പി എം കിസാൻ സമ്മാൻ നിധി യോജനയുടെ ഗുണഭോക്താക്കൾ ശ്രദ്ധിക്കുക, നിർബന്ധിത ഇ-കെവൈസി പൂർത്തിയാക്കാനുള്ള സമയപരിധി ഓഗസ്റ്റ് 31 വരെ മാത്രമാണ്. ചെയ്യാൻ ബാക്കി ഉള്ളവർ എത്രയും പെട്ടെന്ന് ചെയ്യേണ്ടതാണ്, ജൂലൈ 31 വരെയായിരുന്ന സമയ പരിധി ഓഗസ്റ്റ് 31 വരെയാക്കി കേന്ദ്ര സർക്കാർ നീട്ടിയിരുന്നു.
പിഎം കിസാൻ പോർട്ടലിലെ അറിയിപ്പ് അനുസരിച്ച്, "എല്ലാ പിഎംകിസാൻ ഗുണഭോക്താക്കൾക്കുമുള്ള ഇകെവൈസിയുടെ സമയപരിധി 2022 ഓഗസ്റ്റ് 31 വരെ നീട്ടിയിരിക്കുന്നു." പിഎംകിസാൻ രജിസ്റ്റർ ചെയ്ത കർഷകർക്ക് ഇ-കെവൈസി നിർബന്ധമാണ്. PM KISAN പോർട്ടലിൽ OTP അടിസ്ഥാനമാക്കിയുള്ള eKYC ലഭ്യമാണ്. അല്ലെങ്കിൽ ബയോമെട്രിക് അധിഷ്‌ഠിത ഇകെവൈസിയ്‌ക്കായി അടുത്തുള്ള സിഎസ്‌സി കേന്ദ്രങ്ങളുമായി ബന്ധപ്പെടാവുന്നതാണ് എന്നാണ് വെബ്‌സൈറ്റിൽ പറയുന്നത്.
പ്രധാനമന്ത്രി കിസാൻ സമ്മാൻ നിധി യോജനയുടെ ഏറ്റവും പുതിയ ഗഡുവിനായി കാത്തിരിക്കുന്ന കർഷക ഗുണഭോക്താക്കൾക്ക് ഇകെവൈസി പൂർത്തിയാക്കാൻ ഇത് നിർബന്ധമാണ്. 2022 സെപ്‌റ്റംബർ 1-ഓടെ അടുത്ത ഗഡുവിൻ്റെ തീയതി പുറത്തുവരാൻ സാധ്യതയുണ്ടെന്നാണ് റിപ്പോർട്ടുകൾ സൂചിപ്പിക്കുന്നത്.
പിഎം-കിസാൻ പദ്ധതിക്ക് കീഴിൽ, ഭൂമി കൈവശമുള്ള എല്ലാ കർഷക കുടുംബങ്ങൾക്കും പ്രതിവർഷം 6000 രൂപ സാമ്പത്തിക ആനുകൂല്യം ലഭിക്കുന്ന അതായത് ഓരോ 4 മാസത്തിലും 2000 രൂപ വീതം മൂന്ന് തുല്യ ഗഡുക്കളായി നൽകുന്ന കേന്ദ്ര സർക്കാർ പദ്ധതിയാണ് പിഎം കിസാൻ.
ഗുണഭോക്താക്കൾക്ക് ഇ-കെവൈസി പ്രക്രിയ പൂർത്തിയാക്കാനുള്ള നടപടി ക്രമങ്ങൾ
ഘട്ടം 1: PM കിസാൻ്റെ ഔദ്യോഗിക വെബ്‌പേജ് സന്ദർശിക്കുക https://pmkisan.gov.in/
ഘട്ടം 2: പേജിന്റെ വലതുവശത്ത് ലഭ്യമായ eKYC ഓപ്ഷനിൽ ക്ലിക്ക് ചെയ്യുക
ഘട്ടം 3: ആധാർ കാർഡ് നമ്പർ, ക്യാപ്‌ച കോഡ് എന്നിവ നൽകി Search ക്ലിക്കുചെയ്യുക
ഘട്ടം 4: ആധാർ കാർഡുമായി ബന്ധിപ്പിച്ച മൊബൈൽ നമ്പർ നൽകുക
ഘട്ടം 5: 'Get OTP' ക്ലിക്ക് ചെയ്ത് നിർദ്ദിഷ്ട ഫീൽഡിൽ OTP നൽകുക.
എല്ലാ വിശദാംശങ്ങളും പൊരുത്തപ്പെടുന്നുവെങ്കിൽ, eKYC പൂർത്തിയാകും; അല്ലെങ്കിൽ, അത് അസാധുവായി അടയാളപ്പെടുത്തും. അങ്ങനെ സംഭവിക്കുകയാണെങ്കിൽ, ബന്ധപ്പെട്ട വ്യക്തി പ്രാദേശിക ആധാർ സേവാ കേന്ദ്രവുമായി ബന്ധപ്പെടണം.
പിഎം കിസാൻ യോജന പതിനൊന്നാം ഗഡു
10 കോടിയിലധികം ഇന്ത്യൻ കർഷകരുടെ കാത്തിരിപ്പിന് വിരാമമിട്ട് പ്രധാനമന്ത്രി കിസാൻ സമ്മാൻ നിധി (പിഎം-കിസാൻ) പദ്ധതിക്ക് കീഴിലുള്ള സാമ്പത്തിക ആനുകൂല്യങ്ങളുടെ പതിനൊന്നാം ഗഡു പ്രധാനമന്ത്രി നരേന്ദ്ര മോദി മെയ് 31ന് പുറത്തിറക്കിയിരുന്നു. ഹിമാചൽ പ്രദേശിലെ ഷിമയിൽ നടന്ന ‘ഗരീബ് കല്യാൺ സമ്മേളന’ത്തെ അഭിസംബോധന ചെയ്തുകൊണ്ട് പ്രധാനമന്ത്രി മോദി രാജ്യത്തുടനീളമുള്ള 100 ദശലക്ഷം ഗുണഭോക്താക്കൾക്ക് ഏകദേശം 21,000 കോടി രൂപ വിതരണം ചെയ്തിരുന്നു.
ബന്ധപ്പെട്ട വാർത്തകൾ : മാസ വരുമാനം നേടിത്തരുന്ന ഈ ഇൻഷൂറൻസിനെ കുറിച്ച് കൂടുതലറിയാം