തക്കാളി കൃഷി ചെയ്യാൻ സ്ഥലമില്ലേ? എങ്കിൽ വിഷമിക്കേണ്ട ഇങ്ങനേയും ചെയ്യാം

തക്കാളി ഇല്ലാത്ത ഇന്ത്യൻ അടുക്കള കാണാൻ സാധിക്കില്ല അല്ലേ? മിക്ക കറികളിലേയും പ്രധാന ഘടകമാണ് തക്കാളി. കറികൾക്ക് മാത്രമല്ല സലാഡുകൾക്കും അത് മികച്ചതാണ്. എന്നാൽ നമ്മൾ തക്കാളി വാങ്ങിക്കുന്നത് കടകളിൽ നിന്നുമാണ്, അതും രാസവളം ചേർത്ത് കൃഷി ചെയ്തവ, അത് ആരോഗ്യത്തിന് നല്ലതല്ല എന്ന് നിങ്ങൾക്ക് അറിയാമല്ലോ?

അപ്പോൾ തക്കാളി വീട്ടിൽ കൃഷി ചെയ്ത് നോക്കിയാലോ? തക്കാളി കൃഷി ചെയ്യാൻ വളരെ എളുപ്പമാണ്. നിങ്ങൾക്ക് സ്ഥല പരിമിതി ഉണ്ടെങ്കിൽ ണ്ടെയ്നറുകളിൽ തക്കാളി വളർത്തിയെടുത്ത് നല്ല വിളവ് എടുക്കാം. പക്ഷെ നിങ്ങൾക്ക് ആരോഗ്യമുള്ള ചെടികളും, തക്കാളികളും ലഭിക്കണമെങ്കിൽ നല്ല ശ്രദ്ധയോടെയുള്ള പരിപാലനം ഉറപ്പാക്കണം.

കണ്ടെയ്നറുകളിൽ തക്കാളി എങ്ങനെ വളർത്താം

കണ്ടെയ്നർ വലിപ്പം

തക്കാളി വളരാൻ ഒരു വലിയ കലം ആവശ്യമാണ് (കുറഞ്ഞത് 8 ഇഞ്ച് ആഴം എന്നാൽ 12 0r 16 ഇഞ്ച് ആണ് നല്ലത്). ഇളം നിറമുള്ളതോ അധികം ചൂട് ആഗിരണം ചെയ്യാത്തതോ ആയ പാത്രങ്ങൾ ഉപയോഗിക്കാൻ ശ്രമിക്കുക, കാരണം അമിതമായ ചൂട് വേരുകളെ ബാധിക്കുകയും അവ ഫലം തരുന്നത് തടയുകയും ചെയ്യും. നിങ്ങളുടെ ചെടികൾ പൂവിടുന്നുണ്ടെങ്കിലും ഫലം കായ്ക്കുന്നില്ലെങ്കിൽ, അതൊരു കാരണമായിരിക്കാം. നിങ്ങൾ പാത്രങ്ങൾ പരസ്പരം വളരെ അടുത്ത് വയ്ക്കുന്നില്ലെന്ന് ഉറപ്പാക്കുക. വായു സഞ്ചാരത്തിന് മതിയായ ഇടം ഉണ്ടായിരിക്കണം. എന്നാൽ മാത്രമാണ് തക്കാളി നന്നായി വളരുന്നതിനും വിളവും ഉറപ്പാക്കുകയുള്ളു.

