പേരക്ക വിറ്റാമിൻ സിയുടെ സമ്പന്നമായ ഉറവിടമാണെന്നും നിങ്ങളുടെ ഭക്ഷണക്രമത്തിൽ അത്യന്താപേക്ഷിതമാണെന്നും നിങ്ങൾക്ക് അറിയാം. എന്നാൽ സൗന്ദര്യ സംരക്ഷണത്തിൻ്റെ കാര്യം വരുമ്പോൾ പേരയിലയ്ക്ക് വളരെയധികം പ്രാധാന്യമുണ്ട്. കാരണം ഇത് ചർമ്മത്തിൽ ഉണ്ടാവുന്ന ചുളിവുകൾക്കെതിരെ പോരാടി ചർമ്മത്തിൻ്റെ ഭംഗി നില നിർത്തുന്നു. പേരയില അരച്ച് മുഖത്ത് ഇടുന്നത് മുഖക്കുരി ഇല്ലാതാക്കാൻ സഹായിക്കുന്നു. മാത്രമല്ല പേരയില മുടിക്കും വളരെയധികം ഗുണം ചെയ്യുമെന്ന് നിങ്ങൾക്കറിയാമോ? പഴങ്ങൾ പോലെ തന്നെ, ഇലകളും, വിറ്റാമിനുകൾ. പോഷകങ്ങൾ എന്നിവ കൊണ്ട് സമ്പന്നമാണ്.
മുടിക്ക് പേരയിലയുടെ ഗുണങ്ങൾ അത്ഭുതകരമാണ് എന്ന് തന്നെ പറയേണ്ടി ഇരിക്കുന്നു. അവയ്ക്ക് തലയോട്ടിയുടെ ആരോഗ്യം മെച്ചപ്പെടുത്താനും പരിസ്ഥിതി നാശത്തിൽ നിന്ന് നിങ്ങളുടെ തലയോട്ടിയെ സംരക്ഷിക്കാനും കഴിയും.
പേരയില കൊണ്ട് എങ്ങനെ മുടിയെ സംരക്ഷിക്കാം എന്ന് നോക്കാം...
വളർച്ചയും വോളിയവും വർദ്ധിപ്പിക്കുന്നു
വിറ്റാമിൻ സിയുടെ ഉള്ളടക്കം കാരണം നിങ്ങളുടെ തലയോട്ടിയിലെ കൊളാജൻ ഉത്പാദനം വർദ്ധിപ്പിക്കാൻ പേരക്ക സഹായിക്കുന്നു. കൊളാജൻ ഉൽപ്പാദനം വർധിക്കുന്നത് മുടിയുടെ ഉള്ള് കൂട്ടി മുടി വളർച്ച സഹായിക്കുന്നു, മാത്രമല്ല മുടി മിനുസമായി കാണപ്പെടുകയും ചെയ്യുന്നു.
ആന്റിഓക്‌സിഡന്റ് സംരക്ഷണം
വിറ്റാമിൻ സി ഈ ഇലകളിൽ ഉയർന്ന അളവിൽ അടങ്ങിയിരിക്കുന്നു, ഈ ഘടകം ഒരു ജനപ്രിയ ആന്റിഓക്‌സിഡന്റായതിനാൽ ഇത് മുടിക്ക് സംരക്ഷണം നൽകുന്നു. മുടിക്ക് പേരയ്ക്ക ഇലകളിൽ നിന്നുള്ള ആന്റിഓക്‌സിഡന്റ് സംരക്ഷണം ഫ്രീ റാഡിക്കലുകളിൽ നിന്നും മറ്റ് പാരിസ്ഥിതിക ആക്രമണങ്ങളിൽ നിന്നും സുരക്ഷ നൽകുന്നു.
