനകീയ മത്സ്യകൃഷി അപേക്ഷ ക്ഷണിച്ചു, ട്രീ ബാങ്കിങ് പദ്ധതി: കര്‍ഷകര്‍ക്ക് 15 വര്‍ഷം വരെ ധനസഹായം... കൂടുതൽ കാർഷിക വാർത്തകൾ

News

KJ Staff

October 08, 05:24 October 08, 05:26

1. മരം വളര്‍ത്തല്‍ പ്രോത്സാഹിപ്പിക്കുന്നതിന് ട്രീ ബാങ്ക് പദ്ധതിയുമായി വനം വകുപ്പ്. സ്വകാര്യ ഭൂമിയില്‍ മരങ്ങള്‍ നട്ടുപിടിപ്പിക്കുന്നവര്‍ക്ക് ധനസഹായം നല്‍കുന്നതാണ് പദ്ധതി. സര്‍ക്കാര്‍ നിശ്ചയിച്ച വൃക്ഷത്തൈകള്‍ നടുന്നവര്‍ക്ക് 15 വര്‍ഷം വരെ ധനസഹായം ലഭിക്കും. പദ്ധതി കാലാവധി പൂര്‍ത്തിയായ ശേഷം സ്ഥല ഉടമയ്ക്ക് സോഷ്യല്‍ ഫോറസ്റ്റ് ഡിവിഷന്‍ ഓഫീസിന്റെ അനുമതിയോടെ മരങ്ങള്‍ മുറിച്ചെടുക്കാനുള്ള അനുവാദവും ഉണ്ടാകും. സംസ്ഥാനത്തെ വൃക്ഷാവരണം വര്‍ധിപ്പിക്കുക എന്ന ലക്ഷ്യത്തോടെയാണ് പദ്ധതി നടപ്പാക്കുന്നത്. സ്വന്തമായി ഭൂമിയുള്ളവര്‍ക്കും കുറഞ്ഞത് 15 വര്‍ഷത്തെ പാട്ടത്തിന് ഭൂമി കൈവശമുള്ളവര്‍ക്കും പദ്ധതിയില്‍ അംഗങ്ങളാകാം. ചന്ദനം, തേക്ക്, റോസ് വുഡ്, പ്ലാവ്, കാട്ടുപ്ലാവ്, തമ്പകം, മഹാഗണി, ആഞ്ഞിലി, പ്ലാവ്, കുമ്പില്‍, കരിമരുത്, വെണ്‍തേക്ക്, വീട്ടി എന്നിവയാണ് പദ്ധതി പ്രകാരം നടേണ്ടത്. പദ്ധതിയില്‍ അംഗങ്ങളാകാന്‍ താല്‍പര്യമുള്ളവര്‍ പ്രാദേശിക പരിധിയിലുള്ള സാമൂഹിക വനവത്കരണവിഭാഗം റെയ്ഞ്ച് ഓഫീസര്‍ക്ക് അപേക്ഷ സമര്‍പ്പിക്കേണ്ടതാണ്.

റെയ്ഞ്ച് ഓഫീസര്‍, രേഖകളും ഭൂമിയും പരിശോധിച്ച് നടാന്‍ സാധിക്കുന്ന വൃക്ഷത്തൈകളുടെ എണ്ണം തീരുമാനിക്കും. കുറഞ്ഞത് 10 തൈകളെങ്കിലും നടാനാകണം. രജിസ്റ്റര്‍ ചെയ്യുമ്പോള്‍ വനംവകുപ്പുമായി ധാരണാപത്രം ഒപ്പിടണം. തൈകള്‍ നട്ടുവളര്‍ത്തുന്നതിനുള്ള പ്രോത്സാഹന സഹായധനം മൂന്നാം വര്‍ഷം മുതലാണ് നല്‍കുക. പരിപാലിക്കുന്നവര്‍ക്ക് 15 വര്‍ഷം വരെ ഇത് ലഭിക്കും. സാമൂഹിക വനവത്കരണ വിഭാഗത്തിന്റെ നഴ്സറികളില്‍നിന്ന് എല്ലാ വര്‍ഷവും ജൂണ്‍ - ജൂലൈ മാസങ്ങളില്‍ സൗജന്യമായി വൃക്ഷത്തൈകള്‍ നല്‍കും.15 വര്‍ഷത്തിനുശേഷം ഉടമകള്‍ക്ക് സോഷ്യല്‍ ഫോറസ്ട്രി ഡിവിഷന്‍ ഓഫീസിന്റെ അനുമതിയോടെ മരങ്ങള്‍ സ്വന്തം ആവശ്യത്തിന് മുറിച്ച് ഉപയോഗിക്കുകയോ വില്‍പന നടത്തുകയോ ചെയ്യാമെന്ന് ഉത്തരമേഖല സാമൂഹിക വനവത്കരണ വിഭാഗം കണ്‍സര്‍വേറ്റര്‍ ആര്‍. കീര്‍ത്തി പറഞ്ഞു.