മണ്ണ് ഉപയോഗിക്കുമ്പോൾ

നല്ല നീർവാർച്ചയുള്ള ജൈവ മണ്ണ് തക്കാളി വളർത്തുന്നതിന് അത്യന്താപേക്ഷിതമാണ്. മണ്ണ് ഭാരമുള്ളതായിരിക്കരുത്, ഭാരം കുറഞ്ഞതും വായുസഞ്ചാരമുള്ളതുമായതിനാൽ ഏതെങ്കിലും നല്ല പോട്ടിംഗ് മിശ്രിതം ഉപയോഗിക്കാം. ഓരോ 2 വർഷം കൂടുമ്പോഴും മണ്ണ് മാറ്റുകയും അതേ കണ്ടെയ്നറിൽ തക്കാളി ചെടി വീണ്ടും വളർത്താതിരിക്കാനും ശ്രദ്ധിക്കുക. മുകളിലെ പാളിയുടെ കുറച്ച് ഇഞ്ച് മാറ്റി പുതിയ വളപ്രയോഗം നടത്തിയ മണ്ണ് ഉപയോഗിച്ച് നിങ്ങൾക്ക് എല്ലാ വർഷവും മണ്ണ് പുതുക്കാം.

സൂര്യപ്രകാശം

തക്കാളിക്ക് നല്ല വിളവ് ലഭിക്കാൻ ധാരാളം വെയിൽ ആവശ്യമാണ്, കുറഞ്ഞത് 6-8 മണിക്കൂറെങ്കിലും, അതിനാൽ ചെടികൾ വളർത്തുന്നതിന് നിങ്ങളുടെ ടെറസിൽ ഏറ്റവും വെയിൽ ലഭിക്കുന്ന സ്ഥലം കണ്ടെത്തുക.

ആഴത്തിൽ നട്ട് പിടിപ്പിക്കുക

ആരോഗ്യകരവും ശക്തവുമായ റൂട്ട് സിസ്റ്റം പ്രോത്സാഹിപ്പിക്കുന്നതിന് തക്കാളി ആഴത്തിൽ നട്ടുപിടിപ്പിക്കണം. നടുന്ന സമയത്ത്, തക്കാളി ചെടിയുടെ ചുവട്ടിൽ മൂന്നിൽ രണ്ട് ഭാഗം ചട്ടി മണ്ണ് കൊണ്ട് മൂടുക. ഉദാഹരണത്തിന്, നിങ്ങളുടെ ചെടിക്ക് 10 ഇഞ്ച് ഉയരമുണ്ടെങ്കിൽ, ചെടിയുടെ 3 ഇഞ്ച് മാത്രമേ മുകളിൽ നിന്ന് ദൃശ്യമാകൂ. കൂടാതെ, ഒരു കലത്തിൽ 1 ചെടി മാത്രം നടുന്നത് ഉറപ്പാക്കുക. ഒന്നിൽ കൂടുതൽ ചെടികൾ ഉള്ള പാത്രത്തിൽ വിളവ് കുറവായിരിക്കും, മാത്രമല്ല ഇത് ചെടിയെ സമ്മർദ്ദത്തിലാക്കുകയും കായ്കൾ കുറയ്ക്കുകയും ചെയ്യും. തക്കാളി ചെടി ചട്ടിയിൽ നടുന്നതിന് തൊട്ടുമുമ്പ്, എപ്സം സാൾട്ട് നല്ല അളവിൽ മണ്ണിൽ കലർത്തുന്നത് ഉറപ്പാക്കുക.

വെള്ളം

കണ്ടെയ്നറുകളിൽ വളർത്തുന്ന തക്കാളിക്ക് പതിവായി നനവ് ആവശ്യമാണ്, കാരണം വേരുകൾക്ക് വെള്ളം തേടി പോകാൻ കഴിയില്ല. തക്കാളി ചെടികൾ നനയ്ക്കുമ്പോൾ ഓർക്കേണ്ട മറ്റൊരു കാര്യം, അവയുടെ ഇലകൾ വെള്ളം ഇഷ്ടപ്പെടുന്നില്ല എന്നതാണ്. അത്കൊണ്ട് തന്നെ നനയ്ക്കുമ്പോൾ ഇലകൾ നനയുന്നില്ലെന്ന് ഉറപ്പാക്കുക, നനവിൻ്റെ ലക്ഷ്യം മണ്ണിനെ ഈർപ്പമുള്ളതാക്കുക എന്നതാണ്, പക്ഷെ വെള്ളം അമിതമായാൽ ചെടി ചീഞ്ഞ് പോകുന്നതിന് കാരണമാകുന്നു.

