'വട്ടയില പന്തലിട്ട് പൊട്ടു തൊട്ട് ഞാനിരുന്നുപാലപ്പൂ തുമ്പികളോ കൂട്ടിരുന്നു' എന്ന പാട്ട് കേൾക്കാത്ത മലയാളികൾ ഇല്ല എന്ന് വേണം പറയാൻ എന്നാൽ ഇതിലെ വട്ടയെപ്പറ്റി നമുക്ക് എന്തറിയാം? പറമ്പുകളിൽ കാണപ്പെടുന്ന സാധാരണ മരം, അല്ലെങ്കിൽ എന്തെങ്കിലും ഉണ്ടാക്കാൻ അതിന്റെ തടി ഉപയോഗിക്കുന്നു അതിൽ കൂടുതൽ എന്തറിയാം അല്ലെ?
കുട്ടിക്കാലത്തു ഇതിന്റെ പശ എടുക്കുമായിരുന്നു നമ്മൾ,
കേരളത്തിലെ വനങ്ങളിലും ഗ്രാമപ്രദേശത്തെ തൊടികളിലും വ്യാപകമായി കാണപ്പെടുന്ന ഒരു വൃക്ഷ ഇനമാണ് വട്ട. Macaranga peltata എന്നാണ് ഇഗ്ലീഷിൽ പറയുന്നത്.
വട്ടയില പണ്ട് അടുക്കളയിൽ ഒക്കെ ചായയ്ക്ക് കൂട്ടുന്ന പലഹാരം വിളമ്പാൻ നമ്മൾ ഇത് ഉപയോഗിക്കുമായിരുന്നു. എന്നാൽ പിന്നീട് എപ്പോഴോ അതൊക്കെ നമ്മൾ മറന്നു. പണ്ട് നമ്മുടെ പറമ്പുകളിൽ സർവ സാധാരണമായി ഉണ്ടായിരുന്ന ആ മരം ഇപ്പോൾ കാണാൻ തന്നെ ഇല്ല.
വട്ടയിലയുടെ അത്ഭുത ഗുണങ്ങളെ പറ്റി നിങ്ങൾക്ക് അറിയാമോ? ഒരുപാട് ഔഷധ ഗുണങ്ങൾ ഉള്ള ഇലയാണ് വട്ടയില. ഇല മാത്രമല്ല അതിൻ്റെ തടി, വേര് എന്നിവയ്ക്കും ഗുണങ്ങൾ ഉണ്ട്.
ഒരു കാലത്ത് വട്ടയില ഭക്ഷണം വിളമ്പാനുള്ള പാത്രമായിരുന്നു. ഇങ്ങനെ കഴിക്കുന്നത് വഴി ഈ ഇലയിൽ അടങ്ങിയിട്ടുള്ള എല്ലാ ഔഷധ ഘടകങ്ങളും നമ്മുടെ ഭക്ഷണത്തിൽ അലിഞ്ഞ് അത് നമ്മൾ കഴിക്കുന്നു. അത് വഴി രോഗപ്രതിരോധ ശേഷി വർധിക്കുന്നതിന് സഹായിക്കുന്നു.
ഇതിൻ്റെ വേരുകൾ, പുറംതൊലി, ഇലകൾ എന്നിവ തെക്ക്-കിഴക്കൻ ഏഷ്യയിലെ പരമ്പരാഗത വൈദ്യശാസ്ത്രത്തിൽ സാധാരണയായി ഒരു കഷായം ആയോ അല്ലെങ്കിൽ, വയറുവേദന, ഛർദ്ദി, ഹീമോപ്റ്റിസിസ്, ചുമ, പനി എന്നിവ ചികിത്സിക്കാനോ ഉപയോഗിക്കുന്നു. ഇലകൾ, ചിലപ്പോൾ റെസിൻ, മുറിവുകൾ, അൾസർ, വ്രണങ്ങൾ, പരു എന്നിവയിൽ ബാഹ്യമായി പ്രയോഗിക്കുന്നു. കൂടാതെ പ്രസവാനന്തര കുളിയിലും ഉറുമ്പുകളെ അകറ്റുന്ന മരുന്നുമാണ്. ഇലകൾ നാഡീവ്യൂഹത്തെ പരിപോഷിപ്പിക്കുന്നു.
ഗർഭഛിദ്രത്തിനും, ചുമ ചികിത്സിക്കുന്നതിനും പുറംതൊലി ഗൊണോറിയ ചികിത്സിക്കുന്നതിനുള്ള കഷായമായും ഉപയോഗിക്കുന്നു. ചുമയ്‌ക്കെതിരായ ഒരു ശുദ്ധീകരണമായും, കൂടാതെ എഡിമയെ ചികിത്സിക്കാൻ വേരുകൾ തിളപ്പിച്ചും ഉപയോഗിക്കുന്നു.
ഇതിൻ്റെ മരം പലപ്പോഴും പല ആവശ്യങ്ങൾക്കും ഉപയോഗിക്കാറുണ്ട്, പ്രത്യേകിച്ച് തറയുമായി സമ്പർക്കം പുലർത്താത്ത വീടുകളുടെ ഭാഗങ്ങളിൽ, ഉദാ. ലൈറ്റ് ഫ്രെയിമിംഗ്, ഇന്റീരിയർ ട്രിം, മോൾഡിംഗ്, ഷിംഗിൾസ്, പാക്കിംഗ് കേസുകൾ എന്നിവ ചെയ്യുന്നതിന്. ഇത് നല്ല ഇന്ധനം നൽകുന്ന ഒന്ന് കൂടിയാണ് ഇതിൻ്റെ തടി.
പല വട്ടകളുടെ ഇനങ്ങളുടെ പുറംതൊലിൽ പശയായി ഉപയോഗിക്കാവുന്ന ഒരു റെസിൻ അല്ലെങ്കിൽ ഗം ഉത്പാദിപ്പിക്കുന്നു. ചില ഇനങ്ങളുടെ പുറംതൊലി മത്സ്യബന്ധന വലകൾ ടാനുചെയ്യുന്നതിന് നല്ലതാണ്. പല ഇനങ്ങളിലും കാണപ്പെടുന്ന വലിയ ഇലകൾ ഭക്ഷണം പൊതിയാൻ പഴമക്കാർ സാധാരണയായി ഉപയോഗിച്ചിരുന്നു.
മാത്രമല്ല ഇത് ജൈവ വളത്തിന് ഉത്തമമാണ്. പെട്ടെന്ന് മണ്ണിൽ അലിഞ്ഞ് ചേരുന്നത് കൊണ്ടാണ് എല്ലാവരും ഇത് ഉപയോഗിക്കുന്നത്. ഒരു പരിചരണവും കൂടാതെ എവിടെയും ഏതു കാലാവസ്ഥയിലും വളരുമെന്ന സവിശേഷതയും വട്ടയ്ക്ക് സ്വന്തമാണ്.
ബന്ധപ്പെട്ട വാർത്തകൾ : നിരവധി ആരോഗ്യ ഗുണങ്ങൾ അടങ്ങിയ 'നെല്ലിക്ക'