കേരള യൂണിവേഴ്സിറ്റി എംപ്‌ളോയ്‌മെന്റ് ഇൻഫർമേഷൻ ആന്റ് ഗൈഡൻസ് ബ്യൂറോയിൽ പ്രവർത്തിക്കുന്ന, കേന്ദ്ര സംസ്ഥാന സർക്കാരുകളുടെ സംയുക്ത സംരംഭമായ മോഡൽ കരിയർ സെന്റർ സൗജന്യ പ്ലേസ്മെന്റ് ഡ്രൈവ് സംഘടിപ്പിക്കുന്നു.
തിരുവനന്തപുരം പി.എം.ജിയിലുള്ള സ്റ്റുഡന്റ്‌സ് സെന്ററിലെ യൂണിവേഴ്സിറ്റി എംപ്‌ളോയ്‌മെന്റ് ഇൻഫർമേഷൻ ആന്റ് ഗൈഡൻസ് ബ്യൂറോയിൽ 19ന് രാവിലെ 10.30 ന് നടക്കുന്ന പ്ലേസ്മെന്റ് ഡ്രൈവിൽ Craysol Technologies, Liscom Solutions, Haydan Trading Est. എന്നീ കമ്പനികൾ പങ്കെടുക്കും. ബി.സി.എ/ബി.ടെക്/ബി.എസ്‌സി കമ്പ്യൂട്ടർ സയൻസ്/ഡിപ്ലോമ/ഡിഗ്രി യോഗ്യതയുള്ള ഉദ്യോഗാർത്ഥികൾക്ക് വിവിധ തസ്തികകളിലെ 111 ഓളം ഒഴിവുകളിലാണ് പ്ലേസ്മെന്റ് ഡ്രൈവ് നടത്തുന്നത്.
ഉദ്യോഗാർത്ഥികൾ 15ന് രാത്രി 12 മണിക്ക് മുൻപ് http://bit.ly/3wiGpQh എന്ന ലിങ്ക് വഴി പേര് രജിസ്റ്റർ ചെയ്യണം. വിശദവിവരങ്ങൾക്ക് www.facebook.com/MCCTVM എന്ന ലിങ്ക് സന്ദർശിക്കുക. സംശയ നിവാരണത്തിനായി 0471-2304577 എന്ന നമ്പറിൽ ബന്ധപ്പെടാം.