രാസവളങ്ങൾ

തക്കാളിക്ക് പതിവായി വളപ്രയോഗം ആവശ്യമാണ്, കാരണം ചെടികളുടെ പതിവ് നനവ് അതിന്റെ പോഷകങ്ങളെ നേർപ്പിക്കുകയോ അല്ലെങ്കിൽ ഊറ്റിയെടുക്കുകയോ ചെയ്യും. ചെടികൾക്ക് സ്ഥിരമായി പോഷകങ്ങൾ ലഭിക്കുന്നതിന് രണ്ടാഴ്ച കൂടുമ്പോൾ നേർപ്പിച്ച ഫിഷ് എമൽഷനോ, കടലപ്പിണ്ണാക്ക് സത്ത് എന്നിവ കൊടുക്കാം. അസ്ഥി ഭക്ഷണം, ഫോസ്ഫറസ്, എപ്സം ലവണങ്ങൾ മഗ്നീഷ്യം എന്നിവ മാസത്തിലൊരിക്കൽ ചേർക്കാം. മുട്ടത്തോട്, വാഴപ്പഴത്തിൻ്റെ തൊലി എന്നിവയും ഇട്ട് കൊടുക്കുന്നത് തക്കാളിയുടെ ആരോഗ്യത്തിന് നല്ലതാണ്.

പുതയിടൽ

പുതയിടൽ ഒരു പ്രധാന ആവശ്യമല്ല, പക്ഷേ മണ്ണിനെ ഈർപ്പമുള്ളതാക്കാനും കളകൾ മുളയ്ക്കുന്നത് തടയാനും ഇത് വളരെയധികം സഹായിക്കുന്നു.

താങ്ങ് കൊടുക്കുക

തക്കാളിയിൽ രോഗങ്ങൾ എളുപ്പത്തിൽ വരുന്നു, അത്കൊണ്ട് തന്നെ ചെടിയെ താങ്ങി നിർത്തുന്നതിനും നിലത്ത് വീഴാതിരിക്കാനും രോഗങ്ങൾ വരാതിരിക്കാനും തക്കാളിക്ക് താങ്ങ് കൊടുക്കുന്നത് സഹായിക്കുന്നു. മാത്രമല്ല ഇലകൾക്ക് ആവശ്യത്തിന് വായുസഞ്ചാരം ലഭിക്കാനും ഇത് സഹായിക്കുന്നു,

നീളമുള്ള മരക്കഷണങ്ങളോ പ്ലാസ്റ്റിക് തൂണുകളോ ചെടിയെ പിടിച്ചുനിർത്താൻ കഴിയുന്ന ശക്തവും ഉറപ്പുള്ളതുമായ എന്തും നിങ്ങൾക്ക് ഉപയോഗിക്കാം, കാരണം തക്കാളികൾ വളരുന്നതിന് അനുസരിച്ച് അതിൻ്റെ തൂക്കവും കൂടുന്നു.

തക്കാളി വിളവെടുപ്പ്

ചർമ്മം പച്ചയിൽ നിന്നും ചുവപ്പ് നിറത്തിലേക്ക് മാറി തുടങ്ങുമ്പോൾ നിങ്ങൾക്ക് തക്കാളി വിളവെടുപ്പ് നടത്താവുന്നതാണ്. നിങ്ങൾക്ക് അടുത്ത കൃഷിക്ക് ഉപയോഗിക്കുന്നതിനായി വിത്ത് വേണമെങ്കിൽ തക്കാളിയെ നന്നായി പഴുപ്പിക്കാൻ വിടുക, കാരണം നന്നായി മൂത്ത തക്കാളിയിൽ നിന്നുള്ള വിത്ത് മാത്രമേ കൃഷിക്ക് ഉപകരിക്കുകയുള്ളു.

ബന്ധപ്പെട്ട വാർത്തകൾ: തക്കാളി ചെടികളിലെ ബാക്ടീരിയ രോഗങ്ങൾ എങ്ങനെ നിയന്ത്രിക്കാം