2. ഫിഷറീസ് വകുപ്പ് നടപ്പിലാക്കുന്ന ജനകീയ മത്സ്യകൃഷിയുടെ ഭാഗമായി വിവിധ പദ്ധതികളിലേക്ക് അപേക്ഷ ക്ഷണിച്ചു. കാര്‍പ്പ് മത്സ്യകൃഷി, ഒരു നെല്ലും ഒരു മീനും, പടുതാ കുളത്തിലെ ആസാംവാള, കൈതക്കോര കൃഷി (അനബാസ്), കരിമീന്‍ കൂട് കൃഷി, വളപ്പ് മത്സ്യകൃഷി, പൊതുജലാശയത്തിലെ എംബാങ്ക്‌മെന്റ്, പിന്നാമ്പുറ കുളങ്ങളിലെ കരിമീന്‍ മത്സ്യ വിത്തുല്പാദന യൂണിറ്റ്, പിന്നാമ്പുറ കുളങ്ങളിലെ വരാല്‍ മത്സ്യ വിത്തുല്പാദന യൂണിറ്റ് തുടങ്ങിയ പദ്ധതികളിലേക്കാണ് കര്‍ഷകരില്‍ നിന്നും അപേക്ഷ ക്ഷണിച്ചിട്ടുള്ളത്. താത്പര്യമുള്ളവർ ഒക്‌ടോബര്‍ 10 -ാം തീയതിക്കകം മത്സ്യഭവനുകളില്‍ അപേക്ഷ സമര്‍പ്പിക്കേണ്ടതാണ്. കൂടുതൽ വിവരങ്ങൾക്ക് 0474 2792850 എന്ന ഫോണ്‍ നമ്പറിൽ ബന്ധപ്പെടുക.

3. സംസ്ഥാനത്ത് ഇന്നു മുതൽ മഴ വീണ്ടും സജീവമാകുമെന്ന് കേന്ദ്രകാലാവസ്ഥാവകുപ്പിന്റെ മുന്നറിയിപ്പ്. ഇടിമിന്നലോട് കൂടിയ മഴയ്ക്കും ശക്തമായ കാറ്റിനും സാധ്യത. ഇന്ന് ആറ് ജില്ലകളിലാണ് യെല്ലോ അലർട്ട് പ്രഖ്യാപിച്ചിരിക്കുന്നത്. കൊല്ലം, പത്തനംതിട്ട, കോട്ടയം, ഇടുക്കി, കോഴിക്കോട്, വയനാട് ജില്ലകളിലാണ് ഒറ്റപ്പെട്ട ശക്തമായ മഴയ്ക്കുള്ള സാധ്യതയായ യെല്ലോ അലർട്ട് പ്രഖ്യാപിച്ചിട്ടുള്ളത്. പത്തനംതിട്ട, ഇടുക്കി, പാലക്കാട്, മലപ്പുറം ജില്ലകളിൽ നാളെയും പാലക്കാട്, മലപ്പുറം, വയനാട്, കണ്ണൂർ ജില്ലകളിൽ വെള്ളിയാഴ്ചയും യെല്ലോ അലർട്ടാണ് നിലനിൽക്കുന്നത്. 40 കിലോ മീറ്റർ വരെ വേഗത്തിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാൽ മത്സ്യത്തൊഴിലാളികൾ ജാഗ്രത പാലിക്കണമെന്നും കേന്ദ്രകാലാവസ്ഥാവകുപ്പിൻെറ അറിയിപ്പുണ്ട്. കേരള- ലക്ഷദ്വീപ് തീരങ്ങളിൽ ഇന്നും നാളെയും  കർണാടക തീരത്ത് നാളെയും മത്സ്യബന്ധനത്തിന് പോകാൻ പാടില്ലെന്നും മുന്നറിയിപ്പിൽ പറയുന്നു. 

