നിങ്ങൾ ഒരു പുതിയ സ്ഥലത്തേക്ക് മാറിയിട്ടുണ്ടോ, നിങ്ങളുടെ ആധാർ കാർഡിലെ വിലാസം മാറ്റിയില്ലേ? ആധാർ കാർഡുമായി ബന്ധപ്പെട്ട സേവനങ്ങൾ നൽകുകയും കൈകാര്യം ചെയ്യുകയും ചെയ്യുന്ന യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (യുഐഡിഎഐ) കുറച്ച് ലളിതമായ ഘട്ടങ്ങളിലൂടെ ആധാർ കാർഡിലെ വിലാസം അപ്ഡേറ്റ് ചെയ്യാൻ കാർഡ് ഉടമകളെ അനുവദിക്കുന്നതിനാൽ വിലാസം മാറ്റുന്നതിലെ ബുദ്ധിമുട്ടുകളെ കുറിച് വിഷമിക്കേണ്ടതില്ല.
രേഖ സാധുതയുള്ള ഐഡി പ്രൂഫായതിനാലും വിലാസ തെളിവായും കണക്കാക്കുന്നതിനാൽ, ഇന്നത്തെ കാലത്ത് ആധാർ കാർഡ് ഒരു പ്രധാന രേഖയായി മാറിയിരിക്കുന്നു. നിരവധി സർക്കാർ ഉടമസ്ഥതയിലുള്ളതും സ്വകാര്യവുമായ ഏജൻസികൾ വാഗ്ദാനം ചെയ്യുന്ന സേവനം ലഭിക്കുന്നതിന് കാർഡ് ഉടമകൾ അവരുടെ ആധാർ കാർഡുകൾ അപ്ഡേറ്റ് ചെയ്യേണ്ടതുണ്ട്.
പാൻ-ആധാർ കാർഡ് ലിങ്കിംഗ്: മാർച്ച് 31 വരെ സമയപരിധി, ശേഷം 10,000 രൂപ പിഴ; എങ്ങനെ ബന്ധിപ്പിക്കാം
ആധാർ കാർഡിലെ ഫോൺ നമ്പറുകൾ, പേര്, ജനനത്തീയതി, വിലാസം എന്നിവ അപ്ഡേറ്റ് ചെയ്യാനും കാർഡ് ഉടമകളെ UIDAI അനുവദിക്കുന്നു. ഇവിടെ സൂചിപ്പിച്ചിരിക്കുന്ന ഘട്ടങ്ങൾ പിന്തുടർന്ന് നിങ്ങൾക്ക് ആധാർ കാർഡിലെ വിലാസം എങ്ങനെ മാറ്റാമെന്നത് ഇതാ:
ഘട്ടം 1: ആദ്യം, നിങ്ങൾ യുഐഡിഎഐ വെബ്സൈറ്റ് http://uidai.gov.in/ സന്ദർശിക്കേണ്ടതുണ്ട്.
ഘട്ടം 2: UIDAI വെബ്‌സൈറ്റിന്റെ മുകളിൽ ഇടത് കോണിലുള്ള ഡ്രോപ്പ്-ഡൗൺ മെനുവിൽ നിന്ന് 'എന്റെ ആധാർ' എന്നതിലേക്ക് പോകുക.
ഘട്ടം 3: പുതിയ പേജിൽ, ഡ്രോപ്പ്-ഡൗൺ മെനുവിൽ നിന്നുള്ള 'ഡെമോഗ്രാഫിക്സ് ഡാറ്റ ഓൺലൈനായി അപ്ഡേറ്റ് ചെയ്യുക' ഓപ്ഷനിൽ ക്ലിക്ക് ചെയ്യുക.
ഘട്ടം 4: 'ആധാർ അപ്ഡേറ്റ് ചെയ്യാൻ തുടരുക' ഓപ്ഷൻ തിരഞ്ഞെടുക്കുക.
ഘട്ടം 5: ഇപ്പോൾ, നൽകിയിരിക്കുന്ന ഫീൽഡുകളിൽ ആധാർ നമ്പർ പോലുള്ള ആവശ്യമായ വിവരങ്ങൾ നൽകുക.
ഘട്ടം 6: ക്യാപ്‌ച ചലഞ്ച് പൂർത്തിയാക്കുക.
ഘട്ടം 7: നിങ്ങളുടെ വിശദാംശങ്ങൾ പരിശോധിക്കുക. രജിസ്റ്റർ ചെയ്ത മൊബൈൽ നമ്പറിലേക്ക് ഒടിപി ലഭിക്കും.
ഘട്ടം 8: ആറക്ക OTP നൽകി 'സമർപ്പിക്കുക' ക്ലിക്ക് ചെയ്യുക.
ഘട്ടം 9: ഡെമോഗ്രാഫിക് ഡാറ്റ ഓപ്ഷനിലേക്ക് പോയി വിലാസം പരിഷ്‌ക്കരിക്കുന്നതിന് വിലാസം തെളിയിക്കുന്ന ഡോക്യുമെന്റുകളുടെ സ്കാൻ ചെയ്ത കളർ കോപ്പികൾ അപ്‌ലോഡ് ചെയ്യുക.
ഘട്ടം 10: 'സമർപ്പിക്കുക' ഓപ്ഷൻ തിരഞ്ഞെടുക്കുക.
ഘട്ടം 11: നിങ്ങൾക്ക് ഒരു URN അഭ്യർത്ഥന നമ്പർ ലഭിക്കും, അത് ഉപയോഗിച്ച് നിങ്ങൾക്ക് അപ്‌ഡേറ്റിന്റെ നില പരിശോധിക്കാവുന്നതാണ്.