ഉത്തരവാദിത്തപരമായ അഗ്രോകെമിക്കൽ ഉപയോഗത്തിൽ കോറമാണ്ടലിന്റെ സ്റ്റിവാർഡ്ഷിപ് സമീപനം

അഗ്രോകെമിക്കൽ ഉൽപന്നങ്ങൾ പരിഗണിക്കുമ്പോൾ, സ്റ്റിവാർഡ്ഷിപ്പിൽ R&D, നിർമാണം, ലോജിസ്റ്റിക്സ് (സംഭരണം, ഗതാഗതം, വിതരണം), വിപണനം, വിൽപ്പന എന്നിവയ്ക്കൊപ്പം ഉത്തരവാദിത്തവും ധാർമികവുമായ പരിപാലനവും ഉൾപ്പെടുന്നു.

അഗ്രോകെമിക്കലുകൾ ഉപയോഗിക്കുന്നതിൽ നിന്നുള്ള നേട്ടങ്ങൾ പരമാവധിയാക്കുകയും അപകടസാധ്യത കുറയ്ക്കുകയും ചെയ്യുക എന്നതാണ് സ്റ്റിവാർഡ്ഷിപ് സമീപനത്തിന്റെ പൂർണമായ ലക്ഷ്യം. ഉൽപ്പന്നങ്ങൾ വിപണിയിലേക്ക് പാക്ക് ചെയ്യുന്നത് വരെ അഗ്രോകെമിക്കൽസ് ഉത്പാദിപ്പിക്കുന്ന കമ്പനിക്കാണ് ഇവയുടെ സമ്പൂർണ നിയന്ത്രണം. ഇതിന്റെ ഭാഗമാകുന്ന മറ്റ് പങ്കാളികളെയും ശരിയായി നയിക്കേണ്ട ചുമതല ഉൾപ്പെടെ കാർഷിക രാസവസ്തുക്കൾ എല്ലാ തലങ്ങളിലും വളരെ ശ്രദ്ധാപൂർവം കൈകാര്യം ചെയ്യേണ്ടതും ഇവർ തന്നെയാണ്.

ഉൽപ്പന്നത്തിന്റെ ജീവിതചക്രത്തിലെ വിവിധ ഘട്ടങ്ങളിൽ വ്യത്യസ്ത വശങ്ങൾ ശ്രദ്ധിക്കേണ്ടതായുമുണ്ട്. പുതിയ ഉൽപ്പന്നങ്ങളുടെ രജിസ്ട്രേഷനുമായി ബന്ധപ്പെട്ട് സർക്കാർ നിയന്ത്രണങ്ങളും ഏർപ്പെടുത്തിയിട്ടുണ്ട്. ഈ നിയന്ത്രണങ്ങൾ ഉറപ്പാക്കുന്നത് എന്തെല്ലാമെന്നാൽ,

• ഓരോ വിളയിലും കീടങ്ങൾക്കും രോഗങ്ങൾക്കും എതിരായ ഫലപ്രാപ്തിക്കായി ഉൽപ്പന്ന സുരക്ഷ പരിശോധിക്കുന്നു.
• ഉൽപന്നത്തിലെ വിഷാംശം, പരിസ്ഥിതിയിൽ ഉണ്ടാക്കുന്ന ആഘാതം എന്നിവ പരിശോധിക്കുന്നു.
• ഷെൽഫ് ജീവിതത്തിൽ സുരക്ഷിതത്വം ഉറപ്പാക്കാൻ ഉൽപ്പന്നം ശരിയായി പായ്ക്ക് ചെയ്തിട്ടുണ്ടോ എന്ന് ഉറപ്പുവരുത്തുന്നു.
• ഉൽപ്പന്നത്തിന്റെ ലേബലിലും ലഘുലേഖകളിലും ഘടന, ഉപയോഗം, മുൻകരുതലുകൾ എന്നിവയെ കുറിച്ചുള്ള എല്ലാ നിർണായക വിവരങ്ങളും മനുഷ്യരുമായി സമ്പർക്കം പുലർത്തുന്ന സാഹചര്യത്തിൽ സ്വീകരിക്കേണ്ട അടിയന്തര നടപടികളും അടങ്ങിയിരിക്കുന്നു.

