തേങ്ങാ കൊണ്ട് വ്യത്യസ്ഥ രീതികളിലുള്ള രുചികരമായ പാചകങ്ങൾ

മധുരമുള്ള തേങ്ങ സത്യത്തിൽ ഒരു പഴമാണ്, അത് നല്ല രുചിയുള്ളതും മറ്റ് വിഭവങ്ങളുമായി കലർത്തുമ്പോൾ അവയെ അത് കൂടുതൽ രുചികരമാക്കുന്നു. ദക്ഷിണേന്ത്യയിൽ തേങ്ങ ഒരു രൂപത്തിലല്ലെങ്കിൽ മറ്റൊന്നിൽ എല്ലാ വിഭവങ്ങളുടെയും ഭാഗമാണെങ്കിൽ, വടക്ക് ഇത് കൂടുതലും മധുരപലഹാരങ്ങൾ തയ്യാറാക്കാനാണ് ഇത് ഉപയോഗിക്കുന്നത്.

നിങ്ങൾ ഇഷ്ടപ്പെടാൻ പോകുന്ന അഞ്ച് തേങ്ങാ കൊണ്ടുള്ള പാചകക്കുറിപ്പുകൾ ഇതാ നിങ്ങൾക്ക് പരിചയപ്പെടുത്തുന്നു.

ബന്ധപ്പെട്ട വാർത്തകൾ : കിടക്കുന്നതിന് മുമ്പ് തേങ്ങ കഴിക്കുന്നതിന്റെ ആരോഗ്യ ഗുണങ്ങൾ

തേങ്ങാ റൈസ്

ദക്ഷിണേന്ത്യൻ വിഭവങ്ങളിൽ ഏറ്റവും പ്രചാരമുള്ള ഭക്ഷണങ്ങളിലൊന്നാണ് കോക്കനട്ട് റൈസ്.
കടല, കടുക്, ജീരകം എന്നിവ എണ്ണയിൽ വഴറ്റുക. കുതിർത്തു വെച്ച ചന, ഉലുവ എന്നിവ ഇട്ടു നന്നായി ഇളക്കുക.
ചുവന്ന മുളക്, കറിവേപ്പില, പച്ചമുളക്, കശുവണ്ടി, ഉപ്പ് എന്നിവ ചേർത്ത് വീണ്ടും ഇളക്കുക. അരച്ച തേങ്ങ ചേർത്ത് എല്ലാം നന്നായി യോജിപ്പിക്കുക. വേവിച്ച അരി ചേർത്ത് വീണ്ടും ഇളക്കുക.
കുറച്ചു കൂടി അരച്ച തേങ്ങ കൊണ്ട് അലങ്കരിച്ച് ആസ്വദിക്കൂ.

തേങ്ങാ ലഡ്ഡൂ

മധുരപലഹാരങ്ങളിൽ തേങ്ങ എല്ലാവർക്കും ഇഷ്ടമാണ്. ഒരുപക്ഷേ നിങ്ങൾക്ക് അവ ഉപയോഗിച്ച് ഉണ്ടാക്കാൻ കഴിയുന്ന ഏറ്റവും മികച്ച സ്വീറ്റ് വിഭവമാണ് ലഡ്ഡൂകൾ. ഒരു കപ്പ് ഉണങ്ങിയ തേങ്ങ ഒരു കപ്പ് പാലിൽ കലർത്തുക. നിങ്ങളുടെ അഭിരുചിക്കനുസരിച്ച് പഞ്ചസാര ചേർക്കുക. പാൽ വറ്റുന്നതുവരെ ഇത് വേവിക്കുക, നല്ല കട്ടിയുള്ള മിശ്രിതം നിങ്ങൾക്ക് ലഭിക്കും. ഈ മിശ്രിതം ചൂടോടെ ഉരുട്ടി ലഡ്ഡൂകൾ ഉണ്ടാക്കിയെടുക്കുക.

