ഇന്ത്യൻ ബാങ്കുകളിൽ മുൻ നിരയിലുള്ള ബാങ്കുകളിൽ ഒന്നാണ് ഐസിഐസിഐ. എന്നാൽ ഇപ്പോൾ ബാങ്ക് ഉപഭോക്താക്കൾക്ക് തിരിച്ചടിയായേക്കാവുന്ന, സ്വകാര്യ വായ്പാ ദാതാവ് ക്രെഡിറ്റ് കാർഡ് ചാർജുകളിൽ പരിഷ്കരണം പ്രഖ്യാപിച്ചു. ഫെബ്രുവരി 10 മുതൽ ഫീസ് പരിഷ്കരണം നിലവിൽ വരും.
എല്ലാ കാർഡുകളിലെയും ക്യാഷ് അഡ്വാൻസുകൾക്ക് ഉപഭോക്താക്കൾ കുറഞ്ഞത് 500 രൂപയ്ക്ക് വിധേയമായി 2.50% ഇടപാട് ഫീസ് അടയ്‌ക്കേണ്ടിവരുമെന്ന് ഐസിഐസിഐ ബാങ്ക് അറിയിച്ചു. അതേസമയം, ചെക്കുകൾ തിരികെ നൽകുന്നതിനും ഓട്ടോ ഡെബിറ്റ് ചെയ്യുന്നതിനുമുള്ള നിരക്ക് കുറഞ്ഞത് 500 രൂപയ്ക്ക് വിധേയമായി മൊത്തം കുടിശ്ശിക തുകയുടെ 2% ആയി സ്വകാര്യ നിശ്ചയിച്ചിട്ടുണ്ട്.
ICICI ബാങ്കിൻറെ കിസാൻ ക്രെഡിറ്റ് കാർഡ് കുറഞ്ഞ പലിശ നിരക്കിൽ
അതേസമയം, ഐസിഐസിഐ എമറാൾഡ് കാർഡ് ഒഴികെയുള്ള എല്ലാ കാർഡുകളുടെയും കുടിശ്ശിക വൈകി അടയ്ക്കുന്നതിനുള്ള ഫീസും ബാങ്ക് പുതുക്കി. പുതുക്കിയ ഫീസ് ഇതാ:
കുടിശ്ശിക തുക 100 രൂപയിൽ താഴെ - ചാർജ് ഇല്ല.
100 മുതൽ 500 രൂപ വരെ - 100 രൂപ കുടിശ്ശിക ഫീസ്..
കുടിശ്ശിക തുക 501 രൂപ മുതൽ 5000 രൂപ വരെ - 500 രൂപ കുടിശ്ശിക ഫീസ്..
5001 രൂപ - 10,000 രൂപ - 750 രൂപ കുടിശ്ശിക ഫീസ്..
10,001 രൂപ മുതൽ 25,000 രൂപ വരെ - 900 രൂപ കുടിശ്ശിക ഫീസ്..
25,011 - 50,000 - 1000 രൂപ കുടിശ്ശിക ഫീസ്..
കുടിശ്ശിക തുക 50,000 രൂപ - 1200 രൂപ കുടിശ്ശിക ഫീസ്.
ക്രെഡിറ്റ് കാർഡ് കുടിശ്ശിക അടയ്ക്കാൻ വൈകിയ സാഹചര്യത്തിൽ ഉപഭോക്താക്കൾക്ക് 50 രൂപയും ജിഎസ്ടിയും നൽകേണ്ടിവരും.
ഐസിഐസിഐ ബാങ്ക് 2022 ജനുവരി 1 മുതൽ ഐസിഐസിഐ ബാങ്ക് സേവിംഗ്‌സ് അക്കൗണ്ടുകളുടെ സേവന നിരക്കും അടുത്തിടെ പരിഷ്‌കരിച്ചിട്ടുണ്ട്.