സ്റ്റിവാർഡ്ഷിപ്- കോറോമാണ്ടൽ ഇന്റർനാഷണലിന് അതിപ്രധാനം

കോറോമാണ്ടൽ ഇന്റർനാഷണലിന്റെ പ്രധാന മൂല്യങ്ങളിലൊന്നാണ് സ്റ്റിവാർഡ്ഷിപ്. അതിനാൽ, കാർഷിക രാസ ഉൽപന്നങ്ങളുടെ ഉത്തരവാദിത്തപരമായ ഉപയോഗത്തെ കുറിച്ച് കർഷകരെയും ഉൾപ്പെട്ട എല്ലാ പങ്കാളികളെയും ബോധവൽക്കരിക്കേണ്ടതുണ്ടെന്ന് കമ്പനി വിശ്വസിക്കുന്നു.

ഈ പ്രക്രിയയിൽ കർഷകർ വളരെ പ്രധാനപ്പെട്ട പങ്കാളികളാണെന്ന് കോറോമാൻഡൽ കരുതുന്നു. ഇതനുസരിച്ച്, പ്രസ്തുത സന്ദേശം കർഷകരിലേക്ക് എത്തിക്കുന്നതിനായി 'വിള സംരക്ഷണ ഉൽപ്പന്നങ്ങളുടെ ഉത്തരവാദിത്തപരമായ ഉപയോഗം' എന്ന പേരിൽ ഒരു കാമ്പെയ്ന് കമ്പനി തുടക്കമിട്ടു.

'സ്റ്റിവാർഡ്ഷിപ് അന്തിമ ഉപയോക്താക്കളുമായും കർഷകരുമായും ഒരു പ്രത്യേക ബന്ധം സൃഷ്ടിക്കാൻ സഹായിക്കുന്നു. വിള സംരക്ഷണ ഉൽപന്നങ്ങളുടെ ഉത്തരവാദിത്തപരമായ ഉപയോഗത്തെ കുറിച്ചുള്ള സന്ദേശം പ്രചരിപ്പിക്കുന്നതിനായി ഞങ്ങൾ ഈ ദിവസം സമർപ്പിക്കുന്നതിനാൽ കോറോമാണ്ടലിലെ ഓരോരുത്തർക്കും ഇന്ന് ചരിത്രപരമായ ഒരു ദിവസമാണ്.

ഈ കാമ്പെയ്നിലൂടെ, ഉൽപ്പന്നം വാങ്ങുന്നത് മുതൽ അതിന്റെ ഉപയോഗം വരെ, ആപ്ലിക്കേഷന്റെ വിവിധ ഘട്ടങ്ങളും, അതുപോലെ ശേഷിക്കുന്ന ഉൽപ്പന്നത്തിന്റെയും പാക്കേജിങ്ങിന്റെയും വിനിയോഗം, ഉത്തരവാദിത്ത ഉപയോഗത്തിന്റെ വിവിധ വശങ്ങളെ കുറിച്ച് അവബോധം പ്രചരിപ്പിക്കാൻ Coromandel ലക്ഷ്യമിടുന്നു,' എന്ന് കിസാൻ ദിവസിനോട് അനുബന്ധിച്ച് നടത്തിയ പരിപാടിയിൽ കാമ്പെയ്നിന്റെ ഉദ്ഘാടനവേളയിൽ, ക്രോപ് പ്രൊട്ടക്ഷൻ ബിസിനസ്- ഇ.വി.പിയുടെയും, എസ്.ബി.യുവിന്റെയും തലവനായ എൻ.കെ രാജവേലു വിശദീകരിച്ചിരുന്നു.

ഈ കാമ്പെയ്നിലൂടെ, ഉൽപ്പന്നം വാങ്ങുന്നത് മുതൽ ഉപയോഗം വരെ, ആപ്ലിക്കേഷന്റെ വിവിധ ഘട്ടങ്ങൾ (മുൻപ്, നിലവിൽ, ശേഷം) അതുപോലെ ശേഷിക്കുന്ന ഉൽപ്പന്നത്തിന്റെയും പാക്കേജിങ്ങിന്റെയും വിനിയോഗം, ഉത്തരവാദിത്തപരമായ ഉപയോഗത്തിന്റെ വിവിധ വശങ്ങളെ കുറിച്ച് അവബോധം പ്രചരിപ്പിക്കാൻ Coromandel ലക്ഷ്യമിടുന്നു.

