നിങ്ങളുടെ രക്തത്തിലെ പഞ്ചസാരയുടെ അളവ് ദിവസം മുഴുവൻ നിങ്ങൾക്ക് ഊർജ്ജസ്വലത ഉറപ്പാക്കുന്നതുമായി ബന്ധപ്പെട്ടിരിക്കുന്നു.
അതുകൊണ്ട് തന്നെ ഇതിന്റെ അളവ് കുറവായിരിക്കരുത്, മാത്രമല്ല അത് വളരെ ഉയർന്നതായിരിക്കുകയുമരുത്. അതിനാൽ, നമ്മുടെ രക്തത്തിലെ പഞ്ചസാരയുടെ അളവ് നിയന്ത്രിക്കാനുള്ള വഴികൾ നാം കണ്ടുപിടിക്കേണ്ടതായിട്ടുണ്ട്. എന്നിരുന്നാലും, ചില സമയങ്ങളിൽ, നിങ്ങളുടെ രക്തത്തിലെ പഞ്ചസാരയുടെ അളവ് നിയന്ത്രിക്കാൻ നിങ്ങൾ എത്ര ശ്രമിച്ചാലും അത് നിയന്ത്രണാതീതമായ അവസ്ഥയിലേക്ക് പോയേക്കാം.
നിങ്ങളുടെ രക്തത്തിലെ പഞ്ചസാരയുടെ അളവ് സ്ഥിരമായ പരിധിക്കുള്ളിൽ നിലനിർത്തുന്നതിന് നിങ്ങളുടെ ഭക്ഷണക്രമത്തിൽ കർശന പരിശോധന നടത്തേണ്ടതുണ്ട്. അത്തരമൊരു സാഹചര്യത്തിൽ, തേങ്ങാവെള്ളം നിങ്ങളുടെ രക്ഷയ്ക്കെത്തുന്നതാണ്! തേങ്ങാവെള്ളം സ്വാഭാവികമായും ഉന്മേഷദായകമായ ഒരു പാനീയമാണ്. ഇത് രുചികരമാണെന്ന് മാത്രമല്ല, രക്തത്തിലെ പഞ്ചസാരയുടെ അളവ് നിയന്ത്രണവിധേയമാക്കാൻ ശരീരത്തിന് ആവശ്യമായ പോഷകങ്ങളും ധാതുക്കളും നൽകുകയും ചെയ്യുന്നു.
തേങ്ങാവെള്ളം പ്രമേഹത്തെ നിയന്ത്രിക്കുവാൻ സഹായിക്കുമെന്ന് ജേണൽ ഓഫ് മെഡിസിനൽ ഫുഡിൽ പ്രസിദ്ധീകരിച്ച ഗവേഷണങ്ങൾ സൂചിപ്പിക്കുന്നു. തേങ്ങാവെള്ളം ഉപയോഗിച്ച് രക്തത്തിലെ പഞ്ചസാരയുടെ അളവ് മെച്ചപ്പെടുത്തുന്നതിനും പ്രമേഹമുള്ളവരെ സഹായിക്കുന്നതിനുമുള്ള 6 വഴികൾ ഇതാ:
നിങ്ങളുടെ മെറ്റബോളിസം മെച്ചപ്പെടുത്തുന്നു
നിങ്ങളുടെ മെറ്റബോളിസം നിരക്ക് വർദ്ധിപ്പിക്കുന്നതിനായി തേങ്ങാവെള്ളം ഒരു മികച്ച തിരഞ്ഞെടുപ്പാണ്. ഇത് സംതൃപ്തിയുടെ വികാരം വർദ്ധിപ്പിക്കുകയും വിശപ്പ് നിയന്ത്രണത്തിലാക്കുകയും ദഹനത്തെ ലഘൂകരിക്കുകയും ചെയ്യുന്നു. മെച്ചപ്പെട്ട മെറ്റബോളിസം നിങ്ങളുടെ ശരീരത്തെ ഭക്ഷണങ്ങൾ ഫലപ്രദമായി ദഹിപ്പിക്കാൻ സഹായിക്കുന്നു.
സുപ്രധാന പോഷകങ്ങൾ നിറഞ്ഞതാണ്
തേങ്ങാവെള്ളത്തിൽ നിരവധി പോഷകങ്ങളും ധാതുക്കളും അടങ്ങിയിട്ടുണ്ട്. ഫൈബർ, പൊട്ടാസ്യം, കാൽസ്യം, മഗ്നീഷ്യം, സോഡിയം, ഇരുമ്പ് എന്നിവ ഇതിൽ ധാരാളം അടങ്ങിയിട്ടുണ്ട്. ഈ ഘടകങ്ങൾ രക്തത്തിലെ പഞ്ചസാരയുടെ അളവ് നിയന്ത്രിക്കുന്നു.
