ഏഴടി നീളമുള്ള കാച്ചിൽ. തൂക്കം നൂറ് കിലോയോളം വരും. വിശ്വസിക്കാൻ പ്രയാസമുണ്ടവാം. എന്നാൽ കാര്‍ഷിക മേഖലയില്‍ അദ്‌ഭുതങ്ങൾ സൃഷ്ടിക്കുന്ന റാന്നി പുല്ലൂപ്രം കടയ്‌ക്കേത്തിൽ റെജി ജോസഫിന്റെ ഈ വർഷത്തെ വിളവെടുപ്പിലാണീ കൂറ്റൻ കാച്ചിൽ കിട്ടിയത് .10 അടിയോളം താഴ്ചയില്‍ കാച്ചിലിന് ചുറ്റും കുഴിയെടുത്താണ് കാച്ചില്‍ പിഴുതെടുത്തത്.റെജി വിളയിച്ചെടുത്ത കാര്‍ഷിക ഉല്‍പ്പന്നങ്ങളുടെ പട്ടിക വേറെയുണ്ട് .ഒരു മൂട്ടില്‍ നിന്ന് 130 കിലോ കപ്പ, 28 ഇഞ്ച് നീളമുള്ള വെണ്ടക്ക, 7.8 അടി നീളമുള്ള ചേമ്ബ്.50 കിലോയോളം തൂക്കമുള്ള കാന്താരി പടപ്പന്‍ കപ്പയാണ് റെജി അവസാനം വിളയിച്ചത്.
ഏഴ് പേര്‍ ചേര്‍ന്നാണ് മണ്ണിനടിയില്‍ നിന്നും ഇത് ഉയര്‍ത്തിയെടുത്തത്. 50 കിലോയോളം തൂക്കമുള്ള ആഫ്രിക്കന്‍ കാച്ചിലും അടുത്തിടെ റെജി വിളയിച്ചു. പൂവന്മല എല്‍പി സ്‌കൂളിനു പിന്നിലായി ഭൂമി പാട്ടത്തിനെടുത്താണ് അദ്ദേഹം കൃഷി ചെയ്യുന്നത്. റെജി വിളയിച്ച വെണ്ടക്കയും ചേമ്ബും ലിംക ബുക്ക് ഓഫ് റെക്കോര്‍ഡ്‌സില്‍ ഇടം പിടിച്ചു.കാര്‍ഷിക പ്രദര്‍ശനങ്ങളില്‍ സജീവ സാന്നിധ്യമാണ് റെജി. നീല ക്കാച്ചില്‍, ആദിവാസികള്‍ കൃഷി ചെയ്യുന്ന പെരുവലത്തില്‍ കാച്ചില്‍, ചേന, ചേമ്ബ്, കപ്പ, വാഴ, ഇഞ്ചി, മഞ്ഞള്‍ എന്നിവയെല്ലാം റെജിയുടെ കൃഷിയിടത്തിലുണ്ട്.