വിഷു-ഈസ്റ്റര്‍ ലക്ഷ്യമിട്ട് കൃഷി ചെയ്ത ഉല്പന്നങ്ങള്‍ കൃഷി വകുപ്പ് കര്‍ഷക വിപണി വഴി സംഭരിക്കുമെന്ന് മുഖ്യമന്ത്രി അറിയിച്ചു. കര്‍ഷകര്‍ ഈ വിപണികളെ പ്രയോജപ്പെടുത്തണമെന്നും അദ്ദേഹം ആവശ്യപ്പെട്ടു.നിലവിലെ സാഹചര്യങ്ങള്‍ കാരണം കര്‍ഷകര്‍ക്ക് ഉല്പന്നങ്ങള്‍ വിറ്റഴിക്കാന്‍ ബുദ്ധിമുട്ട് കാണുന്നുണ്ട്.വിഷു ഈസ്റ്റര്‍ വിപണി സജീവമാേകണ്ട ഘട്ടമാണ് ഇത്. ഈ ഘട്ടത്തില്‍ അധികമായി ഉല്പാദിപ്പിക്കപ്പെട്ട പച്ചക്കറികള്‍ വിപണി കിട്ടാതെ പാഴാകുന്നത് കര്‍ഷകരെ സാരമായി ബാധിക്കും അതുകൊണ്ട് കൃഷി വകുപ്പ് കര്‍ഷക വിപണികള്‍ വഴി പച്ചക്കറികള്‍ സംഭരിക്കുന്നതിന് തീരുമാനിച്ചിട്ടുണ്ട്. കര്‍ഷകര്‍ ഈ വിപണികളെ പ്രയോജനപ്പെടുത്തണം. കര്‍ഷകര്‍ക്ക് മാത്രമല്ല സുരക്ഷിത സമൂഹത്തിനും ലഭ്യമാകുന്നതിന് ഇത് സഹായകമാകും.
പഴം, പച്ചക്കറി വ്യാപാരികള്‍ അവര്‍ വില്‍ക്കുന്ന ഉല്പന്നങ്ങളില്‍ പ്രാദേശികമായി ലഭ്യമാകുന്നത് കേരളത്തിലെ കര്‍ഷകരില്‍നിന്ന സംഭരിക്കാന്‍ തയ്യാറാകണമെന്ന് ഈ ഘട്ടത്തില്‍ അഭ്യര്‍ഥിക്കുകയാണ്. മുഖ്യമന്ത്രി പറഞ്ഞു.