അത്തം കറുത്താൽ ഓണം വെളുക്കും എന്നാണ് മലയാളികളുടെ വിശ്വാസം. കേരളത്തിൽ പലയിടങ്ങളിലും ഇന്നലെ മഴ സജീവമായിരുന്നു. അതുകൊണ്ടുതന്നെ പൊന്നോണ നാളിൽ മഴയ്ക്ക് സാധ്യതയുണ്ട്. ഒഡീഷ തീരത്ത് രൂപപ്പെടുന്ന ന്യൂനമർദ്ദം സംസ്ഥാനത്ത് മഴ സാധ്യത വർധിപ്പിക്കുന്നു. തമിഴ്നാട് തീരത്ത് പതിനഞ്ചാം തീയതി രൂപപ്പെടുന്ന ചക്രവാത ചുഴി കേരളത്തിൽ തിരുവോണനാളിൽ മഴയുണ്ടാകുമെന്ന ആശങ്കയും നിലനിൽക്കുന്നു.
മഴയുടെ ശക്തി ഏറിയും കുറഞ്ഞും ഇടവേളകളോടെ എല്ലാ ജില്ലകളിലും ഇന്ന് മഴ ലഭിക്കും. വടക്കൻ കേരളത്തിൽ താരതമ്യേന മഴ കൂടും. മേഘാവൃതമായ അന്തരീക്ഷം ആയിരിക്കും കേരളത്തിലുടനീളം കാണപ്പെടുക.
മത്സ്യത്തൊഴിലാളി ജാഗ്രത നിർദ്ദേശം(Fisherman caution)
കേരള - ലക്ഷദ്വീപ് - കർണാടക തീരങ്ങളിൽ മത്സ്യബന്ധനത്തിനു തടസമില്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു.
പ്രത്യേക ജാഗ്രത നിർദേശം
13-08-2021: തെക്ക്- പടിഞ്ഞാറൻ ബംഗാൾ ഉൾക്കടലിലും, തെക്ക്- കിഴക്കൻ ബംഗാൾ ഉൾക്കടലിൻറെ സമീപത്തും മണിക്കൂറിൽ 40 മുതൽ 50 കി.മീ വരെയും ചില അവസരങ്ങളിൽ 60 കി.മീ വരെയും വേഗതയിൽ വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
14-08-2021 മുതൽ 16-08-2021 വരെ: തെക്ക്, മധ്യ- പടിഞ്ഞാറൻ ബംഗാൾ ഉൾക്കടലിൽ മണിക്കൂറിൽ 40 മുതൽ 50 കി.മീ വരെയും ചില അവസരങ്ങളിൽ 60 കി.മീ വരെയും വേഗതയിൽ വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
13-08-2021 മുതൽ 16-08-2021 വരെ: തെക്ക് പടിഞ്ഞാറ്, മധ്യ പടിഞ്ഞാറ് അറബിക്കടലിൽ മണിക്കൂറിൽ 50 മുതൽ 60 കി.മീ വരെയും ചില അവസരങ്ങളിൽ 70 കി.മീ വരെയും വേഗതയിൽ വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
മേൽ പറഞ്ഞ ദിവസങ്ങളിൽ പ്രസ്തുത പ്രദേശങ്ങളിൽ മത്സ്യബന്ധനത്തിന് പോകാൻ പാടുള്ളതല്ല.
English Summary: daily weather update13/8/21
Published on: 13 August 2021, 05:46 IST