ബന്ധപ്പെട്ട വാർത്തകൾ : തേങ്ങ മൂപ്പെത്തുന്നതിന് മുൻപ് പുറംതോട് കരിഞ്ഞു ഉണങ്ങിപ്പോകുന്നുണ്ടേ? ഈ പ്രതിവിധി ഒന്ന് ചെയ്തു നോക്കൂ

തേങ്ങ പായസം

പാലും പുതിയ ഇളം തേങ്ങയും ഉപയോഗിച്ച് ഉണ്ടാക്കിയ ഈ തേങ്ങാ പായസം റെസിപ്പി ആസ്വദിച്ച് കഴിക്കാൻ പറ്റിയ മധുരപലഹാരമാണ്. ഇളം തേങ്ങാ പൾപ്പും തേങ്ങാ വെള്ളവും ഉപയോഗിച്ച് ഒരു പ്യൂരി ഉണ്ടാക്കുക, മാറ്റി വയ്ക്കുക.
ബാഷ്പീകരിച്ച പാലും പഞ്ചസാരയും ചേർത്ത് പാൽ തിളപ്പിച്ച് ക്രീം ആകുന്നതുവരെ തിളപ്പിക്കുക. ഇത് തണുത്തതിന് ശേഷം തേങ്ങാപ്പൊടി, തേങ്ങാപ്പാൽ, ഏലയ്ക്കാപ്പൊടി എന്നിവ ചേർത്ത് നന്നായി ഇളക്കുക. തണുപ്പിച്ച ശേഷം ഇത് വിളമ്പുക.

തേങ്ങാ കേക്ക്

ഓവൻ 176 ഡിഗ്രി വരെ ചൂടാക്കുക. വെണ്ണയും പഞ്ചസാരയും അലിയുന്നത് വരെ അടിക്കുക . മുട്ട ചേർത്ത് നന്നായി കലക്കിയെടുക്കുക. മൈദ, ബേക്കിംഗ് പൗഡർ, തേങ്ങാപ്പാൽ എന്നിവ ചേർത്ത് നന്നായി ഇളക്കുക. ചുരണ്ടിയ തേങ്ങയോടൊപ്പം ക്രമേണ മുഴുവൻ പാലും ചേർത്ത് എല്ലാം നന്നായി യോജിപ്പിക്കുക. നെയ്യ് പുരട്ടിയ ട്രേയിൽ 20-30 മിനിറ്റ് ബേക്ക് ചെയ്യുക. ഫ്രഷ് ക്രീമും കണ്ടൻസ്ഡ് മിൽക്കും തേങ്ങാ അടരുകളും കലർത്തി കേക്ക് അലങ്കരിക്കുക.

ബന്ധപ്പെട്ട വാർത്തകൾ : കേര വെളിച്ചെണ്ണ ഉൽപാദനം നിർത്തി, സ്വകാര്യ കമ്പനികളുടെ വെളിച്ചെണ്ണയ്ക്ക് വില ഉയരാൻ സാധ്യത

തേങ്ങാ കറി

ഉണങ്ങിയ ചുവന്ന മുളക്, കടുക്, ഉലുവ എന്നിവ വെളിച്ചെണ്ണയിൽ വഴറ്റുക. കറിവേപ്പില, പച്ചമുളക്, ഇഞ്ചി, വെളുത്തുള്ളി എന്നിവ ചേർത്ത് നന്നായി ഇളക്കുക. ഉള്ളി, മഞ്ഞൾ, മല്ലിപ്പൊടി, മുളകുപൊടി, തക്കാളി, ഉപ്പ്, കുരുമുളക് എന്നിവ ചേർത്ത് നന്നായി വേവിക്കുക. വെള്ളവും നേർത്ത തേങ്ങാപ്പാലും ചേർത്ത് അഞ്ച് മിനിറ്റ് വേവിക്കുക. കട്ടിയുള്ള തേങ്ങാപ്പാൽ ചേർത്ത് തിളപ്പിക്കുക. പുളിവെള്ളം ചേർത്ത് വീണ്ടും തിളപ്പിക്കുക. ചോറിനൊപ്പം കറി വിളമ്പുക.