ഉയർന്ന രക്തസമ്മർദ്ദമുള്ള ആളാണു നിങ്ങളെങ്കിൽ ദിവസവും 3 മാതളനാരങ്ങ കഴിക്കുന്നത് ശീലമാക്കുക, കുറഞ്ഞത് മൂന്ന് മാസമെങ്കിലും ദിവസവും മൂന്ന് മാതളനാരങ്ങ വീതം കഴിക്കുന്നത് രക്തസമ്മർദ്ദം കുറയ്ക്കാൻ സഹായിക്കുന്നു, എന്ന് പോഷകാഹാര വിദഗ്ധർ പറയുന്നു. ഇന്ത്യയിൽ ഏറ്റവും സുലഭമായി ലഭിക്കുന്ന ഒരു പഴങ്ങളിൽ ഒന്നാണ് മാതളനാരങ്ങ. മാതളനാരങ്ങയ്ക്ക് നിരവധി ആരോഗ്യ ഗുണങ്ങളുണ്ട്. ഇത് കഴിക്കുന്നത് ശരീരത്തിന് ധാരാളം ഗുണം ചെയ്യുന്നു. മാതളനാരങ്ങയിൽ അടങ്ങിയിട്ടുള്ള വളരെ ശക്തമായ ഒരു പോഷകമാണ് ആന്റി ആറ്റെറോജെനിക്
ഇത് ദിവസവും കഴിക്കുന്നത് രക്ത ധമനികളെ ശുദ്ധീകരിക്കുകയും, രക്തസമ്മർദ്ദം കുറയ്ക്കുകയും ഹൃദയത്തെ സംരക്ഷിക്കുകയും രക്തക്കുഴലുകൾ അടയുന്നത് തടയുകയും ചെയ്യുന്നു. മാതള നാരങ്ങായിൽ ശക്തമായ ആന്റിഓക്‌സിഡന്റുകൾ അടങ്ങിയിട്ടുണ്ട്. പോഷകാഹാര വിദഗ്ധൻ പറയുന്നതനുസരിച്ച്, ഉയർന്ന രക്തസമ്മർദ്ദമുള്ളവർ പറയുന്നതനുസരിച്ച്, കുറഞ്ഞത് മൂന്ന് മാസമെങ്കിലും ദിവസവും മൂന്ന് മാതളനാരങ്ങ കഴിക്കുന്നത് വളരെ നല്ലതാണ്. ഇത് അവരുടെ ഹൃദയാരോഗ്യത്തിന് ഗുണം ചെയ്യും, കൂടാതെ ശക്തമായ ആന്റിഓക്‌സിഡന്റ് പിന്തുണ നൽകുന്നതിനു പുറമേ രക്തസമ്മർദ്ദം കുറയ്ക്കുകയും ചെയ്യുന്നു.
എന്നാൽ ആരോഗ്യമുള്ള ഹൃദയത്തിന് മൂന്ന് മാതളനാരങ്ങ കഴിച്ചാൽ മാത്രം പോരാ. രക്തസമ്മർദ്ദം കുറയ്ക്കുന്നതിനും ധമനികളുടെ ആരോഗ്യം നിലനിർത്തുന്നതിനും, അതിന്റെ മുഴുവൻ ഗുണങ്ങളും ആസ്വദിക്കാൻ ചില ജീവിതശൈലി മാറ്റങ്ങൾ വരുത്തേണ്ടത് പ്രധാനമാണ്, എന്നും വിദഗ്ദ്ധർ അഭിപ്രായപ്പെട്ടു. ശരീരത്തിന്റെ ആരോഗ്യകരമായ ഭാരം നിലനിർത്തുന്നതിനൊപ്പം, കൊളസ്ട്രോളും രക്തസമ്മർദ്ദവും കുറയ്ക്കാനും പ്രമേഹ സാധ്യത കുറയ്ക്കാനും, ഹൃദയാരോഗ്യകരമായ ഭക്ഷണക്രമം തിരഞ്ഞെടുക്കാനും ശ്രദ്ധിക്കണം.
ജീവിതശൈലിയിൽ വരുത്തേണ്ട ചില മാറ്റങ്ങൾ എന്തൊക്കെയാണെന്ന് നോക്കാം
1. ഭക്ഷണത്തിൽ കൂടുതൽ നാരുകൾ ചേർക്കാം.
2. ധാരാളം പഴങ്ങളും പച്ചക്കറികളും കഴിക്കുക.
3. ഭക്ഷണത്തിലെ കൊളസ്ട്രോൾ പരിമിതപ്പെടുത്തുക- പാൽ, ചീസ് മുതലായവയുടെ ഉപഭോഗം കുറയ്ക്കുക.
4. ആരോഗ്യകരമായ കൊഴുപ്പുകളായ പരിപ്പ്, ഒലിവ് ഓയിൽ, അവോക്കാഡോ കഴിക്കുക.
5. ഭക്ഷണത്തിൽ ഉപ്പ് കഴിക്കുന്നത് പരിമിതപ്പെടുത്തുക: ഉപ്പിലെ ഉയർന്ന സോഡിയം ഉയർന്ന രക്തസമ്മർദ്ദത്തിന് കാരണമാകുന്നു.
6. ആൽക്കഹോൾ കഴിക്കുന്നത് പരിമിതപ്പെടുത്തുക, കാരണം മദ്യം ഉയർന്ന കലോറി ഉള്ളതിനാൽ ശരീരഭാരം വർദ്ധിപ്പിക്കുന്നു.
7. പുകവലി ഉപേക്ഷിക്കൂക.
മുന്തിരി വിത്ത് സത്ത്, ബ്ലൂബെറി, ബ്ലാക്ക്‌ബെറി, റാസ്‌ബെറി എന്നിവ ഹൃദയത്തെ സംരക്ഷിക്കുന്നതിനുള്ള മറ്റ് സപ്ലിമെന്റുകളാണെന്നും പോഷകാഹാര വിദഗ്ധർ കൂട്ടിച്ചേർത്തു.
ബന്ധപ്പെട്ട വാർത്തകൾ: ആർത്തവസമയത്തു കഴിക്കാൻ അനുയോജ്യമായ ഭക്ഷണങ്ങളെക്കുറിച്ചറിയാം...