കണ്ണിനു ചുറ്റുമുള്ള കറുത്ത നിറം മാറാൻ ബീറ്റ്‌റൂട്ട് ഗുണകരമോ?

ചർമ്മത്തിന് ഏറ്റവും ആവശ്യം വേണ്ട വിറ്റാമിൻ സി അടങ്ങിയിട്ടുള്ള മറ്റനവധി പോഷകങ്ങൾ അടങ്ങിയ പച്ചക്കറിയാണ് ബീറ്ററൂട്ട് എന്ന് എല്ലാവർക്കും അറിയാം. ആരോഗ്യത്തിനു മാത്രമല്ല ചർമ്മ സംരക്ഷണത്തിനും ബീറ്റ്റൂട്ട് ഏറെ ഗുണം ചെയ്യും.

ആന്റി ഓക്സിഡന്റുകള് ധാരാളം അടങ്ങിയിട്ടുള്ള ബീറ്റ്‌റൂട്ട് ,മുഖക്കുരു, മുഖത്തെ ചുളിവുകൾ, കറുത്ത പാടുകൾ.കരുവാളിപ്പ് എന്നിവ അകറ്റാനും ചർമ്മം തിളങ്ങാനും നിറം വയ്കാനും സഹായിക്കും.അതുപോലെ കണ്ണിനു ചുറ്റുമുള്ള കറുത്ത പാട് അകറ്റാനും ചുണ്ടുകളുടെ കറുത്ത നിറം കുറയ്ക്കുവാനും ബീറ്റ്‌റൂട്ട് സഹായകരമാണ്.

ചർമ്മ സംരക്ഷണത്തിനായി ബീറ്റ്‌റൂട്ട് എങ്ങനെയെല്ലാം ഉപയോഗിക്കാം

രണ്ടു ടീസ്പൂൺ ഓറഞ്ച് തൊലി പൊടിച്ചത്, ഒരു ടീസ്പൂൺ ബീറ്ററൂട് ജ്യൂസ് എന്നിവ മിക്സ് ചെയ്ത് മുഖത്തിടുക. 15 മിനിറ്റ് കഴിഞ്ഞു മുഖം ചെറു ചൂട് വെള്ളത്തിൽ കഴുകുക. ആഴ്ചയിൽ രണ്ടു ദിവസമെങ്കിലും ഇങ്ങനെ ചെയ്താൽ നിറം വർധിക്കും.

ബീറ്റ്‌റൂട്ട് ജ്യൂസിൽ തുല്യം അളവിൽ തേനും പാലും ചേർക്കുക. ഈ മിശ്രിതം കോട്ടൺ തുണിയിൽ മുക്കി കണ്ണിനു മുകളിൽ 10 മിനിട്ടു നേരം വയ്ക്കുക. സ്ഥിരമായി ഇത് ചെയ്താൽ കണ്ണിനു ചുറ്റുമുള്ള കറുത്ത നിറം കുറയും.

ഒരു ബീറ്റ്‌റൂട്ട് അരച്ചെടുത്ത് ഇതിലേക്ക് ഒരു ടീസ്പൂൺ തൈര് , കുറച്ച് ആല്മണ്ട് ഓയിൽ എന്നിവ ചേർക്കുക.പിന്നീട് ഈ മിക്സ് മുഖത്തു പുരട്ടാം. 20 മിനിട്ടിനു ശേഷം തണുത്ത വെള്ളത്തിൽ കഴുകുക. മുഖത്തെ ചുളിവുകൾ മാറാനും ചർമ്മത്തിന്റെ തിളക്കത്തിനും ഇത് സഹായിക്കും.

ചെറിയ ബീറ്റ്‌റൂട്ട് കഷണങ്ങൾ ഫ്രിഡ്ജിൽ വയ്ക്കുക. നന്നായി തണുത്തു കഴിഞ്ഞാൽ ഈ കഷ്ണം ചുണ്ടിൽ ഉരസുക. ചുണ്ടിന് നിറം വയ്ക്കും.