അവയുടെ കാലഹരണ തീയതി കഴിഞ്ഞാലും, കോഴി മുട്ടകൾ എപ്പോഴും കഴിക്കാൻ പൂർണ്ണമായും സുരക്ഷിതമാണ്. എന്നാൽ മുട്ട പൊട്ടിക്കുന്നതിന് മുമ്പ്, മുട്ട എത്രമാത്രം പുതുമയുള്ളതാണെന്ന് മനസ്സിലാക്കാൻ ഒരു ദ്രുത പരിശോധന നടത്തണം.
ഒരു വലിയ പാത്രത്തിലോ ഗ്ലാസ്സിലോ തണുത്ത വെള്ളം നിറയ്ക്കുക.
അതിലേക്ക് മുട്ട പതുക്കെ വയ്ക്കുക. വലിയ ഗ്ലാസ് ആണ് ഉപയോഗിക്കണതെങ്കിൽ , മുട്ട വയ്ക്കുമ്പോൾ പൊട്ടാതിരിക്കാൻ ഒരു സ്പൂണിൽ വച്ച് പതുക്കെ വെള്ളത്തിലേക്ക് താഴ്ത്തുക.
മുട്ട മുങ്ങി വെള്ളത്തിന് അടിയിൽ ചരിഞ്ഞു ഇരിക്കുകയാണെങ്കിൽ , അത് വളരെ പുതിയ മുട്ടയാണ്. അതുപോലെ മുങ്ങിപ്പോവുകയും നിവർന്ന് ഇരിക്കുകയും പാത്രത്തിൻറെ അടിയിൽ പൊങ്ങി കിടക്കുകയും ആണെങ്കിൽ, ആ മുട്ട ഇപ്പോഴും പുതിയതാണ്.
എന്നാല്‍ വെള്ളത്തില്‍ കുറച്ചു പൊങ്ങിയാണ് മുട്ട കിടക്കുന്നതെങ്കില്‍ അതിന് കാലപ്പഴക്കം ഉണ്ടെന്നു മനസിലാക്കാം. ഏറ്റവും മുകളിലായിട്ടാണ് മുട്ട കിടക്കുന്നതെങ്കില്‍ അത് ഏറ്റവും പഴയതാണെന്ന് മനസ്സിലാക്കാം
പഴയ മുട്ട പൊങ്ങുന്നത് എന്തുകൊണ്ട്
മുട്ടകൾ ഇരുന്നു പഴകുമ്പോൾ വെള്ളം ബാഷ്പീകരിക്കപ്പെടുന്നതിനാൽ ഷെല്ലിനുള്ളിൽ കൂടുതൽ വായു സഞ്ചരിക്കുന്നു. മുട്ടയ്ക്കുള്ളിൽ വായു അധികമാവുമ്പോൾ മുട്ട പൊങ്ങാനുള്ള സാധ്യത വർദ്ധിക്കുന്നു.
കൂടുതൽക്കാലം സൂക്ഷിച്ചാൽ മുട്ടയുടെ ഗുണനിലവാരം കുറയുന്നു. മുട്ടയുടെ വെള്ള, അല്ലെങ്കിൽ ആൽ‌ബുമെൻ, കനംകുറഞ്ഞതും കൂടുതൽ വെള്ളമുള്ളതുമാണ്. മഞ്ഞക്കരുവിന് അതിൻറെ ഊർജ്ജസ്വലത നഷ്ടപ്പെടുന്നു.
പരന്ന പ്രതലത്തിൽ ഒരു പഴയ മുട്ടയുടെ അരികിൽ ഒരു പുതിയ മുട്ട പൊട്ടിച്ചാൽ നിങ്ങൾക്ക് ഇത് തത്സമയം കാണാൻ കഴിയും. പുതിയ മുട്ടയുടെ മഞ്ഞക്കരുവും വെള്ളയും പൊങ്ങി ഇരിക്കുമ്പോൾ പഴയ മുട്ടയുടേത് പരന്നതാണ്.
മണത്തുനോക്കി മുട്ട പരിശോധിക്കാം
ഒരു പഴയ മുട്ട ശരിക്കും മോശമാണോ എന്ന് തീരുമാനിക്കാൻ കണ്ണും മൂക്കും ഉപയോഗിക്കുക. നല്ല മുട്ടയ്ക്ക് പുതുമയാർന്ന മണവും കേടായ മുട്ടയ്ക്ക് ഒരു അളിഞ്ഞ മണവും ആണ് ഉണ്ടാവുക
മുട്ട ശരിയായി സൂക്ഷിക്കുന്നതെങ്ങനെ
മുട്ട ഫിഡ്ജിൽ വയ്ക്കുമ്പോൾ മുട്ട വാങ്ങിച്ചപ്പോൾ ഉണ്ടായിരുന്ന കാർട്ടണിൽ തന്നെ സൂക്ഷിക്കുക. മുട്ട ഫിഡ്ജിൻറെ ഡോറിനോട് ചേർന്നുള്ള പ്ലാസ്റ്റിക്ക് ട്രേയ്‌കളിൽ വയ്ക്കാതിരിക്കാൻ ശ്രദ്ധിക്കുക. കാരണം ഫിഡ്ജിൻറെ ഡോറിനടുത്തു പലപ്പോഴും ഊഷമാവിന് വ്യതിയാനം വരാൻ സാധ്യതയുണ്ട്.