മഹരാരാഷ്ട്രയിലെ അഹമ്മദ് നഗര്‍ സ്വദേശി ശ്രദ്ധ ധവാൻറെ വയസ്സ് 21 മാത്രം. എന്നാൽ ഈ പെൺകുട്ടി ഒരു ഫാം തന്നെ നോക്കി നടത്തുകയാണ്. ശ്രദ്ധയുടെ അച്ഛന് എരുമക്കച്ചവടം ആയിരുന്നു. അംഗപരിമിതനായതിനാൽ ബൈക്ക് ഒന്നും ഓടിയ്ക്കില്ല.
വീട്ടിൽ ബൈക്ക് വാങ്ങി അതോടിയ്ക്കുന്നത് ശ്രദ്ധയാണ്. കാരണം ശ്രദ്ധയുടെ ഫാമിൽ 86-ഓളം എരുമകളുണ്ട്. കുറച്ച് പാൽ ഏറെ ദൂരം പിന്നിട്ട് സൊസൈറ്റികളിൽ എത്തിയ്ക്കണം. ഫാമിൻെറ കാര്യങ്ങൾ നോക്കണം. അച്ഛന് താങ്ങായി എരുമകളെ പരിപാലിയ്ക്കാൻ ഒപ്പം കൂടിയ ഈ മിടുക്കി 11-ാം വയസിൽ ബൈക്ക് ഓടിച്ചു തുടങ്ങിയതാണ്.
തൻെറ ഗ്രാമത്തിൽ തന്നെ ഒരു പെൺകുട്ടിയും ഏറ്റെടുത്തിട്ടാല്ലാത്ത റോളാണ് ശ്രദ്ധ ചെറുപ്രായത്തിൽ ഏറ്റെടുത്ത് വിജയിപ്പിയ്ക്കുന്നത്. ഇന്ന് ഒരു ബഹുനില കെട്ടിടത്തിൽ 80 എരുമകളുള്ള വമ്പൻ ഫാമാണ് ശ്രദ്ധയുടേത്. പ്രതിമാസം 5-6 ലക്ഷം രൂപ വരുമാനം ഈ ഫാമിൽ നിന്നുണ്ട്. അച്ഛൻ ശ്രദ്ധയെ ഫാം ഏൽപ്പിയ്ക്കുമ്പോൾ 12 എരുമകൾ മാത്രമാണ് ഉണ്ടായിരുന്നത്. പിന്നീട് ഷെഡ് കെട്ടി കൂടുതൽ എരുമകളുമായി ഈ മിടുക്കി ഫാം വിപുലീകരിയ്ക്കുകയായിരുന്നു. ബൈക്കിൽ ചീറിപ്പാഞ്ഞാണ് പാൽ വിൽപ്പന.
2015 ൽ പത്താം ക്ലാസിൽ പഠിയ്ക്കുമ്പോൾ ശ്രദ്ധ ഒരു ദിവസം 150 ലിറ്റർ പാൽ വിൽക്കുമായിരുന്നു. 2016-ൽ ഫാമിൽ 45 എരുമകളായി, ഇതോടെ പ്രതിമാസ വരുമാനവും ഉയര്‍ന്നു. പ്രതിമാസം 3 ലക്ഷം രൂപയൊക്കെ കിട്ടിത്തുടങ്ങിയതോടെ ശ്രദ്ധ പൂര്‍ണമായി ഫാമിൽ ശ്രദ്ധ കേന്ദ്രീകരിച്ച് തുടങ്ങി.
ഗ്രാമത്തിൽ തന്നെ ബൈക്കിൽ പാൽ വിൽപ്പനയുമായി നടക്കുന്ന പെൺകുട്ടികൾ ഇല്ലെന്നത് ആദ്യം വിഷമിപ്പിച്ചു. എന്നാൽ ഗ്രാമീണരുടെ സ്നേഹവും പ്രോത്സാഹനവും മുന്നോട്ട് പോകാൻ കരുത്തു നൽകുകയായിരുന്നു. ശ്രദ്ധ പറയുന്നു.
എപ്പോഴും ഈ വരുമാനം സ്ഥിരമല്ല ഡിമാൻഡ് കൂടുന്ന സമയത്ത് നല്ല വരുമാനം ലഭിയ്ക്കുമെങ്കിലും കാര്യമായി ഒന്നും ലഭിയ്ക്കാത്ത മാസങ്ങളുമുണ്ട്. എങ്കിലും ഇപ്പോൾ ഇത് ലാഭകരമായി തുടങ്ങി.
എപ്പോഴും ഈ വരുമാനം സ്ഥിരമല്ല ഡിമാൻഡ് കൂടുന്ന സമയത്ത് നല്ല വരുമാനം ലഭിയ്ക്കുമെങ്കിലും കാര്യമായി ഒന്നും ലഭിയ്ക്കാത്ത മാസങ്ങളുമുണ്ട്. എങ്കിലും ഇപ്പോൾ ഇത് ലാഭകരമായി തുടങ്ങി.