തിളക്കമുള്ള ചർമ്മത്തിന് മുൾട്ടാണി മിട്ടിയുടെ വിവിധ ഫേസ് പായ്ക്കുകൾ

സൗന്ദര്യസംരക്ഷണത്തിനും ചർമ്മസംരക്ഷണത്തിനും ഉപയോഗിക്കുന്നതിന് വളരെ പ്രശസ്തമാണ് മുൾട്ടാണി മിട്ടി.

എണ്ണമയം കുറയ്ക്കുന്നതിനും, ചർമ്മത്തിന് ആരോഗ്യകരമായ തിളക്കം നൽകുന്നതിനുമായി പ്രധാനമായും മുൾട്ടാണി മിട്ടി ഫേസ് പായ്ക്കുകൾ എല്ലാവരും ഉപയോഗിക്കാറുണ്ട്.

ഈ പ്രകൃതിദത്തമായ ഉൽപ്പന്നത്തിന് ചർമ്മത്തിനും മുടിക്കും മറ്റും നിരവധി ഉപയോഗങ്ങളുണ്ട്.

മുൾട്ടാണി മിട്ടിയെക്കുറിച്ചും ചർമ്മത്തിനും മുടിക്കും എങ്ങനെ ഉപയോഗിക്കാം എന്നതിനെക്കുറിച്ചും കൂടുതലറിയാൻ തുടർന്ന് വായിക്കൂ!

എന്താണ് മുൾട്ടാണി മിട്ടി?

'ചെളി' എന്നർഥമുള്ള മുൾട്ടാണി മിട്ടി, ഫുല്ലേഴ്‌സ് എർത്ത് എന്ന പേരിലും പ്രചാരത്തിലുണ്ട്. ധാതുക്കളാൽ നിറഞ്ഞ, ഇതിൽ ഹൈഡ്രസ് അലുമിനിയം സിലിക്കേറ്റുകളുടെയോ കളിമൺ ധാതുക്കളുടെയോ വ്യത്യസ്ത ഘടനകൾ അടങ്ങിയിരിക്കുന്നു.

രാസ ചികിത്സ കൂടാതെ എണ്ണയുടെയോ മറ്റ് ദ്രാവകങ്ങളുടെയോ നിറം മാറ്റാൻ കഴിവുള്ള ഏത് കളിമൺ പദാർത്ഥത്തിനും 'ഫുല്ലേഴ്‌സ് എർത്ത്' എന്ന പേര് ബാധകമാണ്.

ഫുള്ളർസ് എർത്തിന് നല്ല ആഗിരണം ശക്തി ഉള്ളതിനാൽ, ഫിൽട്ടറുകൾ, അണുവിമുക്തമാക്കൽ, വിഷബാധയ്ക്കുള്ള ചികിത്സ, ലിറ്റർ ബോക്സുകൾ, ക്ലീനിംഗ് ഏജന്റ് എന്നിവയിൽ ഈ സംയുക്തം ഇന്ന് വിവിധ ഉപയോഗങ്ങൾ കാണുന്നു.

കോസ്മെറ്റോളജിയിലും ഡെർമറ്റോളജിയിലും, ഫുള്ളേഴ്സ് എർത്ത് ഒരു ക്ലെൻസറായി ഉപയോഗിക്കുന്നതിന് ഫലപ്രദമാണ്, ചർമ്മത്തിൽ നിന്ന് എണ്ണ, അഴുക്ക്, മാലിന്യങ്ങൾ എന്നിവ നീക്കം ചെയ്യുകയും മുഖക്കുരുവും മറ്റ് ചർമ്മപ്രശ്നങ്ങളും കൈകാര്യം ചെയ്യാൻ സഹായിക്കുകയും ചെയ്യുന്നു.

മുൾട്ടാണി മിട്ടിയുടെ ഗുണങ്ങൾ എന്തൊക്കെയാണ്?

ഈ അത്ഭുത കളിമണ്ണ് നിങ്ങളുടെ ചർമ്മത്തിന് എങ്ങനെ ഗുണം ചെയ്യുമെന്ന് അറിയാം...

മുൾട്ടാണി മിട്ടി- എണ്ണ, അഴുക്ക്, മാലിന്യങ്ങൾ എന്നിവ പുറത്തെടുത്ത് ചർമ്മത്തെ ശുദ്ധീകരിക്കുകയും സുന്ദരമാക്കുകയും ചെയ്യുന്നു. ഈ കളിമണ്ണ്, എണ്ണയെ നിയന്ത്രിക്കുക മാത്രമല്ല, എല്ലാ ചർമ്മ തരങ്ങൾക്കും ഗുണം ചെയ്യുന്ന എണ്ണ ഉൽപാദനം ക്രമപ്പെടുത്തുകയും ചെയ്യുന്നു.
ഈ ഗുണങ്ങൾ ഉള്ളത് കൊണ്ട് തന്നെ മുഖക്കുരുവിനെതിരെ ഫലപ്രദമാക്കുകയും രോഗശാന്തി പ്രക്രിയ വേഗത്തിലാക്കാൻ സഹായിക്കുകയും ചെയ്യുന്നു.

