കൃഷി ജാഗ്രൺ മൊബൈൽ ആപ്പ് പുറത്തിറക്കി .

ഇന്ത്യയിൽ  ഏറ്റവും പ്രചാരമുള്ള  കാർഷിക മാസികയായ കൃഷി ജാഗ്രൺ, തങ്ങളുടെ പുതിയ  മൊബൈൽ ആപ്പ് പുറത്തിറക്കി. കേന്ദ്ര കൃഷിവകുപ്പ്  മന്ത്രി ശ്രി രാധാ മോഹൻ സിംഗാണ്  ഡൽഹിയിൽ അദ്ദേഹത്തിൻ്റെ വസതിയിൽ ചേർന്ന  ചടങ്ങിൽ  ആപ്പ്  പുറത്തിറക്കിയത്.പന്ത്രണ്ട് ഭാഷകളിൽ പ്രസിദ്ധീകരിക്കുന്ന കൃഷി ജാഗ്രൺ മാസിക ഇന്ത്യയിലെ 23 സംസ്ഥാനങ്ങളിലായി 10 ലക്ഷത്തിലധികം വായനക്കാരുണ്ട്.ഈ മൊബൈൽ ആപ്പിൽ കൃഷിക്കാർക്ക്  ആവശ്യമായ എല്ലാ വിവരങ്ങളും അടങ്ങിയിട്ടുണ്ട്.ഈ ഡിജിറ്റൽ യുഗത്തിൽ വിവരങ്ങൾക്കായി എല്ലാവരും  മൊബൈലിനെ  ആശ്രയിക്കുന്നു.മലയാളം, ഹിന്ദി ,ഇംഗ്ലീഷ് എന്നി മൂന്ന് ഭാഷകളിൽ ലഭ്യമായ കൃഷിജാഗ്രൻ മൊബൈൽ ആപ്പിൽ വിവിധ സെക്ഷനുകൾ ഉണ്ട്   അതിലൊന്നാണ് ഡയറക്ടറി. അതിൽ വിവിധ കമ്പനികളുടെ വിപണിയിൽ ലഭ്യമായ കാർഷിക ഉൽപന്നങ്ങളുടെ വിവരങ്ങൾ ഉൾക്കൊള്ളിച്ചിരിക്കുന്നു .വിവിധ വിഡിയോകളും  ചിത്രങ്ങളും ഈ ആപ്പിനെ കൂടുതൽ ആകൃഷ്ടമാക്കുന്നു.മറ്റൊരു ആകർഷണം ജോലി ജോബ് സെക്ഷൻ ആണ്.കാർഷിക രംഗത്തുള്ള ജോലി സാദ്ധ്യതകളെ കുറിച്ച് ഇതിൽ പറയുന്നു .പന്ത്രണ്ടു ഭാഷകളിൽ പ്രസിദ്ധീകരിക്കുന്ന കൃഷിജാഗ്രൺ മാസികയുടെ E -പതിപ്പ് ആപ്പിൽ  ലഭ്യമാണ് .കൃഷിജാഗ്രൻ മൊബൈൽ ആപ്പ് ഗൂഗിൾ പ്ലേസ്റ്റോറിൽ നിന്നും ഡൌൺലോഡ് ചെയ്യാവുന്നതാണ്.

ചടങ്ങിൽ കൃഷിജാഗ്രൺ എഡിറ്റർ ഇൻ ചീഫ് എം.സി.ഡൊമിനിക്,ഡയറക്ടർ ഷൈനി ഡൊമിനിക് ,ജി.എം മാർക്കറ്റിംഗ് ഫറാഹ് ഖാൻ,മറ്റ് കൃഷിജാഗ്രൺ അംഗങ്ങൾ എന്നിവർ ചടങ്ങിൽ സന്നിഹിതരായിരുന്നു . കൃഷിക്കാർക്കിടയിൽ ഈ ആപ്പ് കൂടുതൽ എത്തിക്കുക.അതിലൂടെ കൃഷിക്കാർ , വ്യാപാരികൾ ,മറ്റ് വ്യവസായങ്ങൾ എന്നിവയെ കൃഷിക്കാർക്ക് സഹായമാകും വിധം ഒരുമിച്ചു കൊണ്ടു വരിക എന്നുള്ളതാണ്  തങ്ങളുടെ ലക്ഷ്യമെന്ന് കൃഷിജാഗ്രൺ എഡിറ്റർ ഇൻ ചീഫ് എം.സി.ഡൊമിനിക് പറഞ്ഞു .