കൊവിഡ്-19, പന്നിപ്പനി (H1N1) പോലെയുള്ള ശ്വസന വൈറസുകളുടെ സംയോജനമാണ് H3N2, അതാണ് ഈ അണുബാധ വർദ്ധിക്കുന്നതിലേക്ക് നയിച്ചത് എന്ന് ആരോഗ്യ വിദഗ്ദ്ധർ പറയുന്നു. കൂടാതെ, ഇൻഫ്ലുവൻസ ബി വൈറസുകളുടെ സീസണൽ വിക്ടോറിയ, യമഗത ലീനിയെജെസ് പ്രചാരത്തിലുണ്ടെന്ന് ഇന്ത്യൻ കൗൺസിൽ ഓഫ് മെഡിക്കൽ റിസർച്ചിൽ (ICMR) നിന്നുള്ള ഡാറ്റ സൂചിപ്പിക്കുന്നു.
H3 N2 വൈറസ് മൂലമുണ്ടാകുന്ന ഇൻഫ്ലുവൻസ കേസുകൾ ഇന്ത്യ വർധിക്കുന്ന സാഹചര്യത്തിൽ ആരോഗ്യപൂർണമായിരിക്കേണ്ടത് ഓരോരുത്തരുടെയും ഉത്തരവാദിത്തമാണ്. അണുബാധ പിടിപെടാതിരിക്കാൻ മാസ്ക് ഉപയോഗിക്കേണ്ടത് അനിവാര്യമാണ്, അതുപോലെ കൈകൾ ഇടവേളകളിൽ സാനിറ്റിസ് ചെയ്യേണ്ടതു പോലുള്ള മുൻകരുതൽ നടപടികൾ സ്വീകരിക്കാൻ ആരോഗ്യ വിദഗ്ധർ ജനങ്ങളോട് നിർദേശിച്ചു. IDSP-IHIP (Integrated Health Information Platform) യിൽ ലഭ്യമായ ഏറ്റവും പുതിയ ഡാറ്റ പ്രകാരം, H3N2 ഉൾപ്പെടെയുള്ള വിവിധ ഉപവിഭാഗങ്ങളിലുള്ള ഇൻഫ്ലുവൻസയുടെ 3,038 ലാബ് സ്ഥിരീകരിച്ച കേസുകൾ മാർച്ച് 9 വരെ രാജ്യത്തു റിപ്പോർട്ട് ചെയ്തിട്ടുണ്ട്.
ഈ വൈറസ് വായുവിലൂടെ പടരുന്നു, അതിനാൽ സ്രവങ്ങൾ ഒരു വ്യക്തിയിൽ നിന്ന് മറ്റൊരാളിലേക്ക് പടരുന്നു, മിക്ക ആളുകളും കൈകൾ കൊണ്ട് അവരുടെ മൂക്കിലും വായിലും സ്പർശിക്കുന്നു. മറ്റുള്ളവരുമായി കൈ കുലുക്കുമ്പോൾ (Shake-hand) സ്രവങ്ങൾ വിരലുകളിൽ തങ്ങി നിൽക്കാൻ സാധ്യതയുണ്ട്, ഇത് വഴി ഇൻഫ്ലുൻസ പടരാൻ സാധ്യതയുണ്ടെന്ന് ഇന്ത്യൻ മെഡിക്കൽ അസോസിയേഷന്റെ നാഷണൽ കോവിഡ് -19 ടാസ്‌ക് ഫോഴ്‌സിന്റെ കോ-ചെയർമാൻ ഡോ രാജീവ് ജയദേവൻ പറഞ്ഞു.
H3N2, H3N1 എന്നിവ രണ്ട് തരത്തിലുള്ള ഇൻഫ്ലുവൻസ A വൈറസുകളാണ്, ഇത് സാധാരണയായി ഫ്ലൂ എന്നറിയപ്പെടുന്നു.
ലക്ഷണങ്ങൾ:
നീണ്ടുനിൽക്കുന്ന പനി, ചുമ, മൂക്കൊലിപ്പ്, ശരീര വേദന എന്നിവ ഏറ്റവും സാധാരണമായ ചില ലക്ഷണങ്ങളിൽ ഉൾപ്പെടുന്നു. എന്നാൽ കഠിനമായ കേസുകളിൽ ആളുകൾക്ക് ശ്വാസതടസ്സം അനുഭവപ്പെടാം.
അണുബാധ പിടിപെടാതിരിക്കാനും, ഇതിന്റെ സാധ്യത കുറയ്ക്കുന്നതിനും സോപ്പ് അല്ലെങ്കിൽ സാനിറ്റൈസർ ഉപയോഗിച്ച് കൈ വൃത്തിയാക്കുക, പൊതുഗതാഗതം ഉപയോഗിച്ചതിന് ശേഷം, ഭക്ഷണം കഴിക്കുന്നതിന് മുമ്പോ കൈകൾ സാനിറ്റൈസ് ചെയ്യണമെന്ന് വിദഗ്ധർ നിർദ്ദേശിച്ചു.
ബന്ധപ്പെട്ട വാർത്തകൾ: ഉറങ്ങുന്നതിന് 3 മണിക്കൂർ മുമ്പ് മുറികളിൽ ലൈറ്റു കുറയ്ക്കുന്നത് ഗർഭകാല പ്രമേഹം വരാനുള്ള സാധ്യത കുറയ്ക്കും