ലൈഫ് ഇൻഷുറൻസിനൊപ്പം വരുമാനവും വാഗ്ദാനം ചെയ്യുന്ന ചില പോളിസികൾ എൽഐസിക്കുണ്ട്. അത്തരത്തിൽ വനിതകളെ ഉൾപ്പെടെ ലക്ഷ്യമിട്ടുള്ള ഒരു പോളിസിയാണ് എൽഐസി ആധാർ ശില. എൽഐസി ആധാർ ശില പദ്ധതിയിൽ ഏറ്റവും കുറഞ്ഞ മെച്യൂരിറ്റി തുക 75,000 രൂപയാണ്. പരമാവധി ലഭിക്കുന്ന തുക. നാലു ലക്ഷം രൂപയും. പ്രതിദിനം 29 രൂപ വീതം മാറ്റി വെച്ച് പദ്ധതിയിൽ അംഗമാകാം.
എന്താണ് എൽഐസി ആധാർ ശില പദ്ധതി?
എൽഐസി ആധാര്‍ ശില പദ്ധതിക്ക് കീഴിൽ വനിതകൾക്ക് കുറഞ്ഞത് 10 വർഷം മുതൽ പരമാവധി 20 വർഷം വരെ നിക്ഷേപം നടത്താൻ ആകും. പദ്ധതിയിൽ അക്കൗണ്ട് തുറക്കാൻ നിക്ഷേപകർക്ക് ആധാർ കാർഡ് ആവശ്യമാണ്, ഉറപ്പുള്ള റിട്ടേൺ വാഗ്ദാനം ചെയ്യുന്ന എൻ‌ഡോവ്‌മെൻറ് പോളിസിയാണിത്. താൽ‌പ്പര്യമുള്ള വര്‍ക്ക് എൽഐസി ഏജൻറുമായി ബന്ധപ്പെട്ടോ അടുത്തുള്ള ശാഖ വഴിയോ സ്കീമിനു കീഴിൽ നിക്ഷേപം ആരംഭിക്കാൻ കഴിയും.
ഇൻഷുറൻസ്, ലോൺ ആനുകൂല്യങ്ങളും
പോളിസി കാലയളവിൽ ഇൻഷുറൻസ് ഉടമ മരണപ്പെട്ടാൽ തുക നോമിനിക്ക് ലഭിക്കും. വാർഷിക പ്രീമിയത്തിൻെറ 10 മടങ്ങ് വരെയും അടിസ്ഥാന തുകയും മരിക്കുന്നതു വരെ അടച്ച എല്ലാ പ്രീമിയങ്ങളുടെയും 105 ശതമാനവും ഉൾപ്പെടെയാണ് ഈ തുക ലഭിക്കുക. ഇല്ലെങ്കിലും നഷ്ടം സംഭവിക്കില്ല. പോളിസി കാലവധി പൂര്‍ത്തിയാകുമ്പോൾ ലോയൽറ്റി ഉൾപ്പെടെ നിശ്ചിത തുക നിക്ഷേപകര്‍ക്ക് നൽകുന്ന പദ്ധതിയാണിത്. ഇതിൽ നിന്ന് തന്നെ ലോൺ എടുക്കാനുമാകും.
4 ലക്ഷം രൂപ എങ്ങനെ ലഭിക്കും?
നിക്ഷേപം നാലു ലക്ഷം രൂപയായി വളർത്തുന്നതിന്, വനിതാ നിക്ഷേപകർ പ്രതിവർഷം 10,959 രൂപ വീതമാണ് നിക്ഷേപിക്കണ്ടത്, 20 വർഷത്തേക്ക് 4.5 ശതമാനമാണ് നികുതി. ഇതിന് ദിവസേന പ്രതിദിനം 29 രൂപ വീതം നീക്കി വയ്ക്കാം. പദ്ധതിക്ക് കീഴിൽ 2,14,696 രൂപയാണ് നിക്ഷേപകര്‍ നൽകുന്നതെങ്കിലും പദ്ധതി മെച്യൂരിറ്റി കാലാവധി പൂർത്തിയാകുമ്പോൾ നാലു ലക്ഷം രൂപ തിരികെ നൽകും.
നിക്ഷേപകർക്ക് തന്നെ പ്രീമിയം കാലാവധി നിശ്ചയിക്കാം. പ്രതിമാസമോ, ത്രൈമാസ അടിസ്ഥാനത്തിലോ അല്ലെങ്കിൽ ആറു മാസം കൂടുമ്പോഴോ പണം അടയ്ക്കാം.