കേരളത്തിൽ ഇന്ന് ഒറ്റപ്പെട്ട ഇടങ്ങളിൽ മഴയ്ക്ക് സാധ്യതയുണ്ടെന്ന് കാലാവസ്ഥാ വകുപ്പിൻറെ റിപ്പോർട്ടുകൾ. ഇന്ന് തൊട്ട് ജനുവരി മൂന്നുവരെ കേരളത്തെ കൂടാതെ കർണാടക, തമിഴ്നാട് ജില്ലകളിലും മഴ പെയ്യാൻ സാധ്യതയുണ്ടെന്ന് റിപ്പോർട്ടുകൾ.
അടുത്ത 3 മണിക്കൂറിൽ കേരളത്തിൽ തിരുവനന്തപുരം, കൊല്ലം, പത്തനംതിട്ട എന്നീ ജില്ലകളിലെ ഒറ്റപ്പെട്ടയിടങ്ങളിൽ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
മത്സ്യത്തൊഴിലാളി ജാഗ്രതാ നിർദ്ദേശം
കേരള - കർണാടക - ലക്ഷദ്വീപ് തീരങ്ങളിൽ മത്സ്യബന്ധനത്തിന് തടസ്സമില്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു.
The Central Meteorological Department has forecast isolated showers in Thiruvananthapuram, Kollam and Pathanamthitta districts of Kerala for the next three hours.
പ്രത്യേക ജാഗ്രത നിർദ്ദേശം
01-01-2022 : കന്യാകുമാരി പ്രദേശങ്ങളിൽ മണിക്കൂറിൽ 35 മുതൽ 45 കി. മീ വരെ വേഗതയിൽ വീശിയടിച്ചേക്കാവുന്ന ശക്തമായ കാറ്റിന് സാധ്യത.
02-01-2022 മുതൽ 04-01-2022 വരെ: കന്യാകുമാരി പ്രദേശങ്ങളിൽ മണിക്കൂറിൽ 40 മുതൽ 50 കി. മീ വരെ വേഗതയിൽ വീശിയടിച്ചേക്കാവുന്ന ശക്തമായ കാറ്റിന് സാധ്യത.
മേൽ പറഞ്ഞ ദിവസങ്ങളിൽ പ്രസ്തുത പ്രദേശങ്ങളിൽ മത്സ്യബന്ധനത്തിന് പോകാൻ പാടുള്ളതല്ല.
ഗൾഫ് രാജ്യങ്ങളിൽ ഇന്നലെ അതിതീവ്രമായ മഴ ആണ് ലഭിച്ചത്. ഒമാനിൽ ഏറ്റവും കൂടുതൽ മഴ ലഭിച്ച ദിവസമാണ് കടന്നുപോയത്. തിങ്കളാഴ്ച മുതൽ ശക്തമായ കാറ്റിനും, ഇടിമിന്നലോടുകൂടിയ മഴയ്ക്കും യുഎഇ ഒമാൻ തുടങ്ങിയ സ്ഥലങ്ങളിൽ സാധ്യതയുണ്ട്. മഴ വർദ്ധിക്കുന്നതിനാൽ എല്ലാവരും ജാഗരൂകരായിരിക്കുക.