പൊള്ളലേറ്റ മുറിവ് ഉണങ്ങി കഴിഞ്ഞാൽ പലപ്പോഴും അവിടെ ഒരു കറുത്ത പാട് അവശേഷിക്കാറുണ്ട്. പൊള്ളലേറ്റ പാടുകൾ നീക്കാൻ എന്ത് ചെയ്യണം? ഇത്തരം പാടുകൾ മായ്ക്കാൻ സഹായിക്കുന്ന ചില പൊടിക്കൈകൾ ഇതാ.
നിങ്ങളുടെ ചർമ്മത്തിൽ പൊള്ളലേറ്റൽ, പലപ്പോഴും ഒരു സ്ഥിരമായ പാട് അവിടെ അവശേഷിക്കും. പൊള്ളലേറ്റ പാടുകൾ ഒഴിവാക്കാൻ പ്രയാസമാണ്, മാത്രമല്ല ഇത് വേദനാജനകമായ ഒരു അപകടത്തിന്റെ സ്ഥിരമായ ഓർമ്മപ്പെടുത്തലായി തുടരുകയും ചെയ്യുന്നു. നിങ്ങൾ ശരിക്കും ശ്രമിക്കുകയാണെങ്കിൽ, ഈ പാടുകൾ മങ്ങുന്നതിന് നിങ്ങൾക്ക് ചില മാർഗ്ഗങ്ങൾ ഉപയോഗിക്കാം. പൊള്ളലേറ്റ പാടുകൾ ഒഴിവാക്കാൻ പരമ്പരാഗത ഇന്ത്യൻ ഔഷധസസ്യങ്ങൾ ഉപയോഗിച്ചുള്ള ഫലപ്രദമായ ചില വീട്ടുവൈദ്യങ്ങൾ ഇതാ.
തക്കാളി നീര്
നാരങ്ങ, തക്കാളി നീര് എന്നിവ നിർജ്ജീവ ചർമ്മത്തെ സൗമ്യമായി നീക്കം ചെയ്യാനും ചർമ്മത്തെ പുനരുജ്ജീവിപ്പിക്കാനും സഹായിക്കും. നാരങ്ങയ്ക്ക് അസിഡിറ്റി ഗുണങ്ങളുണ്ട്, അത് സ്വാഭാവികമായും ചർമ്മത്തിലെ പാടുകൾ കുറയ്ക്കും. പുതുതായി പിഴിഞ്ഞെടുത്ത തക്കാളി നീര് ഒരു സ്വാഭാവിക ബ്ലീച്ചിംഗ് ഏജന്റാണ്, മാത്രമല്ല പൊള്ളലേറ്റ അടയാളങ്ങൾ സ്വാഭാവികമായും ഇവ സുഖപ്പെടുത്തുന്നു. നിങ്ങൾക്ക് അവ എങ്ങനെ ഉപയോഗിക്കാമെന്നത് ഇതാ:
- നിങ്ങൾക്ക് രണ്ട് വൃത്തിയുള്ള തുണി, ഒരു പുതിയ നാരങ്ങ, കുറച്ച് പുതിയ തക്കാളി നീര് എന്നിവ ആവശ്യമാണ്.
- പൊള്ളലേറ്റ പാട് ആദ്യം തണുത്ത വെള്ളത്തിൽ കഴുകണം.
- ഇനി, കുറച്ച് മണിക്കൂർ നേരത്തേക്ക് പൊള്ളിയ പാടിന്റെ ഭാഗത്ത് നനഞ്ഞ തുണി വയ്ക്കുക.
- അതേസമയം, നാരങ്ങാ നീര് പിഴിഞ്ഞെടുത്ത് വയ്ക്കുക.
- ഇനി എടുത്ത് വച്ചിരിക്കുന്ന മറ്റേ തുണി നാരങ്ങ നീര് ഉപയോഗിച്ച് നനച്ചുകൊടുക്കുക, പൊള്ളലേറ്റ ഭാഗത്ത് അത് വച്ച് പതുക്കെ ഒപ്പിക്കൊടുക്കുക.
- പ്രദേശം ഉണങ്ങിയതിനു ശേഷം, നിങ്ങൾ പുതിയ തക്കാളി നീര് പാടിന്റെ മുകളിലായി പുരട്ടണം.
- ഇവയുടെ ശക്തമായ പ്രകൃതിദത്ത ബ്ലീച്ചിംഗ് പ്രഭാവം കാരണം, നിങ്ങൾക്ക് ഏതാനും ദിവസങ്ങൾക്കുള്ളിൽ പൊള്ളലേറ്റ അടയാളം ഒഴിവാക്കാനാകും.
- പൊള്ളലേറ്റ അടയാളങ്ങളിൽ നിന്ന് മുക്തി നേടുന്നതിന് ദിവസത്തിൽ രണ്ടുതവണ ഈ നടപടിക്രമം ആവർത്തിക്കുക.
ഉരുളക്കിഴങ്ങ് തൊലി
പഴക്കം ചെന്ന മറ്റൊരു പ്രതിവിധിയാണ് ഉരുളക്കിഴങ്ങ് തൊലി. അവ ചർമ്മത്തിന് ഈർപ്പം നൽകുന്നു, രോഗശമനത്തിന് സഹായിക്കുന്ന ആൻറി ബാക്ടീരിയൽ ഗുണങ്ങളും ഇവയിലുണ്ട്. ചെറിയ പൊള്ളലേൽക്കുമ്പോൾ സാധാരണ ചെയ്യുന്ന ഡ്രെസ്സിംഗിനേക്കാൾ ഉരുളക്കിഴങ്ങ് തൊലി പൊള്ളലിൽ വയ്ക്കുന്നത് നന്നായി പ്രവർത്തിക്കുന്നുവെന്ന് ഡോക്ടർമാർ കണ്ടെത്തിയിട്ടുണ്ട്.
- ഒരു ഉരുളക്കിഴങ്ങിന്റെ തൊലി ചർമ്മത്തിലെ പൊള്ളിയ സ്ഥലത്ത് പുരട്ടുക.
- കൂടുതൽ ആശ്വാസത്തിനായി നിങ്ങൾക്ക് അവയെ ഒരു ബാൻഡേജ് പോലെ ആ പ്രദേശത്ത് ചുറ്റാം.
മഞ്ഞൾ
ബാർലി, മഞ്ഞൾ, തൈര് എന്നിവ ഉപയോഗിച്ച് പൊള്ളലിനുള്ള ഫലപ്രദമായ വീട്ടുവൈദ്യം ഉണ്ടാക്കാം.