ജനകീയാസൂത്രണ പദ്ധതിയില്‍ ഉള്‍പ്പെടുത്തി മാനന്തവാടി ബ്ലോക്ക് ക്ഷീരവികസന ഓഫീസ് മുഖേന നടപ്പിലാക്കുന്ന പാലിന് ഉത്പാദന ബോണസ് പദ്ധതിയുടെ തിരുനെല്ലി പഞ്ചായത്ത്തല ഉദ്ഘാടനം അപ്പപ്പാറ ക്ഷീരസംഘത്തില്‍ മാനന്തവാടി ബ്ലോക്ക് പഞ്ചായത്ത് പ്രസിഡണ്ട് ജസ്റ്റിന്‍ ബേബി നിര്‍വഹിച്ചു. തിരുനെല്ലി ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാന്റിങ് കമ്മിറ്റി ചെയര്‍മാന്‍ പി.എന്‍ ഹരീന്ദ്രന്‍ അധ്യക്ഷത വഹിച്ചു. ബ്ലോക്ക് ക്ഷീരവികസന ഓഫീസര്‍ വി.കെ നിഷാദ് പദ്ധതി വിശദീകരണം നടത്തി.
പദ്ധതിയുടെ ഭാഗമായി തിരുനെല്ലി പഞ്ചായത്ത് ക്ഷീരവികസന ഓഫിസ് മുഖേന 30 ലക്ഷം രൂപ ഈ സാമ്പത്തിക വര്‍ഷം കര്‍ഷകര്‍ക്ക് വിതരണം ചെയ്യും. ബ്ലോക്ക് പഞ്ചായത്ത് പരിധിയില്‍ 21 ക്ഷീരസംഘങ്ങളില്‍ പാലളക്കുന്ന 5000 കര്‍ഷകരുടെ ബാങ്ക് അകൗണ്ടിലേക്ക് ഇതുവരെ 62 ലക്ഷം രൂപ കൈമാറിയിട്ടുണ്ട്. ഏപ്രില്‍ മുതല്‍ ജൂലൈ വരെ ക്ഷീര സംഘങ്ങളില്‍ പാലളന്ന കര്‍ഷകര്‍ക്ക് ലിറ്ററിന് ഒരു രൂപ നിരക്കിലാണ് തുക കൈമാറിയത്.
പദ്ധതിയുടെ ഭാഗമായി തിരുനെല്ലി പഞ്ചായത്ത് ക്ഷീരവികസന ഓഫിസ് മുഖേന 30 ലക്ഷം രൂപ ഈ സാമ്പത്തിക വര്‍ഷം കര്‍ഷകര്‍ക്ക് വിതരണം ചെയ്യും. ബ്ലോക്ക് പഞ്ചായത്ത് പരിധിയില്‍ 21 ക്ഷീരസംഘങ്ങളില്‍ പാലളക്കുന്ന 5000 കര്‍ഷകരുടെ ബാങ്ക് അകൗണ്ടിലേക്ക് ഇതുവരെ 62 ലക്ഷം രൂപ കൈമാറിയിട്ടുണ്ട്. ഏപ്രില്‍ മുതല്‍ ജൂലൈ വരെ ക്ഷീര സംഘങ്ങളില്‍ പാലളന്ന കര്‍ഷകര്‍ക്ക് ലിറ്ററിന് ഒരു രൂപ നിരക്കിലാണ് തുക കൈമാറിയത്.