വീട്ടിലെ പഴുത്ത മാങ്ങ വച്ച് മംഗോ ബർഫി ഉണ്ടാക്കാം

മാങ്ങ വച്ച് മംഗോ ബർഫി ഉണ്ടാക്കാം 

Mango Burfi Recipe, How to make mango burfi , Mango peda

ആവശ്യമുള്ളവ :-

1) മാങ്ങ - പുളിയൻ പഴുത്തത് ഒത്ത വലുത് 3 എണ്ണം - ചെത്തി മിക്സിയിൽ അടിച്ചു എടുത്തു വെക്കുക
2) പശുവിൻ പാൽ 1/2 ലിറ്റർ
3 ) പഞ്ചസാര 1/2 കപ്പ്
4) മിൽക്ക് പൌഡർ 50 ഗ്രാം (ഡയറി വൈറ്റ്നർ വേണ്ട) - Amul - NIDO - നല്ലത് )
5) ഡെസിക്കേറ്റഡ് കോക്കനട്ട് -- (വലിയ തേങ്ങയുടെ പകുതി)
(നന്നായി വരണ്ട തേങ്ങ ചിരകി മിക്സിലിട്ട് ഒന്ന് ക്രഷ് ചെയ്തതിനു ശേഷം ചെറുതായി വറുത്ത് ചൂടാക്കുക. ഇതിൽ ജലാംശം ഇല്ലാതാവുന്നതുവരെ മാത്രം മതി - അല്ലെങ്കിൽ അസ്സൽ കൊപ്ര മിക്സിയിലിട്ട് പൊടിച്ചാലും മതി - ഇതാണ് ഡെസിക്കേറ്റഡ് കോക്കനട്ട് )
6) ഏലക്കായ് ഒന്നോ രണ്ടോ എടുത്ത് പൊടിച്ചത്
7) അണ്ടിപരിപ്പ്, ബദാം, പിസ്റ്റ - ഇവ ആവശ്യമുള്ള അളവിൽ മാത്രമെടുത്ത് വറുത്ത് നുറുക്കി എടുക്കുക
8) പശുവിൻ നെയ് -

തയ്യാറാകുന്ന വിധം:-

ചെറിയ ഉരുളിയിൽ പാലൊഴിച്ച് കുറുക്കാൻ തുടങ്ങുക , എടുത്ത പാലിന്റെ മുക്കാൽ ഭാഗമെത്തുമ്പോഴെക്കും ഇതിലേക്ക് മാങ്ങ ഇട്ട് നന്നായി ഇളക്കി മിക്സ് ചെയ്യുക - കുറുകി കൊണ്ടേയിരിക്കുന്ന അവസ്ഥയിൽ പഞ്ചസാര , പാൽ പൊടി ചേർക്കുക (പാൽ പൊടി കട്ടയാവാതിരിക്കാൻ ശ്രദ്ധിക്കണം.

പാൽ പൊടിക്കു പകരം മിൽക് മെയ്ഡ് ആയാലും മതി) നന്നായി ഇളക്കുക, തേങ്ങയും ചേർത്ത് ഇളക്കിക്കൊണ്ടേയിരിക്കണം പാത്രത്തിനടിയിൽ പിടിക്കാതിരിക്കാൻ ഒന്നോ രണ്ടോ ടീസ്പൂൺ പശുവിൻ നെയ് ഒഴിക്കണം - പാത്രത്തിൽ നിന്ന് കുമിളകൾ പൊട്ടിത്തെറിക്കുന്നത് ശ്രദ്ധിക്കണം - നന്നായി കുറുകുന്നതുവരെ ഇളക്കിക്കൊണ്ടിരിക്കണം - മുറുകി വരുമ്പോഴെക്ക് ഇഷ്ടപ്പെട്ട ആകൃതിയിലുള്ള പാത്രമെടുത്ത് അതിൽ നന്നായി പശുവിൽ നെയ്യ് പുരട്ടി , നുറുക്കി വെച്ച അണ്ടിപരിപ്പ് ബദാം, പിസ്റ്റ , പാത്രത്തിൽ കുറച്ച് വിതറിയിടുക അതിനു ശേഷം തയ്യാറാക്കിയത് ഇതിലേക്ക് കോരിയിട്ട് പരത്തി , ലെവൽ ആക്കുക ഇതിന് നെയ്യ് പുരട്ടിയ സ്പൂണോ മറ്റോ ഉപയോഗിക്കാം - നേരിയ തോതിൽ നെയ്യ് ബ്രഷ് ചെയ്തിടാം- ഉടനെ നുറുക്കി എടുത്ത ബദാം പിസ്ത അണ്ടിപരിപ്പ് വിതറി അമർത്തി ലവൽ ചെയ്യുക അതിനു ശേഷം തേങ്ങയും വിതറുക - എന്നിട്ട് തണുപ്പിക്കാൻ വെക്കുക - വളരെ സ്വാദിഷ്ടമായ വിഭവം റെഡി -

By - സീമ സുരേഷ് ബാബു.

പാൽ ഒഴിവാക്കിയും വേറൊരു രീതിയിൽ ഉണ്ടാക്കാം - നിങ്ങൾക്ക് കിട്ടുന്ന ഏത് മാങ്ങയിലും ഇത് പരീക്ഷിക്കാം. ഞങ്ങൾക്ക് കൂടുതൽ കിട്ടുന്നത് പുളിയനായതുകൊണ്ട് ഇതെടുത്തു.