നായ്ക്കളും പല്ലു തേയ്ക്കണം

Saturday, 03 February 2018 01:59 By KJ KERALA STAFF
നായ് പ്രേമികളെ കുഴപ്പിക്കുന്ന കാര്യമാണ് വളര്‍ത്തു നായ്ക്കളുടെ വായ്‌നാറ്റം. നായ്ക്കള്‍ക്ക് വായ്ക്കകത്ത് വരുന്ന രോഗങ്ങളുടെ ആദ്യലക്ഷണം കൂടിയാണിത്. വായ്ക്കകത്തുണ്ടാകുന്ന അണുബാധ, മോണപഴുപ്പ്, വ്രണങ്ങള്‍, പല്ലുകള്‍ക്കുണ്ടാകുന്ന കേടുപാടുകള്‍, മുഴകള്‍ എന്നിവയാണ്  വായ്‌നാറ്റത്തിന് കാരണം. കൂടാതെ ദഹനേന്ദ്രിയ രോഗങ്ങള്‍, വായു കോപം എന്നിവയും വായ്‌നാറ്റത്തിന് കാരണമാകും. രോഗങ്ങള്‍ തിരിച്ചറിയാന്‍ വെറ്ററിനറി സര്‍ജന്റെ സഹായം തേടണം. നായ്ക്കളെ വീട്ടില്‍ വച്ചു തന്നെ പരിശോധിക്കാന്‍ അവയുടെ വായ് തുറക്കാനുള്ള 'മൗത്ത് ഗാംഗ്' എന്ന ഉപകരണം ഉപയോഗിക്കാം. ഇത് ചെയ്യുമ്പോള്‍ നായയുടെ കടി കൊള്ളാതെ ശ്രദ്ധിക്കണം. 

വായ്‌നാറ്റത്തിന്റെ കാരണം കണ്ടുപിടിച്ചാല്‍ മാത്രമേ ഏതു ചികിത്സ വേണം എന്ന് നിശ്ചയിക്കാനാകൂ. ചിലപ്പോള്‍ ആന്റിബയോട്ടിക് മരുന്നുകള്‍ ഒരാഴ്ചയോളം
നല്‍കേണ്ടി വരും  മാംസാഹാരം കൂടുതല്‍ കഴിക്കുന്ന നായ്ക്കളിലാണ് വായ്‌നാറ്റം ക്രമാതീതമായി അനുഭവപ്പെടുന്നത്. പാകം ചെയ്ത നല്ല ഇറച്ചി മാത്രം വൃത്തിയായി നല്‍കുക എന്നതാണ് പരിഹാരം. ഇറച്ചിക്കടകളില്‍ നിന്നുള്ള മാലിന്യങ്ങള്‍ ഒരിക്കലും നല്‍കാതിരിക്കുക. ഒപ്പം നായ്ക്കളുടെ പല്ല് ദിവസവും തേയ്ക്കണം. തീരെ ചെറുപ്പത്തില്‍ തന്നെ ഈ ശീലം തുടങ്ങണം. ഇതിന് ടൂത്ത് ബ്രഷ് ഉപയോഗിക്കാം. വളര്‍ത്തു മൃഗങ്ങള്‍ക്കുള്ള ടൂത്ത് പേസ്റ്റ് മാത്രമേ ഉപയോഗിക്കാന്‍ പാടുള്ളൂ. ഫ്‌ളൂറൈഡ് ഇല്ലാത്ത പേസ്റ്റ് ഉപയോഗിക്കുകയാണ് നല്ലത്. ദുസ്വാദും ദുര്‍ഗന്ധവുമുള്ള പേസ്റ്റുകള്‍ ഉപയോഗിക്കരുത്. ശീലിപ്പിച്ചു കഴിഞ്ഞാല്‍ നായ്ക്കളെ പല്ലു തേപ്പിക്കാന്‍ എളുപ്പമാകും. ഇങ്ങനെയായാല്‍ വൃത്തിയുള്ള പല്ലുകള്‍ നായയെ മിക്ക രോഗങ്ങളില്‍ നിന്ന് രക്ഷപ്പെടുത്തുകയും ചെയ്യും.

Comments



More Farm Tips

Features

പൂന്തോട്ട നിര്‍മ്മാണത്തില്‍ വ്യത്യസ്തത തെളിയിച്ച് പ്രീത

June 17, 2019 Success Story

ഓരോ വ്യക്തിക്കും അവരുടേതായ അഭിരുചികളുണ്ട്,തങ്ങളുടെ അഭിരുചിയെ വളര്‍ത്തിയെടുത്തു അതില്‍ വിജയം നേടിയവരുണ്ട്. പൂന്തോട്ട നിര്‍മ്മാണത്തിലുള്ള തന്റെ അഭിരുച…

ഭക്ഷണ വിതരണത്തിനായി ഡ്രോണുകൾ

June 17, 2019

വളരെയധികം ജനപ്രീതി നേടിയിരിക്കുകയാണ് ഓണ്‍ലൈന്‍ ഭക്ഷ്യവിപണി.ഇവ നഗരങ്ങളില്‍ നിന്ന് ഗ്രാമങ്ങളിലേക്കും ചുവടുപിടിച്ചിരിക്കുകയാണ്

ഖരമാലിന്യം സംസ്‌കരിച്ച് വൈദ്യതി ഉത്പാദിപ്പിക്കുന്ന പദ്ധതിയുടെ ഭാഗമായുളള ആദ്യ പ്ലാന്റ് കോഴിക്കോട്

June 03, 2019 Success Story

സംസ്ഥാന സര്‍ക്കാര്‍ നടപ്പിലാക്കുന്ന ഖരമാലിന്യം സംസ്‌കരിച്ച് വൈദ്യതി ഉത്പാദിപ്പിക്കുന്ന പദ്ധതിയുടെ ഭാഗമായുളള ആദ്യ പ്ലാന്റ് കോഴിക്കോട് പ്രവർത്തനം ആരംഭിക…

Events






CopyRight - 2019 Krishi Jagran Media Group. All Rights Reserved.