കേരളത്തിൽ ജൂലൈ 21 വരെ ശക്തമായ മഴ പെയ്യുമെന്ന് കാലാവസ്ഥാ നിരീക്ഷണ കേന്ദ്രം പ്രവചിച്ചു. ഏറ്റവും പുതിയ പ്രവചനമനുസരിച്ച്, തിരുവനന്തപുരം, പത്തനംതിട്ട, കോട്ടയം, ഇടുക്കി, തൃശൂർ, എറണാകുളം, പാലക്കാട്, മലപ്പുറം, വയനാട്, കോഴിക്കോട്, കണ്ണൂർ എന്നിവിടങ്ങളിൽ തോരാത്ത മഴ ലഭിക്കും.
24 മണിക്കൂറിനുള്ളിൽ ബംഗാൾ ഉൾക്കടലിന്റെ വടക്ക്-പടിഞ്ഞാറൻ ഭാഗത്ത് ചുഴലിക്കാറ്റ് രൂപപ്പെടുമെന്ന് പ്രതീക്ഷിക്കുന്നതായും കേന്ദ്രം അറിയിച്ചു. ഇതിന്റെ സ്വാധീനത്തിൽ കേരളത്തിൽ കനത്ത മഴ പെയ്യുമെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. കോഴിക്കോട്, കണ്ണൂർ, കാസർകോട് ജില്ലകളിൽ വെള്ളിയാഴ്ച്ച വരെ യെല്ലോ അലർട്ട് പ്രഖ്യാപിച്ചിട്ടുണ്ട്.
മൂന്ന് ജില്ലകൾക്കൊപ്പം എറണാകുളത്തും വെള്ളിയാഴ്ച്ച യെല്ലോ അലർട്ട് പ്രഖ്യാപിച്ചിട്ടുണ്ട്. ഈ ജില്ലകളിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ ലഭിക്കാൻ സാധ്യതയുള്ള കനത്ത മഴയാണ് പ്രതീക്ഷിക്കുന്നത്. കോഴിക്കോട്, കണ്ണൂർ, കാസർകോട് എന്നിവിടങ്ങളിലെ മത്സ്യത്തൊഴിലാളികൾ ജൂലൈ 21 വരെ കേരള തീരത്ത് കടലിൽ പോകരുതെന്ന് നിർദേശമുണ്ട്. ഈ കാലയളവിൽ കേരള-ലക്ഷദ്വീപ് തീരങ്ങളിൽ 40 മുതൽ 55 കിലോമീറ്റർ വരെ വേഗതയിൽ കാറ്റ് വീശാൻ സാധ്യതയുണ്ട്.
ബന്ധപ്പെട്ട വാർത്തകൾ: യമുന നദിയിലെ വെള്ളം താജ്മഹലിലെ പൂന്തോട്ടത്തിലും എത്തി
Pic Courtesy: Pexels.com