ഈ മാസം 17 മുതൽ ആരംഭിക്കുന്ന ആമസോണിന്റെ ഗ്രേറ്റ് റിപ്പബ്ലിക് ഡേ സെയിലിൽ സ്മാർട്ട്ഫോണുകൾ, ടിവികൾ, വലിയ ഗൃഹോപകരണങ്ങൾ, വിവിധ ആമസോൺ ബ്രാൻഡ് ഡിവൈസുകൾ, എന്നിവയ്ക്ക് മികച്ച ഓഫറുകളാണ് നൽകുന്നത്.
സ്‌മാർട്ട്‌ഫോണുകൾക്കും ആക്‌സസറികൾക്കും 40 ശതമാനം വരെ കിഴിവും ക്യാമറകളും ലാപ്‌ടോപ്പുകളും പോലുള്ള ഇലക്ട്രോണിക്‌സ് ഉപകരണങ്ങൾക്ക് 70 ശതമാനം വരെ കിഴിവും സെയ്‌ലിൽ ക്രമീകരിച്ചതായാണ് ആമസോണിന്റെ വാഗ്ദാനം. ഇതുകൂടാതെ ആമസോൺ എസ്ബിഐ കാർഡ് ഉടമകൾക്ക് കിഴിവുകളും ബജാജ് ഫിൻസെർവിലെ നോ-കോസ്റ്റ് ഇഎംഐകളും, ആമസോൺ പേ, ഐസിഐസിഐ ക്രെഡിറ്റ് കാർഡ് ഉപയോക്താക്കൾക്ക് പ്രത്യേക കിഴിവുകളും വാഗ്ദാനം ചെയ്യുന്നു.
ഫ്ലിപ്കാര്‍ട്ടിന് പിന്നാലെ തകര്‍പ്പൻ ഉത്സകാല ഓഫറുകളുമായി ആമസോണും
ആമസോൺ ഗ്രേറ്റ് റിപ്പബ്ലിക്ക് ഡേ വില്പനയിലെ ചില ഡീലുകളെക്കുറിച്ചറിയാം
സ്മാർട്ട്ഫോണുകൾ - 64,999 രൂപ പ്രാരംഭവിലയുള്ള വൺപ്ലസ് 9 പ്രോയുടെ വില ആമസോൺ ഗ്രേറ്റ് റിപ്പബ്ലിക് ഡേ സെയ്ൽ ദിവസങ്ങളിൽ ആരംഭിക്കുക 54,999 രൂപ മുതലാണ്. വൺപ്ലസ് 9ന്റെ വില 54,999 രൂപയ്ക്ക് പകരം 41,999 രൂപ മുതലും വൺപ്ലസ് 9Rന്റെ വില 39,999 രൂപയ്ക്ക് പകരം 33,999 രൂപ മുതലുമാണ് ആമസോൺ ഗ്രേറ്റ് റിപ്പബ്ലിക്ക് ഡേ വില്പനയിൽ ആരംഭിക്കുക.
സാംസങ് ശ്രേണിയിൽ നിന്നും ഗാലക്‌സി M12ന്റെ 4 ജിബി റാം + 64 ജിബി സ്റ്റോറേജ് പതിപ്പിന്റെ വില ആമസോൺ സെയ്‌ലിൽ 8,550 രൂപ മാത്രമായിരിക്കും. 20,999 രൂപ വിലയുള്ള ഗാലക്‌സി M32 സെയ്ൽ സമയത്ത് 15,749 രൂപയ്ക്ക് വാങ്ങാം.
എല്ലാവര്‍ക്കും ഉന്നത നിലവാരത്തിലുള്ള വിദ്യാഭ്യാസം ലഭ്യമാക്കുക എന്ന ലക്ഷ്യത്തോടെ "ആമസോണ്‍ അക്കാദമി"
ഷഓമിയുടെ റെഡ്മി നോട്ട് 10S 8 ജിബി + 128 ജിബി സ്റ്റോറേജ് വേരിയന്റിന് 1,500 രൂപ ഡിസ്‌കൗണ്ട് ആമസോൺ ഗ്രേറ്റ് റിപ്പബ്ലിക്ക് ഡേ വില്പനയിൽ ക്രമീകരിച്ചിട്ടുണ്ട്. 26,999 രൂപ മുതൽ വിലയാരംഭിക്കുന്ന ഷഓമി 11 ലൈറ്റ് എൻഇ 5ജി 21,499 രൂപയ്ക്ക് സ്വന്തമാക്കാനും ആമസോൺ ഗ്രേറ്റ് റിപ്പബ്ലിക്ക് ഡേ വില്പന അവസരമൊരുക്കും.
ഇവ കൂടാതെയുള്ള സ്മാർട്ട്ഫോൺ ഡീലുകൾ നിങ്ങൾക്ക് ആമസോൺ വെബ്‌സൈറ്റിൽ കണ്ടെത്താം.
സ്മാർട്ട് ടിവി - 10,500 രൂപ വിലക്കിഴിവോടെ റെഡ്മി 32 ഇഞ്ച് സ്മാർട്ട് ടിവി ഗ്രേറ്റ് റിപ്പബ്ലിക്ക് ഡേ വില്പനയിൽ 13,499 രൂപയ്ക്ക് വാങ്ങാം. 12,000 രൂപ ഡിസ്‌കൗണ്ടിന് ശേഷം 32,999 രൂപയ്ക്ക് റെഡ്മി എക്‌സ് 50 സ്മാർട്ട് ടിവി വാങ്ങാം. സാംസങ്ങിന്റെ 43 ഇഞ്ച് ക്രിസ്റ്റൽ 4കെ ടിവി 16,000 രൂപയുടെ ഡിസ്‌കൗണ്ടിന് ശേഷം 36,990 രൂപയ്ക്ക് വാങ്ങാം. 43 ഇഞ്ച് വൺപ്ലസ് Y1 ഫുൾ-എച്ച്ഡി ടിവിയ്ക്ക് 25,999 രൂപയാണ് ആമസോൺ ഗ്രേറ്റ് റിപ്പബ്ലിക്ക് ഡേ വില്പനയിൽ ക്രമീകരിച്ചിരിക്കുന്നത്.