ആരോഗ്യകരമായ ആന്റിഓക്‌സിഡന്റുകളാലും ബയോ ആക്റ്റീവ് സസ്യ സംയുക്തങ്ങളാലും വളരെ സമ്പന്നമാണ് മുരിങ്ങ ഇല. ധാരാളം വിറ്റാമിനുകളുടെയും ധാതുക്കളുടെയും മികച്ച ഉറവിടമാണ് മുരിങ്ങയില. ഇലകളുമായി താരതമ്യപ്പെടുത്തുമ്പോൾ കായ്കളിൽ വിറ്റാമിനുകളും ധാതുക്കളും കുറവാണ്. എന്നിരുന്നാലും, അവയിൽ വിറ്റാമിൻ സി അസാധാരണമാംവിധം സമ്പുഷ്ടമാണ്. മുരിങ്ങയില പല അവശ്യ പോഷകങ്ങളുടെയും ഒരു പ്രധാന ഉറവിടമാണ്. മുരിങ്ങയിലയ്ക്ക് ഒരു പോരായ്മയുണ്ട്. മുരിങ്ങയിലയിൽ ഉയർന്ന തോതിലുള്ള ആന്റിന്യൂട്രിയന്റുകളും അടങ്ങിയിരിക്കുന്നതിനാൽ, ഇത് ധാതുക്കളും പ്രോട്ടീനും ആഗിരണം ചെയ്യുന്നത് കുറയ്ക്കുന്നു.
മുരിങ്ങ ആന്റിഓക്‌സിഡന്റുകളാൽ സമ്പുഷ്ടമാണ്
ശരീരത്തിലെ ഫ്രീ റാഡിക്കലുകൾക്കെതിരെ പ്രവർത്തിക്കുന്ന സംയുക്തങ്ങളാണ് ആന്റിഓക്‌സിഡന്റുകൾ. ഉയർന്ന അളവിലുള്ള ഫ്രീ റാഡിക്കലുകൾ ഓക്സിഡേറ്റീവ് സമ്മർദ്ദത്തിന് കാരണമാവുന്നു. ഇത് ഹൃദ്രോഗം, ടൈപ്പ് 2 പ്രമേഹം തുടങ്ങിയ വിട്ടുമാറാത്ത രോഗങ്ങളുമായി ബന്ധപ്പെട്ടിരിക്കുന്നു. വിറ്റാമിൻ സി, ബീറ്റാ കരോട്ടിൻ എന്നിവയ്‌ക്ക് പുറമേ മുരിങ്ങ ഇലകളിൽ നിരവധി ആന്റിഓക്‌സിഡന്റ് സസ്യ സംയുക്തങ്ങൾ കണ്ടെത്തിയിട്ടുണ്ട്. Quercetin എന്നറിയപ്പെടുന്ന ശക്തമായ ആന്റിഓക്‌സിഡന്റ് രക്തസമ്മർദ്ദം കുറയ്ക്കാൻ സഹായിക്കുന്നു. ക്ലോറോജെനിക് ആസിഡ്, ഭക്ഷണത്തിന് ശേഷം രക്തത്തിലെ പഞ്ചസാരയുടെ അളവ് കുറയ്ക്കാൻ സഹായിക്കുന്നു. മൂന്ന് മാസത്തേക്ക് ദിവസവും 1.5 ടീസ്പൂൺ വീതം അതായത് 7 ഗ്രാം മുരിങ്ങയിലപ്പൊടി കഴിക്കുന്നത് രക്തത്തിലെ ആന്റിഓക്‌സിഡന്റുകളുടെ അളവ് ഗണ്യമായി വർദ്ധിപ്പിക്കുമെന്ന് പഠനങ്ങൾ സൂചിപ്പിക്കുന്നു. ഇത് രക്തത്തിലെ ആന്റിഓക്‌സിഡന്റുകളുടെ അളവ് ഗണ്യമായി വർദ്ധിപ്പിക്കുന്നതിന് കാരണമാവുന്നു. മുരിങ്ങയിലയുടെ സത്ത്, ഭക്ഷ്യ സംരക്ഷണ വസ്തുവായും ഉപയോഗിച്ചു വരുന്നു. ഇത് ഓക്സീകരണം നടക്കുന്നത് കുറയ്ക്കുന്നതിലൂടെ, മാംസത്തിന്റെ ഷെൽഫ് ലൈഫ് വർദ്ധിപ്പിക്കുന്നു.
മുരിങ്ങ കഴിക്കുന്നത് രക്തത്തിലെ പഞ്ചസാരയുടെ അളവ് കുറയ്ക്കും:
രക്തത്തിലെ ഉയർന്ന പഞ്ചസാര ഗുരുതരമായ ആരോഗ്യപ്രശ്നങ്ങൾ ഉണ്ടാക്കുന്നു, വാസ്തവത്തിൽ, ഇത് പ്രമേഹത്തിന്റെ പ്രധാന ലക്ഷണമാണ്. കാലക്രമേണ രക്തത്തിലെ ഉയർന്ന പഞ്ചസാരയുടെ അളവ് ഹൃദ്രോഗം ഉൾപ്പെടെയുള്ള ഗുരുതരമായ ആരോഗ്യപ്രശ്നങ്ങളുടെ അപകടസാധ്യത വർദ്ധിപ്പിക്കുന്നു. രക്തത്തിലെ പഞ്ചസാരയുടെ അളവ് കുറയ്ക്കാൻ മുരിങ്ങ സഹായിക്കുമെന്ന് പഠനങ്ങൾ തെളിയിച്ചിട്ടുണ്ട്. ഭക്ഷണത്തിൽ 50 ഗ്രാം മുരിങ്ങയില ചേർക്കുന്നത് രക്തത്തിലെ പഞ്ചസാരയുടെ വർദ്ധനവ് 21% കുറയ്ക്കുന്നു. ഐസോത്തിയോസയനേറ്റുകൾ പോലുള്ള സസ്യ സംയുക്തങ്ങൾ മൂലമാണ് ഈ ഫലങ്ങൾ ഉണ്ടാകുന്നതെന്ന് വിദഗ്ദ്ധർ അഭിപ്രായപ്പെടുന്നു. മുരിങ്ങ ഇല കഴിക്കുന്നത് വീക്കം കുറയ്ക്കാൻ സഹായിക്കും, ഇത് ശരീരത്തിൽ അണുബാധ, പരിക്കുകൾ എന്നിവ സംഭവിക്കുമ്പോൾ അനുഭപ്പെടുമ്പോൾ ഉള്ള ശരീരത്തിന്റെ സ്വാഭാവിക പ്രതികരണമാണ് വീക്കമായി കാണപ്പെടുന്നത്. ഇത് ശരീരത്തിന്റെ ഒരു സംരക്ഷണ സംവിധാനമാണ്, ഇത് വളരെക്കാലം തുടർന്നാൽ ഒരു പ്രധാന ആരോഗ്യപ്രശ്നമായി മാറുന്നു. വാസ്തവത്തിൽ, ഹൃദ്രോഗം, ക്യാൻസർ എന്നിവയുൾപ്പെടെയുള്ള പല വിട്ടുമാറാത്ത ആരോഗ്യപ്രശ്നങ്ങളുമായി വീക്കം ബന്ധപ്പെട്ടിരിക്കുന്നു.
ബന്ധപ്പെട്ട വാർത്തകൾ: നെയ്യോ വെണ്ണയോ? ഏതാണ് ആരോഗ്യത്തിനു നല്ലത്!
Pic Courtesy: Pexels.com