ഒരു സ്‌ക്രബായി ഉപയോഗിക്കുന്നത്, മുൾട്ടാണി മിട്ടിക്ക് ചർമ്മത്തിലെ മൃതകോശങ്ങളെ ഇല്ലാതാക്കാനും ബ്ലാക്ക്ഹെഡുകളും വൈറ്റ്ഹെഡുകളും നീക്കം ചെയ്യാനും ചർമ്മത്തിന് സ്വാഭാവികവും ആരോഗ്യകരവുമായ തിളക്കം നൽകാനും കഴിയും.
രക്തചംക്രമണം വർദ്ധിപ്പിക്കുകയും ചർമ്മത്തിന്റെ ആരോഗ്യവും ടോണും മെച്ചപ്പെടുത്തുകയും ചെയ്യുന്നു.

മുള്ട്ടാണി മിട്ടി മുടിക്ക് ഏത് തരത്തിൽ ഗുണം ചെയ്യുന്നു

ഈ സംയുക്തം മൃദുവായ ക്ലെൻസറായി പ്രവർത്തിക്കുന്നു, പ്രകൃതിദത്ത എണ്ണകളെ ശല്യപ്പെടുത്താതെ തന്നെ തലയോട്ടി വൃത്തിയാക്കുന്നു.

താരൻ, എക്‌സിമ പോലുള്ള അവസ്ഥകൾ, മുടികൊഴിച്ചിൽ എന്നിവ തടയാൻ മുൾട്ടാണി മിട്ടി സഹായിക്കും.

മുടി കണ്ടീഷൻ ചെയ്യുന്നതിനും കേടുപാടുകൾ പരിഹരിക്കുന്നതിനും ഇത് മികച്ചതാണ്.

തലയോട്ടിയിലേയും മുടിയിലേയും ദുർഗന്ധം അകറ്റാൻ മുൾട്ടാണി മിട്ടി സഹായിക്കും.

നിങ്ങളുടെ ചർമ്മ പ്രശ്നങ്ങൾക്ക് എളുപ്പമുള്ള ഫേസ് പായ്ക്കുകൾ

ഒരു ടേബിൾസ്പൂൺ മുൾട്ടാണി മിട്ടി രണ്ട് ടീസ്പൂൺ റോസ് വാട്ടറുമായി കലർത്തുക. മിനുസമാർന്ന പേസ്റ്റ് ഉണ്ടാക്കാൻ ആവശ്യത്തിന് വെള്ളം ചേർക്കുക. മുഖത്തും കഴുത്തിലും പുരട്ടി 30 മിനിറ്റിനു ശേഷം കഴുകിക്കളയുക.

ഒരു പാത്രത്തിൽ രണ്ട് ടേബിൾസ്പൂൺ മുൾട്ടാണി മിട്ടി എടുക്കുക. ഒരു പഴുത്ത തക്കാളി പിഴിഞ്ഞ് നീരെടുക്കുക. മുൾട്ടാണി മിട്ടിയിൽ തക്കാളി നീരും ഒരു ടീസ്പൂൺ നാരങ്ങാനീരും ചേർക്കുക. ഒരു നല്ല പേസ്റ്റ് രൂപപ്പെടുത്തുന്നതിന് നന്നായി ഇളക്കുക; ആവശ്യമെങ്കിൽ വെള്ളം ചേർക്കുക. മുഖത്തും കഴുത്തിലും പുരട്ടി 30-40 മിനിറ്റിനു ശേഷം വെള്ളം ഉപയോഗിച്ച് കഴുകിക്കളയുക. ആഴ്ചയിൽ ഒന്നോ രണ്ടോ തവണ ഇത് ചെയ്യുക.

ഒരു ടീസ്പൂൺ മുൾട്ടാണി മിട്ടി ഒരു ടീസ്പൂൺ ചന്ദനപ്പൊടിയുമായി കലർത്തുക. മിനുസമാർന്ന പേസ്റ്റ് ഉണ്ടാക്കാൻ ആവശ്യത്തിന് വെള്ളം ചേർക്കുക. മുഖത്തും കഴുത്തിലും പുരട്ടി 20 മിനിറ്റിനു ശേഷം കഴുകിക്കളയുക. നിങ്ങൾക്ക് ഇതിലേക്ക് റോസ് വാട്ടറോ പാലോ ചേർക്കാവുന്നതാണ്, ആഴ്ചയിൽ രണ്ട് തവണ ഇത് ഉപയോഗിക്കാം.

ബന്ധപ്പെട്ട വാർത്തകൾ : നരച്ച മുടി പിഴുത് കളയാറുണ്ടോ? ഇത് ശ്രദ്ധിയ്ക്കാം