ആട് വളര്‍ത്തലില്‍ സൗജന്യ പരിശീലനം, സംരക്ഷിത കൃഷിയ്ക്ക് 50% വരെ ധനസഹായം... കൂടുതൽ കാർഷിക വാർത്തകൾ

News

KJ Staff

October 07, 05:19 October 07, 05:19

1. കാലാവസ്ഥയെ ആശ്രയിച്ചുള്ള പരമ്പരാഗത കൃഷി നേരിടുന്ന വെല്ലുവിളികൾക്ക് ഫലപ്രദമായ പരിഹാരം എന്ന നിലയിൽ, സംരക്ഷിതകൃഷി (Protected Cultivation) പ്രോത്സാഹനത്തിനായി സംസ്ഥാന ഹോർട്ടിക്കൾച്ചർ മിഷൻ കർഷകർക്കും സംരംഭകർക്കും 50% വരെ ധനസഹായം നൽകുന്നു. കർഷകരുടെ വരുമാനം വർധിപ്പിക്കുന്നതിനും സ്മാർട്ട് കൃഷിരീതികളിലേക്ക് കർഷകർക്ക് പ്രോത്സാഹനം നൽകുന്നതിനും ഹൈഡ്രോപോണിക്സ് - എയിറോ പോണിക്സ് ഉൾപ്പെടെയുള്ള സംരക്ഷിത കൃഷിയ്ക്ക് സഹായം നൽകുമെന്ന് കൃഷിവകുപ്പ് മന്ത്രി ശ്രീ. പി. പ്രസാദ് അറിയിച്ചു. ഇതിനായി 2025-26 വർഷം 17.50 കോടി രൂപയാണ് ഹോർട്ടിക്കൾച്ചർ മിഷന് അനുവദിച്ചിട്ടുള്ളത്.

പോളിഹൗസുകൾ, തണൽവലകൾ, ഓട്ടോമേറ്റഡ് ഇറിഗേഷൻസിസ്റ്റം, തുടങ്ങിയവ സ്ഥാപിക്കുന്നതിനും; ഉയർന്ന വിപണിമൂല്യമുള്ള പച്ചക്കറികളുടെയും പൂക്കളുടെയും പോളിഹൗസ് കൃഷി പ്രോത്സാഹിപ്പിക്കുന്നതിനും, ഹൈഡ്രോപോണിക്സ്, എയ്റോപോണിക്സ്, തുടങ്ങിയ ആധുനിക കൃഷിരീതികൾ പ്രചരിപ്പിക്കുന്നതിനും പുതയിടീൽ പ്രോത്സാഹിപ്പിക്കുന്നതിനും ഹോർട്ടിക്കൾച്ചർ മിഷൻ ധനസഹായം നൽകും. പരമാവധി 4000 ചതുരശ്ര മീറ്റർ വരെ ആണ് സഹായം. ഫാൻ & പാഡ് സിസ്റ്റം ഉപയോഗിച്ചുള്ള പോളി ഹൗസ് നിർമിക്കുന്നതിന്, 50% സഹായം ലഭിക്കും. ചതുരശ്ര മീറ്ററിന് 750 രൂപ മുതൽ 900 രൂപ വരെയാണ് സഹായം. സ്വാഭാവിക വെന്റിലെഷൻ സൗകര്യങ്ങൾ മാത്രമുള്ള പോളിഹൗസ് നിർമിക്കുന്നതിന് ചതുരശ്ര മീറ്ററിന് 500 രൂപ മുതൽ 600 രൂപ വരെയാണ് സഹായം. ഷെയ്ഡ് നെറ്റ്കൾക്കും വാക്ക് ഇൻ ടണലുകൾക്കും ചതുരശ്ര മീറ്ററിന് 355 രൂപ വരെ സഹായം ലഭിക്കും. പരമാവധി വിസ്തൃതി 2500 ചതുരശ്ര മീറ്റർ ആണ്.

