നമ്മുടെ നാട്ടില്‍ സുലഭമായി ലഭിക്കുന്ന ഒന്നാണ് ചേമ്പ്.പലതരം വിഭവങ്ങളും ചേമ്പ് കൊണ്ട് ഉണ്ടാക്കാം. ചേമ്പ് മില്‍ക്ക് ഷേക്ക് നിങ്ങള്‍ കഴിച്ചിട്ടുണ്ടാകില്ല. മറ്റ് മില്‍ക്ക് ഷേക്കിനെക്കാള്‍ കേമനാണിത്. ആരോഗ്യപ്രദമായ ഈ മില്‍ക്ക് ഷെയ്ക്ക് ഉണ്ടാക്കുന്നത് എങ്ങനെ എന്ന് നോക്കാം.
ആവശ്യമായ ചേരുവകള്‍
ചേമ്പ് - രണ്ടെണ്ണം
തണുപ്പിച്ച പാല്‍- 1 കപ്പ്
പഞ്ചസാര- കാല്‍ കപ്പ്
വാനില എസ്സന്‍സ്- അര ടീസ്പൂണ്‍
വാനില ഐസ്‌ക്രീം- 2 ടീസ്പൂണ്‍
പാല്‍- അര കപ്പ്
തയ്യാറാക്കുന്നവിധം
ചേമ്പ് വൃത്തിയാക്കിയ ശേഷം വെള്ളത്തില്‍ വേവിക്കുക. നന്നായി വെന്തശേഷം വെള്ളം ഊറ്റികളഞ്ഞ് തണുപ്പിക്കാന്‍ വെക്കാം. ബാക്കി ചേരുവകളും ചേമ്പും കൂടെ മിക്സിയില്‍ ഇട്ട് അടിച്ചെടുക്കാം. വിപ്പ്ഡ് ക്രീമും ചോക്ലേറ്റ് സിറപ്പും,നട്സും മറ്റും ഉപയോഗിച്ച് . ഇഷ്ടാനുസരണം അലങ്കരിക്കാം..രുചികരമായ ചേമ്പ് മില്‍ക്ക് ഷെയ്ക്ക് റെഡി.
English Summary: Colocasia milk shake
Published on: 17 January 2020, 04:33 IST