കാർഷിക രാസവസ്തുക്കൾ ഉപയോഗിക്കുമ്പോൾ ഇവ ഓർക്കുക

ഒരു രോഗം ബാധിച്ചാൽ നമ്മൾ ഉപയോഗിക്കുന്ന മരുന്നുകളോട് സാമ്യമുള്ളതാണ് വിള സംരക്ഷണ ഉൽപ്പന്നങ്ങൾ. ഡോക്ടർമാർ നിർദേശിക്കുന്നതുപോലെ മരുന്ന് ശരിയായ അളവിലും സമയത്തിലും കഴിക്കണമെന്ന് നമുക്ക് അറിയാം. മരുന്നുകൾ സുരക്ഷിതമായ, എന്നാൽ കുട്ടികൾക്ക് ലഭ്യമല്ലാത്ത സ്ഥലത്ത് വേണം സൂക്ഷിക്കേണ്ടത്.

മരുന്നുകൾ തീയതി കഴിഞ്ഞ് കാലഹരണപ്പെടുന്നു. ഈ തീയതിക്ക് ശേഷം ഇവ  ഫലപ്രദമല്ല. അതിനാൽ പഴക്കം ചെന്ന മരുന്നുകൾ തീർച്ചയായും ഉപേക്ഷിക്കണം. മരുന്ന് അതിന്റെ ഉപയോഗത്തിന്റെ എല്ലാ വശങ്ങളും പരാമർശിക്കുന്നതിനുള്ള ഒരു ലേബലും ലഘുലേഖയും ഇതിനൊപ്പം വരുന്നു. എക്സ്പോഷർ അഥവാ അമിത ഉപയോഗത്തിന്റെ കാര്യത്തിൽ പിന്തുടരേണ്ട നടപടികളെ കുറിച്ചും പ്രതിപാദിക്കാറുണ്ട്.

അഗ്രോകെമിക്കലുകൾക്ക് സമാനമായ ശ്രദ്ധാപൂർവമായ സമീപനം ആവശ്യമാണ് - ശരിയായ അളവ്, കൃത്യ സമയം, ശരിയായ പ്രയോഗവും രീതിയും, സുരക്ഷിതമായി സൂക്ഷിക്കുക, എല്ലാ സമയത്തും റഫർ ചെയ്യേണ്ട ശരിയായ വിവരങ്ങൾ എന്നിവയിൽ ശ്രദ്ധ നൽകണം.

കാർഷിക രാസവസ്തുക്കളുടെ ഉത്തരവാദിത്തപരമായ ഉപയോഗത്തെ കുറിച്ചുള്ള ഈ സന്ദേശം നൽകുന്നതിനായി രാജ്യത്തുടനീളം നിരവധി കർഷക യോഗങ്ങൾ ഈ കാമ്പെയ്നിന് കീഴിൽ സംഘടിപ്പിച്ചിട്ടുണ്ട്. കാർഷിക രാസവസ്തുക്കൾ ഉപയോഗിക്കുമ്പോൾ പാലിക്കേണ്ട അടിസ്ഥാന കാര്യങ്ങളെ കുറിച്ച് നൂറുകണക്കിന് സ്ഥലങ്ങളിലെ ലക്ഷക്കണക്കിന് കർഷകർക്ക് ബോധവൽക്കരണം നൽകിയിട്ടുണ്ട്. ഈ യോഗങ്ങളിൽ സർക്കാർ കൃഷി വകുപ്പ് ഉദ്യോഗസ്ഥർ, ചില്ലറ വ്യാപാരികൾ, ഡീലർമാർ എന്നിവരും ഉൾപ്പെടുന്നു. ഡിജിറ്റൽ മീഡിയ വഴി തങ്ങളുടെ കർഷക ശൃംഖലയിലേക്ക് സന്ദേശം എത്തിക്കാൻ കോറോമാണ്ടലും എത്തിയിരിക്കുകയാണ്.

മുന്നോട്ട് പോകുമ്പോൾ, കാർഷിക രാസവസ്തുക്കളുടെ ഉത്തരവാദിത്തപരമായ ഉപയോഗത്തെ കുറിച്ച് അവബോധം പ്രചരിപ്പിക്കുന്നതിനായി വിവിധ പ്രവർത്തനങ്ങൾ സംഘടിപ്പിച്ച് കൊണ്ട് കോറോമാണ്ടൽ ഈ കാമ്പെയ്ൻ സംഘടിപ്പിക്കും. ഇതിന്റെ ഭാഗമായാണ് മികച്ച ഉൽപ്പന്ന പരിപാലനത്തെ കുറിച്ച് പ്രദർശിപ്പിക്കുന്നത്.