ഹൈഡ്രോപോണിക്സ്, എയ്റോപോണിക്സ് എന്നീ പദ്ധതികൾ സംസ്ഥാന ഹോർട്ടികൾച്ചർ മിഷൻ ഈ വർഷം മുതൽ വ്യാപകമായി നടപ്പിലാക്കും. മണ്ണിൻറെ ആവശ്യം തീരെ ഇല്ലാതെ, ചെടികൾക്കാവശ്യമായ പോഷകങ്ങൾ ചേർന്നിട്ടുള്ള വെള്ളത്തിൽ, ഇലക്കറികളും മറ്റും വളർത്തുന്ന രീതിയാണ് ഹൈഡ്രോപോണിക്സ്. മണ്ണിലും വെള്ളത്തിലും അല്ലാതെ, അന്തരീക്ഷത്തിൽ ചെടികളെ വളർത്തി അവയുടെ വേരുകളിലേക്ക് പോഷകങ്ങളും വെള്ളവും മിസ്റ്റ് രൂപത്തിൽ നൽകുന്ന അത്യാധുനിക സംവിധാനമാണ് എയ്റോപോണിക്സ്. ഇതിലേക്ക് താല്പര്യമുള്ളവർക്ക്‌ കേരള കാർഷിക സർവകലാശാല വഴി പരിശീലനം നൽകുവാനും തുടർന്ന് ഹോർട്ടികൾച്ചർ മിഷന്റെ സാമ്പത്തിക സഹായത്തോടെ പദ്ധതി നടപ്പിലാക്കുവാനും ആണ് ലക്ഷ്യമിട്ടിട്ടുള്ളത്. ഹൈഡ്രോപോണിക്സ് - എയ്റോപോണിക്സ് പദ്ധതികൾ നടപ്പിലാക്കുന്നതിൽ ഒരു ചതുരശ്ര മീറ്ററിന് 350 രൂപയാണ് ചെലവ് കണക്കാക്കിയിട്ടുള്ളത്. ഇതിൽ 50% തുകയാണ് ഹോർട്ടികൾച്ചർ മിഷൻ സബ്സിഡിയായി നൽകുന്നത് . ഗുണഭോക്താക്കൾക്ക് ആവശ്യമായ പരിശീലനവും സൗജന്യമായി നൽകും. തുടക്കം എന്ന നിലയിൽ, 2025 - 26 വർഷത്തിൽ 40,000 ചതുരശ്ര മീറ്റർ ഹൈഡ്രോപോണിക്സ് / എയ്റോപോണിക്സ് യൂണിറ്റുകൾ നടപ്പിലാക്കുന്നതിനാണ് ലക്ഷ്യമെടുത്. ഇതിനു മാത്രമായി 70 ലക്ഷം രൂപ അനുവദിച്ചിട്ടുണ്ട്.
പോളിഹൗസ് / നെറ്റ്ഹൗസിൽ ഉയർന്ന മൂല്യമുള്ള പഴങ്ങളും പച്ചക്കറികളും കൃഷിചെയ്യുന്നതിന് ചെലവിന്റെ 50% തുക സബ്‌സിസി ആയി ലഭിക്കും. ഓർക്കിഡ് (നെറ്റ് ഹൗസ്), ആന്തൂറിയം (പോളിഹൗസ്) എന്നിവ കൃഷി ചെയ്യുന്നതിന് ചതുരശ്ര മീറ്ററിന് 350 രൂപ നിരക്കിൽ പരമാവധി 2500 ചതുരശ്ര മീറ്റർ വരെയാണ് സഹായം. പോളിഹൗസുകളിലെ പൂകൃഷിക്കായി കാർണേഷൻ, ജർബെറ എന്നിവയ്ക്ക് ചതുരശ്ര മീറ്ററിന് 300 രൂപ നിരക്കിലും; റോസ്, ക്രിസന്തമം, ലിലിയം എന്നിവയ്ക്ക് ചതുരശ്ര മീറ്ററിന് 225 രൂപ നിരക്കിലുമാണ് സഹായം. പ്ലാസ്റ്റിക്, ചണം, കാർഷിക തുണിത്തരങ്ങൾ, മറ്റ് ജൈവവസ്തുക്കൾ എന്നിവ കൊണ്ടുള്ള പുതയിടൽ എന്നിവയ്ക്ക് ഹെക്ടറിന് 20,000 രൂപ വരെ കർഷകർക്ക് ലഭ്യമാകും. 50% നിരക്കിൽ, പരമാവധി 2 ഹെക്ടർ വരെ ഈ ആനുകൂല്യം ഉപയോഗപ്പെടുത്താം.

