വേനൽക്കാലത്ത് ജലാംശവും ഊർജ്ജസ്വലതയും നിലനിർത്താൻ ലളിതവും ഉന്മേഷദായകവുമായ പാനീയങ്ങൾ കുടിക്കുന്നത് നല്ലതാണ്. വേനൽക്കാലത്ത് ശരീരത്തിലെ ഊർജനില വർധിപ്പിക്കാനുള്ള ഏറ്റവും പ്രധാനമായ ഒരു മാർഗ്ഗങ്ങളിൽ ഒന്നാണ് ഉന്മേഷദായകമായ പാനീയങ്ങൾ കുടിക്കുക എന്നത്.
ശരീരത്തിൽ തണുപ്പും ജലാംശവും നിലനിർത്താൻ സഹായിക്കുന്ന ഉന്മേഷദായക പാനീയങ്ങൾ:
1. ഇളനീർ:
ഉയർന്ന അളവിൽ പൊട്ടാസ്യവും ഇലക്‌ട്രോലൈറ്റുകളും ഉള്ളതിനാൽ ഇളനീർ മറ്റുള്ള ഏറ്റവും ജലാംശം നൽകുന്ന പാനീയങ്ങളിൽ പ്രധാനപ്പെട്ട ഒന്നാണ്. ഇത് ശരീരത്തിന്റെ നഷ്ടപ്പെട്ട ദ്രാവകത്തെ നിറയ്ക്കുന്നതിന് സഹായിക്കുന്നു, പ്രത്യേകിച്ച് ചൂട് കൂടിയ സമയങ്ങളിൽ. ഈ ഉന്മേഷദായകമായ പാനീയം സ്വാഭാവികമായും മധുരമുള്ളതും കലോറി കുറവുള്ളതുമാണ്. ശരീരത്തിന്റെ രോഗപ്രതിരോധ ശേഷി വർദ്ധിപ്പിക്കുന്നതിനും, അതോടൊപ്പം ശരീരത്തിന് വേണ്ട അവശ്യ വിറ്റാമിനുകളും ധാതുക്കളും അടങ്ങിയതുമാണ് ഇളനീർ.
2. നാരങ്ങാവെള്ളം:
നാരങ്ങാവെള്ളം എക്കാലത്തും അറിയപ്പെടുന്ന ഒരു ഒരു ക്ലാസിക് വേനൽക്കാല പാനീയമാണ്. ഇത് അവിശ്വസനീയമാംവിധം ഉന്മേഷദായകവും ജലാംശം നൽകുന്നു. അതോടൊപ്പം വിറ്റാമിൻ സി നിറഞ്ഞതും കൂടിയാണ്. സിട്രസ് പഴങ്ങൾ വിയർപ്പിൽ നഷ്‌ടപ്പെടുന്ന ദ്രാവകങ്ങൾ നിറയ്ക്കാൻ സഹായിക്കുന്നതിന് പേരുകേട്ടതാണ്. ഒരു അധിക ഫ്ലേവർ ബൂസ്റ്റിനായി പുതിന പോലുള്ള ഇല ചേർത്ത് കഴിക്കാവുന്നതാണ്.
3. തണ്ണിമത്തൻ ജ്യൂസ്:
ജലാംശം നൽകുന്ന മറ്റൊരു പഴമാണ് തണ്ണിമത്തൻ, ഇത് ചൂടിനെ മറികടക്കാൻ വളരെ അനുയോജ്യമാണ്. തണ്ണിമത്തൻ ജ്യൂസ് കുറഞ്ഞ കലോറിയും ആന്റിഓക്‌സിഡന്റുകൾ, വിറ്റാമിനുകൾ, ധാതുക്കൾ എന്നിവയുടെ സമ്പന്നമായ ഒരു പഴമാണ്. ഇത് ശരീരത്തെ തണുപ്പിക്കാനും ശാന്തമായി നിലനിർത്താൻ സഹായിക്കുന്ന ജലാംശത്തിന്റെ മികച്ച ഉറവിടമാണ്.
4. ഐസ്ഡ് ഗ്രീൻ ടീ:
ഗ്രീൻ ടീ അതിന്റെ ആരോഗ്യ ഗുണങ്ങൾക്ക് വളരെ പേരുകേട്ടതാണ്, എന്നാൽ ഐസ്ഡ് ഗ്രീൻ ടീ വേനൽക്കാലത്ത് കുടിക്കാൻ അത്യുത്തമമാണ്, കാരണം അതിൽ കലോറിയും കുറവാണ്, ഒപ്പം ഉയർന്ന ജലാംശവും അടങ്ങിയിട്ടുണ്ട്. ഇത് ആന്റിഓക്‌സിഡന്റുകളാൽ സമ്പന്നമാണ്, കൂടാതെ ഇത് കുടിക്കുന്നത് പ്രകൃതിദത്തമായ ഊർജ്ജം വർദ്ധിപ്പിക്കുകയും ചെയ്യുന്നു.
5. ഐസ്ഡ് ജിൻജർ ലെമൺ ടീ:
ചൂടുകാലത്ത് കുടിക്കാൻ പറ്റിയ മറ്റൊരു മികച്ച പാനീയമാണ് ഐസ് ജിൻജർ ലെമൺ ടീയും. ഇഞ്ചി അതിന്റെ ആൻറി-ഇൻഫ്ലമേറ്ററി ഗുണങ്ങൾക്ക് പേരുകേട്ടതാണ് കൂടാതെ ശരീരത്തെ ചൂടിനോട് നന്നായി പ്രതികരിക്കാൻ ഇത് സഹായിക്കുന്നു. ചെറുനാരങ്ങയാകട്ടെ വിറ്റാമിൻ സിയാൽ സമ്പുഷ്ടമായതിനാൽ ശരീരത്തിലെ ജലാംശം നിലനിർത്താൻ സഹായിക്കുന്നു.
6. കുക്കുമ്പർ ചേർത്ത വെള്ളം:
ശരീരത്തിൽ ജലാംശം നൽകുന്നതിനുള്ള മറ്റൊരു മികച്ച ഓപ്ഷനാണ് ഇൻഫ്യൂസ്ഡ് വാട്ടർ. കുക്കുമ്പർ, പുതിന, നാരങ്ങ എന്നിവ ചേർത്ത വെള്ളം ചൂടിനെ തോൽപ്പിക്കാൻ അത്യുത്തമമാണ്. കുക്കുമ്പർ ജലത്താൽ സമ്പുഷ്ടമായതിനാൽ ഇത് ശരീരത്തെ തണുപ്പിക്കാൻ സഹായിക്കുന്നു. പുതിനയും അവയുടെ തണുപ്പിക്കൽ ഗുണങ്ങൾക്ക് പേരുകേട്ടതാണ്, അതേസമയം നാരങ്ങ ആവശ്യമുള്ള രുചികരമായ രുചിയും വിറ്റാമിൻ സിയും നൽകുന്നു.
ബന്ധപ്പെട്ട വാർത്തകൾ: ഒരുമിച്ച് കഴിച്ചാൽ ദഹനപ്രശ്നങ്ങൾ ഉണ്ടാക്കുന്ന ചില ഭക്ഷണങ്ങളെക്കുറിച്ചറിയാം...
Pic Courtesy: Pexels.com