അഴകേകാൻ ഹെലിക്കോണിയയും സിങ്കോണിയവും, ആരാമം ഇനി ചെലവ് കുറഞ്ഞ രീതിയിൽ ചെയ്യാം

സിങ്കോണിയം

അലങ്കാരച്ചെടി ഇനത്തിൽ ഏറ്റവും കൂടുതൽ ഡിമാൻഡ് ഉള്ളതാണ് സിങ്കോണിയം. ഇളം മഞ്ഞ, പിങ്ക്, വെള്ള നിറങ്ങളിൽ ഇലകളോടുകൂടിയ ഇനമാണ് ഏറ്റവും കൂടുതൽ വിപണിയിൽ മൂല്യം ഉള്ളത്. പ്ലാന്റർ ബോക്സിലും മരത്തണലിലും വെർട്ടിക്കൽ ഗാർഡൻ തയ്യാറാക്കാനും ഇത് ധാരാളമായി ഉപയോഗിക്കുന്നു.

നെറ്റ് പോർട്ടിൽ കിട്ടുന്ന തൈകൾ ആറിഞ്ച് വലിപ്പമുള്ള പോളി ബാഗിലേക്ക് മാറ്റി നിങ്ങളുടെ ആവശ്യാനുസരണം വലിപ്പം ഉള്ളതാക്കി മാറ്റുവാൻ സാധിക്കുന്നു. ഇതിന് പോട്ടിങ് മിശ്രിതം തയ്യാറാക്കുമ്പോൾ ചകിരിച്ചോറ്, പെർലൈറ്റ് കലർത്തി ശേഷം മണ്ണിര കമ്പോസ്റ്റ് ഉപയോഗിച്ച് തയ്യാറാക്കാം. പാതി തണൽ കിട്ടുന്ന ഇടം ഇത് നട്ടുവളർത്താൻ തെരഞ്ഞെടുക്കുന്നതാണ് ഉത്തമം.

ചെടിയുടെ വളർച്ച വേഗത്തിലാക്കാൻ ആഴ്ചയിലൊരിക്കൽ 2ഗ്രാം എം പി കെ 19:19:19 ഒരു ലിറ്റർ വെള്ളത്തിൽ ലയിപ്പിച്ച് നൽകാം. രോഗം വരാതിരിക്കാൻ കുമിൾനാശിനി രണ്ടാഴ്ചയിലൊരിക്കൽ തളിച്ച് കൊടുത്താൽ മതി. നാലുമാസം കൂടുമ്പോൾ ഇലകൾ വളർന്ന തിങ്ങി നിറഞ്ഞാൽ വിപണനം ചെയ്യാൻ സാധിക്കുകയും ചെയ്യും.

ഹെലിക്കോണിയ

സിങ്കോണിയം പോലെ ഏറ്റവും കൂടുതൽ വിപണിയിൽ ഉദ്യാനം ഒരുക്കാൻ കൊണ്ടുപോകുന്ന മറ്റൊരു ഇനമാണ് ഹെലിക്കോണിയ. ചുവന്ന പൂക്കളായി അധികം ഉയരത്തിൽ വളരാത്ത ഈ സസ്യം ചെറിയ വിലക്കുറവിൽ ഇന്ന് വിപണിയിൽ ലഭ്യമാണ്. വെട്ടു പൂക്കളുടെ ആവശ്യത്തിനായി നിരവധി പേർ ഇത് വാണിജ്യാടിസ്ഥാനത്തിൽ കൃഷി ചെയ്യുന്നുണ്ട്. പുതിയ നാമ്പോടു കൂടിയ കിഴങ്ങ് ഭാഗം നടീലിനായി ഉപയോഗിക്കാം. പോട്ടിങ് മിശ്രിതം തയ്യാറാക്കുമ്പോൾ മണ്ണും ചകിരിച്ചോറും ചാണകപ്പൊടിയും ചേർക്കാം. എട്ടിഞ്ച് വലിപ്പമുള്ള പോളി ബാഗിൽ കിഴങ്ങ് നടാവുന്നതാണ്.

Cinchona is the most sought-after ornamental plant. Heliconia, which does not grow very tall as red flowers, is available in the market today at a small discount.

താരതമ്യേനെ തണൽ ലഭ്യമാകുന്ന ഇടം തിരഞ്ഞെടുത്തു വേണം നടുവാൻ. ഈ സസ്യത്തിന് അധികം നന വേണ്ട. ആവശ്യാനുസരണം ചാണകപ്പൊടി നൽകിയാൽ മതി. ഏകദേശം എട്ടു മാസമാകുമ്പോഴേക്കും ഹെലിക്കോണിയ ചെറു കൂട്ടമായി വളർന്നു വന്നു പൂവിടാൻ തുടങ്ങും.