2. ചെങ്ങന്നൂര്‍ സെന്‍ട്രല്‍ ഹാച്ചറി & ട്രെയിനിങ് ഇന്സ്റ്റിട്യൂട്ടില്‍ ആട് വളര്‍ത്തലില്‍ സൗജന്യ പരിശീലന പരിപാടി സംഘടിപ്പിക്കുന്നു. ഒക്ടോബർ 13, 14 തീയതികളില്‍ രാവിലെ 10 മണി മുതല്‍ വൈകുന്നേരം അഞ്ച് മണി വരെയാണ് പരിശീലനം. പങ്കെടുക്കാനായി സെന്‍ട്രല്‍ ഹാച്ചറി പരിശീലന വിഭാഗത്തിലോ 0479 2452277, 7736336528 എന്നീ ഫോൺ നമ്പറുകളിൽ വിളിച്ചോ മൂന്‍കൂട്ടി പേര് രജിസ്റ്റര്‍ ചെയ്യേണ്ടതാണ്.

3. സംസ്ഥാനത്ത് വീണ്ടും മഴ ശക്തി പ്രാപിക്കുന്നു. ഇന്നു മുതൽ ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഇന്ന് ഒരു ജില്ലകളിലും പ്രത്യേക മഴ മുന്നറിയിപ്പുകൾ പ്രഖ്യാപിച്ചിട്ടില്ലെങ്കിലും മലയോര മേഖലകളിൽ ഇടിമിന്നലോടും കാറ്റോടും കൂടിയ മഴയ്ക്ക് സാധ്യത. നാളെ മുതൽ ഒറ്റപ്പെട്ട ശക്തമായ മഴ ലഭിക്കുമെന്നുമാണ് മുന്നറിയിപ്പ്. നാളെ കൊല്ലം, പത്തനംതിട്ട, കോട്ടയം, ഇടുക്കി, കോഴിക്കോട്, വയനാട് ജില്ലകളിലും വ്യാഴാഴ്ച്ച പത്തനംതിട്ട, ഇടുക്കി, പാലക്കാട്, മലപ്പുറം ജില്ലകളിലും വെള്ളിയാഴ്ച്ച പത്തനംതിട്ട, ഇടുക്കി, കണ്ണൂര്‍ ജില്ലകളിലും ഒറ്റപ്പെട്ട ശക്തമായ മഴയ്ക്കുള്ള സാധ്യതയായ യെല്ലോ അലർട്ട് പ്രഖ്യാപിച്ചിട്ടുണ്ട്. മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കണമെന്നും കേന്ദ്ര കാലാവസ്ഥാ വകുപ്പ് അറിയിച്ചു. കേരള - കർണാടക ലക്ഷദ്വീപ് തീരങ്ങളിൽ മത്സ്യബന്ധനത്തിന് തടസമില്ലെന്നും മുന്നറിയിപ്പിൽ പറയുന്നു.