ഇന്ത്യയ്ക്കും അമേരിക്കയ്ക്കും ചായയുമായി ദീർഘകാല ബന്ധമുണ്ടെന്നും രണ്ട് ജനാധിപത്യ രാജ്യങ്ങളും ആരോമാറ്റിക് പാനീയത്തോടുള്ള അവരുടെ പൊതുവായ സ്നേഹത്തെ വിലമതിക്കുന്നുവെന്നും യുഎസിലെ ഇന്ത്യൻ അംബാസഡർ തരൺജിത് സിംഗ് സന്ധു പറഞ്ഞു. ചൊവ്വാഴ്ച ഇന്ത്യൻ എംബസിയിൽ സംഘടിപ്പിച്ച ചായപ്രേമികൾക്കായി സമർപ്പിച്ച ഒരു പരിപാടിയിൽ സംസാരിക്കവെ, ഇന്ത്യക്കാർക്ക് ചായയുടെ പ്രാധാന്യത്തെക്കുറിച്ചും അമേരിക്കൻ വിപ്ലവവുമായുള്ള ബന്ധത്തെക്കുറിച്ചും സന്ധു സംസാരിച്ചു.
ഇന്ത്യയ്ക്കും യുഎസിനും, തേയിലയും ചായയുമായും ദീർഘകാല ബന്ധമുണ്ട്. എല്ലാത്തിനുമുപരി, അമേരിക്കൻ വിപ്ലവത്തിന് തുടക്കമിട്ട ബോസ്റ്റൺ ടീ പാർട്ടി, ചായയുടെ കൊളോണിയൽ നികുതിയിൽ പ്രതിഷേധിക്കാൻ സംഘടിപ്പിച്ചതാണ്! തേയില, ഈസ്റ്റ് ഇന്ത്യാ കമ്പനിയുമായും നമ്മുടെ സ്വന്തം സ്വാതന്ത്ര്യ സമരവുമായും സങ്കീർണ്ണമായി ബന്ധപ്പെട്ടിരിക്കുന്നു, അദ്ദേഹം പറഞ്ഞു. ശൈത്യകാലം ആരംഭിക്കുന്നതിനു മുന്നോടിയായി, ഇന്ത്യൻ എംബസി ജനം ടീയുമായി സഹകരിച്ച്, അവരുടെ ചടങ്ങിൽ ഇന്ത്യൻ ചായയുടെ ആവേശകരമായ രുചികളെയും ശൈലികളെയും കുറിച്ച് വിജ്ഞാനപ്രദമായ സംഭാഷണം അവതരിപ്പിച്ചു.
ഇന്ത്യയിൽ നിന്നുള്ള സിംഗിൾ എസ്റ്റേറ്റ് തേയിലകളിൽ പ്രാവീണ്യം നേടിയ ജനം ടീയുടെ ആമി ദുബിൻ-നാഥാണ് സംഭാഷണത്തിന് നേതൃത്വം നൽകിയത്.ചായയോടുള്ള നമ്മുടെ പൊതുവായ ഇഷ്ടവും, ഒപ്പം കാപ്പിയോടുള്ള ആരോഗ്യകരമായ മത്സരവും ഇന്ത്യക്കാർ വിലമതിക്കുന്നു! കാപ്പിയിൽ മാത്രമല്ല, ചായയിലൂടെയും പലതും സംഭവിക്കാം! ഇന്ത്യയിൽ, കാപ്പിയെക്കാൾ 15 മടങ്ങ് കൂടുതൽ ചായയാണ് ഉപയോഗിക്കുന്നത്, സന്ധു തന്റെ പരാമർശത്തിൽ പറഞ്ഞു. എല്ലാവരും ഇന്ത്യൻ ചായയെക്കുറിച്ച് പറയുന്നതും, അറിയുന്നതും അതിന്റെ പ്രേത്യകമായ മസാല ചായയിലൂടെയാണ്, അദ്ദേഹം ചായ പ്രേമികളോട് പറഞ്ഞു. ദുബിൻ-നാഥ് ഇന്ത്യയുടെ വിവിധ ഭാഗങ്ങളിൽ നിന്നുള്ള ഇന്ത്യൻ ചായയുടെ വിശദാംശങ്ങൾ നൽകി.
ഇന്ത്യയിൽ 20-ലധികം ഇനം ഇന്ത്യൻ തേയിലകളുണ്ട്, അവയിൽ ചിലത് ഡാർജിലിംഗ്, നീലഗിരി, അസം തുടങ്ങിയ സുഗന്ധങ്ങൾക്കും ഒപ്പം അതിന്റെ അതുല്യമായ പ്രശസ്തിയും നേടിയെടുത്തവയാണ്. ഇന്ത്യ ഇന്ന് ലോകത്തിലെ ഏറ്റവും വലിയ രണ്ടാമത്തെ തേയില ഉത്പാദക രാജ്യമാണ്. യുഎസിലേക്കുള്ള തേയിലയുടെ രണ്ടാമത്തെ ഏറ്റവും വലിയ കയറ്റുമതിക്കാരും ഇന്ത്യയാണ്, സന്ധു പറഞ്ഞു. നിങ്ങളിൽ ചിലർക്ക് അറിയാവുന്നതുപോലെ, 2023 നെ അന്താരാഷ്ട്ര മില്ലറ്റുകളുടെ വർഷമായി യുഎൻ പ്രഖ്യാപിക്കുന്നു. മറ്റ് അംഗരാജ്യങ്ങളിൽ നിന്ന് വൻ പിന്തുണ ലഭിച്ച യുഎന്നിലെ പ്രമേയം ഇന്ത്യ സ്പോൺസർ ചെയ്തിരുന്നു. മില്ലറ്റുകളും ഗണ്യമായ ആരോഗ്യ ആനുകൂല്യങ്ങളോടെയാണ് വരുന്നത്, കൂടാതെ ഒരു തരത്തിൽ ഇതിനെ സൂപ്പർഫുഡായി കണക്കാക്കാം, സന്ധു സദസ്സിനോട് പറഞ്ഞു.
ബന്ധപ്പെട്ട വാർത്തകൾ: ശ്രീലങ്കൻ നാവികസേന കസ്റ്റഡിയിലെടുത്ത 24 മത്സ്യത്തൊഴിലാളികളെ വിട്ടയക്കണമെന്നാവശ്യപ്പെട്ട് തമിഴ്‌നാട് മത്സ്യത്തൊഴിലാളികൾ റോഡ് ഉപരോധിച്ചു