ജോലിക്ക് പോകുമ്പോഴായാലും പുറത്ത് പോകുമ്പോഴായാലും വെയില് കൊണ്ട് മുഖത്ത് ടാൻ വരും ഇത് പലരേയും അലട്ടുന്ന സൗന്ദര്യ പ്രശ്നമാണ്. ടാൻ നീക്കം ചെയ്യുന്നതിനുള്ള ഉൽപ്പന്നങ്ങൾ നിങ്ങൾക്ക് നൽകുന്ന ഒന്നിലധികം ചർമ്മസംരക്ഷണ ബ്രാൻഡുകളുണ്ട്. എന്നാൽ ഈ ഉൽപ്പന്നങ്ങളിലെ കഠിനമായ രാസവസ്തുക്കൾ പലപ്പോഴും ചർമ്മത്തെ കൂടുതൽ നശിപ്പിക്കുന്നതിനാണ് സാധ്യത. അത്കൊണ്ട് തന്നെ ടാനിനെ നീക്കം ചെയ്യുന്നതിന് വീട്ടുവൈദ്യങ്ങളാണ് എപ്പോഴും നല്ലത്. ഇത് ഉണ്ടാക്കുന്നതിനും എളുപ്പമാണ്. ഫലപ്രദമായ ഫലങ്ങൾ കാണിക്കാൻ വളരെ കുറച്ച് സമയമെടുക്കുമെങ്കിലും, പാർശ്വഫലങ്ങളൊന്നുമില്ല എന്നതാണ് പ്രത്യേകത.
ടാനിനെ ഇല്ലാതാക്കുന്നതിന് വേണ്ടിയുള്ള വീട്ടുവൈദ്യങ്ങൾ
തക്കാളി
തക്കാളിയുടെ ഗുണങ്ങളെക്കുറിച്ച് നിങ്ങൾക്കറിയാമായിരിക്കണം. ഇത് വിറ്റാമിൻ സിയുടെയും ആന്റിഓക്‌സിഡന്റുകളുടെയും നല്ല ഉറവിടമാണ്. നിങ്ങളുടെ ചർമ്മസംരക്ഷണ ദിനചര്യയിൽ തക്കാളി ചേർക്കുന്നത് ശരീരത്തിലെ കൊളാജന്റെ വളർച്ച ഉറപ്പാക്കുന്നു മാത്രമല്ല തക്കാളിയിൽ ലൈക്കോപീൻ അടങ്ങിയിട്ടുണ്ട്, ഇത് പ്രകൃതിദത്ത സൺസ്‌ക്രീനായി പ്രവർത്തിക്കുകയും സെല്ലുലാർ നാശത്തെ ചെറുക്കാൻ സഹായിക്കുകയും ചെയ്യുന്നു.
എങ്ങനെ ഉപയോഗിക്കാം: തക്കാളി നന്നായി പേസ്റ്റ് ആക്കി അരച്ചെടുക്കുക. ഇത് മുഖത്തും കൈയ്യിലും പുരട്ടി 15 മിനിറ്റ് വെച്ചതിന് ശേഷം തണുത്ത വെള്ളം കൊണ്ട് മുഖം കഴുകുക. ഇത് ആഴ്ചയിൽ രണ്ടുതവണ ഉപയോഗിക്കുക.
കടലമാവ്
കടലമാവ് പണ്ട് കാലം മുതലേ ചർമ്മ സംരക്ഷണത്തിൽ ഉപയോഗിക്കുന്നതാണ്. ഇത് ചർമ്മത്തിൻ്റെ നിറം മെച്ചപ്പെടുത്താനും ചർമ്മത്തിലെ മൃതകോശങ്ങളെ നീക്കം ചെയ്യാനും സഹായിക്കുന്നു. കഴുത്തിലെയും കൈയിലെയും ഭാഗങ്ങളിൽ നിന്നുള്ള ടാൻ ഫലപ്രദമായി നീക്കം ചെയ്യാൻ ഇത് ഒരു സ്‌ക്രബറായി ഉപയോഗിക്കാം.
എങ്ങനെ ഉപയോഗിക്കാം: ഒരു നുള്ള് മഞ്ഞളും കടല പൊടിയും 1 ടീസ്പൂൺ ഒലിവ് ഓയിലും നാരങ്ങാനീരും ചേർത്ത് ഇളക്കുക. ബാധിത പ്രദേശങ്ങളിൽ 10-15 മിനിറ്റ് പായ്ക്ക് പുരട്ടി ഉണങ്ങാൻ അനുവദിക്കുക. ഇത് ചെറുചൂടുള്ള വെള്ളത്തിൽ കഴുകി കളയുക. ഫലങ്ങൾക്കായി ആഴ്ചയിൽ രണ്ടുതവണ ഇത് ചെയ്യുക.
തൈരും തേനും
തൈരും തേനും ഉപയോഗിക്കുന്നതാണ് സൺ ടാൻ നീക്കം ചെയ്യാൻ സഹായിക്കുന്ന മറ്റൊരു വീട്ടുവൈദ്യം. തൈര് ഒരു സ്വാഭാവിക ബ്ലീച്ചിംഗ് ഏജന്റായി പ്രവർത്തിക്കുകയും പിഗ്മെന്റേഷൻ കുറയ്ക്കാൻ സഹായിക്കുകയും ചെയ്യുന്നു. തൈര് ഫലപ്രദമായ ഒരു എക്സ്ഫോളിയേറ്റർ കൂടിയാണ്. തേനിലെ ആൻറി ബാക്ടീരിയൽ, ആന്റി-ഇൻഫ്ലമേറ്ററി ഗുണങ്ങൾ സൂര്യരശ്മികൾ മൂലമുണ്ടാകുന്ന കേടുപാടുകൾ പരിഹരിക്കാൻ സഹായിക്കുന്നു.
എങ്ങനെ ഉപയോഗിക്കാം: 1 ടേബിൾസ്പൂൺ തേനും 2 ടേബിൾസ്പൂൺ തൈരും കലർത്തുക. ഈ മിശ്രിതം പുരട്ടി 15 മിനിറ്റ് വിടുക. എല്ലാ ദിവസവും ഇത് ചെയ്യുന്നത് ടാനിനെ ഇല്ലാതാക്കുന്നതിന് സഹായിക്കുന്നു
കറ്റാർ വാഴ
വീട്ടുവൈദ്യങ്ങളുടെ രാജാവാണ് കറ്റാർ വാഴ, ടാൻ നീക്കം ചെയ്യുന്നതിനും ഇത് സഹായിക്കുന്നു. കറ്റാർ വാഴയുടെ ആൻറി ബാക്ടീരിയൽ, ആൻറി-ഇൻഫ്ലമേറ്ററി ഗുണങ്ങൾ ചർമ്മത്തെ സുഖപ്പെടുത്താൻ സഹായിക്കുന്നു. സൂര്യരശ്മികൾ മൂലമുണ്ടാകുന്ന കേടുപാടുകളിൽ നിന്നും ഇത് ചർമ്മത്തെ സംരക്ഷിക്കുകയും ചെയ്യുന്നു.
എങ്ങനെ ഉപയോഗിക്കാം: ദിവസവും ഉറങ്ങാൻ പോകുന്നതിനു മുമ്പ് കറ്റാർ വാഴ ജെൽ മുഖത്ത് പുരട്ടുക.
ബന്ധപ്പെട്ട വാർത്തകൾ: അരിപ്പൊടിയുണ്ടെങ്കിൽ ചർമ്മം തിളങ്ങും; എങ്ങനെയെന്നല്ലേ?