മുഖത്തെ രോമങ്ങൾ വരുന്നത് സാധാരണമാണ്, എന്നാൽ അസാധാരണമായ രോമവളർച്ച ശ്രദ്ധിക്കേണ്ടത് തന്നേയാണ്. ഹോർമോൺ മാറ്റങ്ങൾ കൊണ്ട് ഇത്തരത്തിലുള്ള പ്രശ്നങ്ങൾ ഉണ്ടായേക്കാം. മുഖത്തിലെ രോമങ്ങളെ ഇല്ലാതാക്കുന്നതിന് പല തരത്തിലുള്ള മാർഗങ്ങൾ ഉപയോഗിക്കാറുണ്ട്. ഷേവിംങ് അല്ലെങ്കിൽ വാക്സിംങ് എന്നിങ്ങനെയുള്ള കാര്യങ്ങൾ ഉപയോഗിക്കാവുന്നതാണ്. എന്നാൽ ഇതൊന്നും ഇല്ലാതെ തന്നെ പ്രകൃതിദത്ത ഉത്പ്പന്നങ്ങൾ ഉപയോഗിച്ച് കൊണ്ട് തന്നെ നിങ്ങളുടെ മുഖത്തിലെ അനാവശ്യ രോമങ്ങളെ ഇല്ലാതാക്കാവുന്നതാണ്.
മുഖത്തിലെ രോമങ്ങളെ ഇല്ലാതാക്കുന്നതിന് വേണ്ടി ചില വീട്ടുവൈദ്യങ്ങൾ!
തേനും പഞ്ചസാരയും
തേൻ ചർമ്മത്തിൽ ജലാംശം നിലനിർത്താൻ സഹായിക്കുമ്പോൾ, പഞ്ചസാര ചർമ്മത്തിലെ മൃതകോശങ്ങൾക്കും മുഖത്തെ രോമങ്ങൾക്കും ഒരു മികച്ച എക്സ്ഫോളിയൻ്റായി പ്രവർത്തിക്കുന്നു. തേനും പഞ്ചസാരയും ഫേസ് മാസ്ക് ഉണ്ടാക്കുന്നതിന് വേണ്ടി ഒരു പാത്രത്തിൽ ഒരു ടേബിൾ സ്പൂൺ തേൻ, രണ്ട് ടേബിൾസ്പൂൺ പഞ്ചസാര, ഒരു ടേബിൾ സ്പൂൺ വെള്ളം എന്നിവ കലർത്തുക. പഞ്ചസാര അലിയിക്കാൻ 30 സെക്കൻഡ് മൈക്രോവേവ് ചെയ്യുക. മുഖത്ത് രോമമുള്ള ഭാഗത്ത് പേസ്റ്റ് പുരട്ടുക, ഉണങ്ങിക്കഴിയുമ്പോൾ നീക്കം ചെയ്യാവുന്നതാണ്.
കോൺഫ്ലോർ മുട്ടയുടെ വെള്ളയും
മുട്ടയുടെ വെള്ള മുഖത്തെ രോമങ്ങളും ചർമ്മത്തിലെ മൃതകോശങ്ങളും നീക്കം ചെയ്യുന്നതിന് വേണ്ടി നന്നായി പ്രവർത്തിക്കുന്നു, ഒരു പാത്രത്തിൽ ഒരു മുട്ടയുടെ വെള്ള ഒരു ടേബിൾസ്പൂൺ പഞ്ചസാരയും കോൺഫ്ലോറും യോജിപ്പിക്കുക. ഇത് നിങ്ങളുടെ മുഖത്ത് പുരട്ടുക. മാസ്ക് ഉണങ്ങിയ ശേഷം, തൊലി കളയാവുന്നതാണ് ഇത് മുഖത്തിലെ അനാവശ്യരോമത്തെ ഇല്ലാതാക്കുന്നതിന് സഹായിക്കുന്നു.
ഓട്സ്, വാഴപ്പഴം
മുഖത്തെ രോമങ്ങളും നിർജ്ജീവമായ ചർമ്മകോശങ്ങളും നീക്കം ചെയ്യുന്നതിനുള്ള മികച്ച എക്സ്ഫോളിയേറ്റിംഗ് ഏജന്റായി ഓട്സ് പ്രവർത്തിക്കുന്നു, പഴുത്ത ഏത്തപ്പഴവും രണ്ട് ടേബിൾസ്പൂൺ ഓട്സ് ഒരു പാത്രത്തിൽ നന്നായി ഇളക്കി പേസ്റ്റ് രൂപത്തിലാക്കുക.
തുടർന്ന് വൃത്താകൃതിയിലുള്ള ചലനത്തിൽ മസാജ് ചെയ്യുക. 15 മുതൽ 20 മിനിറ്റ് വരെ ഇരിക്കാൻ അനുവദിച്ചതിന് ശേഷം വെള്ളം ഉപയോഗിച്ച് കഴുകിക്കളയുക.
പയർമാവും റോസ് വാട്ടറും
ഇടയ്ക്കിടെ ഉപയോഗിക്കുമ്പോൾ, പയർ മാവിന്റെ (Besan) എക്സ്ഫോളിയേറ്റിംഗ് ഗുണങ്ങളും റോസ് വാട്ടറിന്റെ ഗുണങ്ങളും രോമത്തിൻ്റെ വളർച്ചയെ മന്ദഗതിയിലാക്കുമെന്ന് പറയപ്പെടുന്നു. ബേസൻ മാവും റോസ് വാട്ടറും യോജിപ്പിച്ച് കുറച്ച് തുള്ളി നാരങ്ങ നീര് ചേർക്കുക. മുഖത്ത് പുരട്ടുന്നതിന് മുമ്പ് നന്നായി ഇളക്കുക. ഇത് ഉണങ്ങാൻ അനുവദിക്കുക, തുടർന്ന് നിങ്ങളുടെ വിരലുകൾ ഉപയോഗിച്ച് മുഖത്തെ രോമങ്ങൾ മൃദുവായി തടവുക.
പപ്പായയും മഞ്ഞളും
പപ്പായയിൽ പപ്പൈൻ എന്ന എൻസൈം ഉൾപ്പെടുന്നു, ഇത് മുഖത്തെ രോമങ്ങൾ നീക്കംചെയ്യാൻ സഹായിക്കുന്നു, കൂടാതെ മഞ്ഞൾ ചർമ്മത്തിന് ആരോഗ്യകരവും തിളക്കമുള്ളതുമായ തിളക്കം നൽകുന്നു. ഈ സ്‌ക്രബ് തയ്യാറാക്കാൻ, പപ്പായ അരിഞ്ഞത് പൾപ്പ് ആക്കുക. പേസ്റ്റിലേക്ക് അര ടീസ്പൂൺ മഞ്ഞൾ ചേർക്കുക. ഇത് മിക്‌സ് ചെയ്‌ത ശേഷം മുഖത്ത് പുരട്ടി അനാവശ്യ രോമവളർച്ച തടയുക.
ബന്ധപ്പെട്ട വാർത്തകൾ: ചർമ്മത്തിലെ ചൊറിച്ചിൽ ഇല്ലാതാക്കാൻ ചില വീട്ടുവൈദ്യങ്ങൾ