തലയോട്ടി ശുദ്ധീകരിക്കുന്നു
പേരക്കയിൽ ആൻറി ബാക്ടീരിയൽ, ആന്റിഫംഗൽ ഗുണങ്ങൾ ഉള്ളതിനാൽ നിങ്ങളുടെ തലയോട്ടിയെ അണുബാധകളിൽ നിന്ന് സംരക്ഷിക്കാൻ സഹായിക്കും. വിറ്റാമിൻ സി, വേരുകൾ ശക്തമാക്കുകയും മുടി പൊട്ടാനുള്ള സാധ്യത കുറയ്ക്കുകയും ചെയ്യുന്നു. ഈ ഇലകൾക്ക് തലയോട്ടിയിലെ ബിൽഡ്-അപ്പ് നീക്കം ചെയ്യാനും എണ്ണമയം തടയാനും കഴിയും, അങ്ങനെ നിങ്ങളുടെ മുടി മിനുസമാർന്നതും സിൽക്കിയും ആയിരിക്കും എന്നതിൽ സംശയം വേണ്ട.
മുടി വളരാൻ പേരക്ക ഇലകൾ എങ്ങനെ ഉപയോഗിക്കാം
നിങ്ങളുടെ മുടി സംരക്ഷണ ദിനചര്യയിൽ മുടിക്ക് പേരക്ക എങ്ങനെ ഉപയോഗിക്കാം എന്നതിനെക്കുറിച്ച് അറിയാൻ നിങ്ങൾക്ക് ജിജ്ഞാസയുണ്ടെങ്കിൽ, ഇവിടെ കുറച്ച് ടിപ്പുകൾ പരിശോദിക്കാവുന്നതാണ്.
പേരക്കയുടെ ഇലകൾ മുടിയിൽ പുരട്ടുന്നതിന്, നിങ്ങൾ ആദ്യം അതിന്റെ പോഷകങ്ങൾ വേർതിരിച്ചെടുക്കുകയും എളുപ്പത്തിൽ ഉപയോഗിക്കുന്നതിന് വേണ്ടി പേരക്കയുടെ ലായനി ഉണ്ടാക്കുകയും വേണം. 500 മില്ലി വെള്ളമുള്ള ഒരു പാത്രത്തിൽ ഒരു പിടി പേരയില 20 മിനിറ്റ് തിളപ്പിക്കുക. നിങ്ങളുടെ മുടിയിൽ ഉപയോഗിക്കുന്നതിന് മുമ്പ് ദ്രാവകം അരിച്ചെടുത്ത് തണുപ്പിക്കുക. ഇത് നിങ്ങളുടെ മുടിയിലും തലയോട്ടിയിലും ഒരു സെറം ആയി ഉപയോഗിക്കാം അല്ലെങ്കിൽ നിങ്ങളുടെ തലയോട്ടി വൃത്തിയാക്കാൻ ഷാംപൂവിൽ കുറച്ച് മിക്സ് ചെയ്യാം. മുടികൊഴിച്ചിൽ കുറയ്ക്കാനോ മുടി വളർച്ചയെ പ്രോത്സാഹിപ്പിക്കാനോ നിങ്ങൾ ആഗ്രഹിക്കുന്നുവെങ്കിൽ, കുളിക്കുന്നതിന് 2 മണിക്കൂർ മുമ്പ് അല്ലെങ്കിൽ രാത്രി മുഴുവൻ ഈ ലായനി നിങ്ങളുടെ തലയിൽ മസാജ് ചെയ്യുക
എത്ര തവണ നിങ്ങൾ ഇത് പ്രയോഗിക്കണം
മികച്ച ഫലങ്ങൾക്കായി ആഴ്ചയിൽ രണ്ടോ മൂന്നോ തവണ പേരക്കയുടെ ഇലകൾ മുടിയിൽ പുരട്ടാം. ദിവസവും ഉപയോഗിക്കുന്നതും സുരക്ഷിതമാണ്. കാരണം ഇത് കെമിക്കൽ ഫ്രീയാണ്, പ്രകൃതി ദത്തവുമാണ്.
ബന്ധപ്പെട്ട വാർത്തകൾ: ചായയ്‌ക്കൊപ്പം കഴിക്കാൻ എണ്ണ രഹിത ലഘുഭക്ഷണങ്ങൾ