കേരള കാർഷിക സർവ്വകലാശാല നടത്തിവരുന്ന അഗ്രികൾച്ചർ, അഗ്രികൾച്ചർ സയൻസ് തുടങ്ങിയ ഡിപ്ലോമ കോഴ്സുകളിലേക്ക് അപേക്ഷ ഈ മാസം 26 വരെ സമർപ്പിക്കാം. കൂടുതൽ വിവരങ്ങൾക്ക് സന്ദർശിക്കാം www.admissions.kau.in.
കാർഷിക വികസന കർഷക ക്ഷേമ വകുപ്പിന് കീഴിൽ ഓണസമൃദ്ധി 2021 എന്ന പേരിൽ ഇന്നു മുതൽ ഇരുപതാം തീയതി വരെ വിവിധ കൃഷിഭവനുകളുടെ ആഭിമുഖ്യത്തിൽ പച്ചക്കറി ചന്തകൾ സംഘടിപ്പിക്കുന്നു. കർഷക ചന്തകളുടെ വിപണന ആവശ്യത്തിന് വേണ്ടി ജൈവരീതിയിൽ കൃഷിചെയ്യുന്ന കർഷകരുടെ ഉൽപ്പന്നങ്ങൾ 10 ശതമാനം അധിക വിലക്ക് സംഭരിക്കുന്നു. ഇത് പൊതു വിപണിവിലയെക്കാൾ 30% വിലക്കുറവിൽ ഉപഭോക്താക്കൾക്ക് ലഭ്യമാക്കുന്നു. കൂടുതൽ വിവരങ്ങൾക്ക് അടുത്തുള്ള കൃഷിഭവനുമായി ബന്ധപ്പെടുക.
വലിയതുറ സ്റ്റേറ്റ് ഫോഡർ ഫാമിനോട് അനുബന്ധിച്ചുള്ള തീറ്റപ്പുൽ കൃഷി പരിശീലന കേന്ദ്രത്തിൽ നാളെ രാവിലെ 10.30 മുതൽ 'ഹൈഡ്രോപോണിക്സ് ആൻഡ് മെക്കനൈസേഷൻ' എന്ന വിഷയത്തിൽ പരിശീലനം സംഘടിപ്പിക്കുന്നു. പരിശീലനത്തിൽ പങ്കെടുക്കുവാൻ താല്പര്യമുള്ളവർ വിളിക്കേണ്ട നമ്പർ-0471 2501706.
കോഴിക്കോട് കൃഷിവിജ്ഞാന കേന്ദ്രത്തിന്റെ ആഭിമുഖ്യത്തിൽ ഇന്ന് 'അക്വേറിയം നിർമ്മാണവും പരിചരണവും' എന്ന വിഷയത്തിൽ ഓൺലൈൻ പരിശീലനം സംഘടിപ്പിക്കുന്നു. കൂടുതൽ വിവരങ്ങൾക്ക് വിളിക്കാം-9567804551.
കുടപ്പനക്കുന്ന് മൃഗസംരക്ഷണ പരിശീലന കേന്ദ്രത്തിൽ നാളെ
'പന്നി വളർത്തൽ' എന്ന വിഷയത്തിൽ ഓൺലൈൻ പരിശീലനം നടത്തുന്നു കൂടുതൽ വിവരങ്ങൾക്ക് വിളിക്കാം
0471-2732918
തൃശ്ശൂർ കൃഷി വിജ്ഞാന കേന്ദ്രത്തിൽ 45 ദിവസം പ്രായമായ ഉൽപാദന ശേഷിയുള്ള ബിവി 380 ഇനത്തിൽപ്പെട്ട കോഴി കുഞ്ഞുങ്ങൾ വിൽപ്പനയ്ക്ക്. കുഞ്ഞ് ഒന്നിന് 160 രൂപയാണ് വില. ആവശ്യക്കാർ ബന്ധപ്പെടേണ്ട നമ്പർ-
9400483754
കേരള മൃഗസംരക്ഷണ വകുപ്പിൻറെ ആലുവ ലൈവ് സ്റ്റോക്ക് മാനേജ്മെൻറ് ട്രെയിനിങ് സെന്ററിൽ നാളെ കർഷകർക്കുവേണ്ടി ഫാം ലൈസൻസ് നിയമങ്ങളെക്കുറിച്ച് ക്ലാസുകൾ നടത്തുന്നു. കൂടാതെ ഈ മാസം 25ന് പശുക്കളിലെ വന്ധ്യത-കാരണങ്ങളും, പ്രതിവിധിയും എന്ന വിഷയത്തിലും, 27ന് ടർക്കി വളർത്തൽ എന്ന വിഷയത്തിലും ക്ലാസുകൾ സംഘടിപ്പിക്കുന്നുണ്ട്. പരിശീലനപരിപാടിയിൽ പങ്കെടുക്കുവാൻ താല്പര്യമുള്ള വ്യക്തികൾ 9188522708 എന്ന മൊബൈൽ നമ്പറിൽ പേരും പരിശീലന വിഷയവും വാട്സ്ആപ്പ് സന്ദേശം അയച്ചു രജിസ്റ്റർ ചെയ്യുക.
English Summary: agri news kerala
Published on: 17 August 2021, 01:02 IST