രക്തചംക്രമണം മെച്ചപ്പെടുത്തുന്നു
പ്രമേഹമുള്ളവർക്ക് മോശം രക്തചംക്രമണം ഒരു സാധാരണ പ്രശ്നമാണ്. ഇത് കാഴ്ചശക്തി പ്രശ്നങ്ങൾ, പേശിവേദന, വൃക്ക സംബന്ധമായ തകരാറുകൾ എന്നിവയ്ക്ക് കാരണമാകും. രക്തചംക്രമണം മെച്ചപ്പെടുത്തുന്നതിനും ശരീരത്തിലെ രക്തയോട്ടം സാധാരണ നിലയിലാക്കുന്നതിനും തേങ്ങാവെള്ളം ഫലപ്രദമാണെന്ന് അറിയപ്പെടുന്നു. രക്തചംക്രമണം മോശമായതിനാൽ ഉണ്ടാകുന്ന പ്രശ്നങ്ങൾ നിങ്ങൾക്ക് ഒഴിവാക്കാനാകുമെന്ന് ഇത് ഉറപ്പാക്കുന്നു.
ശരീരഭാരം കുറയ്ക്കാൻ സഹായിക്കുന്നു
ശരീരഭാരം അമിതമാകുന്നത് നിങ്ങളുടെ രക്തത്തിലെ പഞ്ചസാരയുടെ അളവിലുള്ള പ്രശ്നങ്ങളിലേക്ക് നയിച്ചേക്കാം. കൂടാതെ, പ്രമേഹരോഗികൾ പലപ്പോഴും അസാധാരണമായ തരത്തിലുള്ള ശരീരഭാര വർദ്ധനവ് നേരിടേണ്ടതായി വരുന്നു. പക്ഷേ, തേങ്ങാവെള്ളത്തിൽ കലോറി കുറവാണ്, മാത്രമല്ല ദഹനം മെച്ചപ്പെടുത്താൻ ഉത്തമമെന്ന് അറിയപ്പെടുന്ന ബയോ എൻസൈമുകൾ ഇതിൽ അടങ്ങിയിട്ടുണ്ട്. സ്ഥിരമായി തേങ്ങാവെള്ളം കുടിക്കുന്നത് അമിതമായി ഭക്ഷണം കഴിക്കുന്നത് ഒഴിവാക്കാനും കലോറിയുടെ ഉപഭോഗം കുറയ്ക്കാനും സഹായിക്കുന്നു.
നാരുകളുടെ സമ്പന്നമായ ഉറവിടം
തേങ്ങാവെള്ളത്തിൽ നാരുകൾ കൂടുതലാണ്, അമിനോ ആസിഡുകളും അടങ്ങിയിട്ടുണ്ട്. ഇത് നിങ്ങളുടെ രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്നു. ഫൈബർ നിങ്ങളുടെ ശരീരത്തിലെ പഞ്ചസാര ദഹനം ചെയ്യാൻ സഹായിക്കുകയും പ്രമേഹ രോഗികളുടെ അവസ്ഥ മെച്ചപ്പെടുത്തുകയും ചെയ്യുന്നു.
അതിനാൽ, പ്രമേഹം നിയന്ത്രിക്കാൻ നിങ്ങൾ ദിവസവും എത്ര അളവിൽ തേങ്ങാവെള്ളം കുടിക്കണം?
കുറഞ്ഞ ഗ്ലൈസെമിക് സൂചികയോടൊപ്പം പോഷകങ്ങളും ധാതുക്കളും നിറഞ്ഞതാണ് തേങ്ങാവെള്ളം. എന്തിനധികം, ഇത് രുചികരവും തികച്ചും പ്രകൃതിദത്തവുമാണ്! ഈ കാരണങ്ങളാൽ, പ്രമേഹമുള്ളവർക്ക് ഇത് പലപ്പോഴും ശുപാർശ ചെയ്യുന്നു. എന്നിരുന്നാലും, നിങ്ങൾ മധുരമില്ലാത്ത തരം തേങ്ങാവെള്ളം തിരഞ്ഞെടുക്കുകയും പ്രമേഹത്തെ നിയന്ത്രിക്കാൻ സഹായിക്കുന്നതിന് ദിവസവും 1 മുതൽ 2 കപ്പ് വരെയായി പരിമിതപ്പെടുത്തുകയും വേണം.
ഈ പരിധി ലംഘിക്കുന്നത് നിങ്ങൾക്ക് അനാരോഗ്യകരമായി ഭവിച്ചേക്കാം. എന്തും മിതമായി കഴിക്കേണ്ടത് പ്രധാനമാണെന്ന് ഓർമ്മിക്കുക.