കേരള കാര്‍ഷിക സര്‍വ്വകലാശാല ഇ പഠന കേന്ദ്രത്തിന്‍റെ ഓണ്‍ലൈന്‍ സര്‍ട്ടിഫിക്കറ്റ് കോഴ്സിലേക്ക് അപേക്ഷ ക്ഷണിക്കുന്നു

കേരള കാര്‍ഷിക സര്‍വ്വകലാശാലയുടെ കീഴിലുള്ള ഇ-പഠന കേന്ദ്രത്തിന്റെ (സെന്റര്‍ ഫോര്‍ ഇ-ലേണിംഗ്) ആഭിമുഖ്യത്തില്‍ നടപ്പിലാക്കുന്ന Organic Agriculture Management എന്ന ഓണ്‍ലൈന്‍ പഠന സര്‍ട്ടിഫിക്കറ്റ് കോഴ്സിലേക്ക് അപേക്ഷ ക്ഷണിക്കുന്നു. ആറ് മാസമാണ് കോഴ്സിന്‍റെ കാലാവധി. ഇംഗ്ലീഷ് ഭാഷയാണ്‌ പഠന മാദ്ധ്യമം. 50 % മാര്‍ക്കോടുകൂടി SSLC / തത്തുല്ല്യ വിദ്യാഭ്യാസമാണ് ഏറ്റവും കുറഞ്ഞ യോഗ്യത. അപേക്ഷകര്‍ക്ക്‌ സ്വന്തമായി ഇ-മെയില്‍ ഐ.ഡിയും മൊബൈല്‍ഫോണ്‍ നമ്പറും നിര്‍ബന്ധമായും ഉണ്ടായിരിക്കേണ്ടതാണ്.

SSLC, പ്രീഡിഗ്രി / പ്ലസ്‌ ടു / വി.എച്ച്.എസ്.ഇ. എന്നിവയില്‍ ഏതെങ്കിലും / തത്തുല്ല്യമോ, ഉയര്‍ന്നതോ ആയ മറ്റു വിദ്യാഭ്യാസ യോഗ്യത എന്നിവ തെളിയിക്കുന്ന സ്വയം സാക്ഷ്യപ്പെടുത്തിയ സര്‍ട്ടിഫിക്കറ്റിന്റെ സ്കാന്‍ ചെയ്ത് പകര്‍പ്പ് celkau@gmail.com എന്ന ഇമെയില്‍ വിലാസത്തിലേക്ക്‌ അയക്കേണ്ടതാണ്. പ്രായപരിധിയില്ലാതെ ഏത് ജോലി ചെയ്യുന്നവര്‍ക്കും മറ്റു കോഴ്സുകള്‍ പഠിക്കുന്നവര്‍ക്കും ലോകത്തിന്റെ വിവിധ ഭാഗത്ത് താമസിക്കുന്നവര്‍ക്കും ഈ കോഴ്സിന് അപേക്ഷിക്കാവുന്നതാണ്.

നിശ്ചിത യോഗ്യതയുള്ളവര്‍ 67368597330 എന്ന അക്കൗണ്ട്‌ നമ്പറിലേക്ക് ഓണ്‍ലൈന്‍ ബാങ്കിംഗ് വഴിയോ NEFT വഴിയോ ചുവടെ ചേര്‍ത്തിട്ടുള്ള കോഴ്സ് ഫീസ്‌ അടച്ചതിനു ശേഷം (Account type: Savings, S.B.I. K.A.U Branch Vellanikkara, IFSC Code : SBIN0070670, Branch Code: 000670, Favouring : Director, Center for e-learning) www.celkau.in എന്ന വെബ്സൈറ്റിലെ ‘ഓണ്‍ലൈന്‍ കോഴ്സ്’ എന്ന ലിങ്കില്‍ നിന്നും രജിസ്ട്രേഷന്‍ ഫോറം സമര്‍പ്പിക്കാവുന്നതാണ്
രജിസ്റ്റര്‍ ചെയ്യേണ്ട അവസാന തീയതി : 2021 ഏപ്രില്‍ 11

ഫീസ്‌ നിരക്കുകള്‍:
ഒരു വ്യക്തി/ പഠിതാവ് : 6500 രൂപ
വിദ്യാര്‍ഥികള്‍ : 3250 രൂപ
20 പേര്‍ അടങ്ങുന്ന ഗ്രൂപ്പ്‌ : 5000 രൂപ/ പഠിതാവ്
50 പേര്‍ അടങ്ങുന്ന ഗ്രൂപ്പ്‌ : 4000 രൂപ/ പഠിതാവ്
100 പേര്‍ അടങ്ങുന്ന ഗ്രൂപ്പ്‌ : 3250 രൂപ/ പഠിതാവ്

2021 ഏപ്രില്‍ മാസം 12-)0 തീയതി ഓണ്‍ലൈന്‍ ക്ലാസ്സുകള്‍ ആരംഭിക്കുന്നതാണ്. കൂടുതല്‍ വിശദശാംശങ്ങള്‍ പ്രസ്തുത വെബ്സൈറ്റില്‍ ലഭ്യമാണ്. 

സംശയങ്ങള്‍ക്കായി celkau@gmail.com എന്ന ഇ-മെയില്‍ വിലാസത്തിലും 9567190858 , 7356161599 എന്നീ ഫോണ്‍ നമ്പറുകളിലും ബന്ധപ്പെടാവുന്നതാണ്.