രാജ്യത്ത് പാചക വാതക സിലിണ്ടറിന് വീണ്ടും വില കൂട്ടി എണ്ണക്കമ്പനികൾ. വാണിജ്യ എൽപിജി സിലിണ്ടറുകളുടെ വില ഒന്നിന് 7 രൂപയാണ് വർധിപ്പിച്ചത്. അതേസമയം, ഗാർഹിക പാചകവാതക സിലിണ്ടറുകളുടെ വിലയിൽ മാറ്റമില്ല.
കൂടുതൽ വാർത്തകൾ: കമ്പോള വില നിലവാരം 04/07/2023: തക്കാളി, സവാള, വഴുതന
വില വർധിപ്പിച്ചതോടെ 19 കിലോ വാണിജ്യ സിലിണ്ടറുകൾക്ക് ഡൽഹിയിൽ 1,780 രൂപയായി ഉയർന്നു. 1,773 രൂപയായിരുന്നു മുമ്പത്തെ വില. മുംബൈയിൽ 1,725 രൂപ, കൊൽക്കത്തയിൽ 1,875.50 രൂപ, ചെന്നൈയിൽ 1,937രൂപ എന്നിങ്ങനെയാണ് വില.
തുടർച്ചയായി ഏപ്രിൽ, മെയ്, ജൂൺ മാസങ്ങളിലെ എൽപിജി സിലിണ്ടറുകളുടെ വില വെട്ടിക്കുറച്ചതിനു ശേഷമാണ് കുത്തനെ വില ഉയർത്തിയത്. ഇതിനുമുമ്പ് ഈ വർഷം മാർച്ച് 1നാണ് 50 രൂപ കൂട്ടിയത്. തുടർന്ന്, 91.50 രൂപ, 171.50 രൂപ, 83.50 രൂപ എന്നിങ്ങനെ ഏപ്രിൽ, മെയ്, ജൂൺ മാസങ്ങളിൽ കുറച്ചിരുന്നു.
Image Credits:The Hindu, The Hans India