ഓരോ തുള്ളിയും സൂക്ഷിച്ച് ഉപയോഗിക്കണമെന്ന് വെറുതെ ഓർമിപ്പിക്കുക മാത്രമല്ല, ഭാവിയുടെ സുസ്ഥിരതയ്ക്കായി പ്രകൃതിയിലെ ഓരോ ഉറവയെയും സംരക്ഷിക്കേണ്ടതിന്റെ ആവശ്യകതയും അതിക്രമിച്ചു കഴിഞ്ഞു എന്ന് കൂടി ഓർമിപ്പിക്കുകയാണ് മാർച്ച് 22- ആഗോള ജല ദിനം.
ബന്ധപ്പെട്ട വാർത്തകൾ: ഇന്ന് ലോക ജലദിനം
ഭൂഗർഭജലം ഇന്ത്യയുടെ ജീവനാഡിയാണ്. ഗ്രാമീണ മേഖലയിലെ കുടിവെള്ള വിതരണത്തിന്റെ 85 ശതമാനവും ഭൂഗർഭജലത്തിൽ നിന്നുമാണ്. നഗരങ്ങളിലെ കുടിവെള്ളത്തിന്റെ 65 ശതമാനം കണക്കാക്കുകയാണെങ്കിൽ അതിലും ഭൂഗർഭജലമാണ് വിനിയോഗിക്കുന്നത്. ഇതിന് പുറമെ കൃഷി ആവശ്യങ്ങൾക്കുള്ള ജലസേചനത്തിൽ 65 ശതമാനവും ഈ മാർഗത്തിലൂടെയാണ് ലഭ്യമാക്കുന്നത്. വ്യാവസായിക പ്രവർത്തനങ്ങളുടെ കാര്യത്തിലും ഭൂരിഭാഗം ജലം ലഭിക്കുന്നത് ഭൂഭർഭ ജലത്തിലൂടെയാണ്. അതായത്, 55 ശതമാനം.
കഴിഞ്ഞ വർഷങ്ങളിൽ ഇന്ത്യയിലുടനീളമുള്ള കർഷക സമൂഹങ്ങളും ശ്രദ്ധേയമായ നിരവധി ജലസംരക്ഷണ നടപടികൾ നടപ്പിലാക്കിയിട്ടുണ്ട്.
ബന്ധപ്പെട്ട വാർത്തകൾ: ജല്‍ ജീവന്‍ മിഷന്‍: മുഴുവന്‍ കുടുംബങ്ങള്‍ക്കും കുടിവെള്ളമെത്തിക്കാനുള്ള നടപടികള്‍ വേഗത്തിലാക്കും
കഴിഞ്ഞ ആഴ്‌ച റോമിൽ നടന്ന ഒരു സമ്മേളനത്തിൽ, 2022ലെ ലോക ജലദിനത്തിന്റെ വിഷയം IGRAC നിർദേശിച്ചത് പ്രകാരം 'ഭൂഗർഭജലം: അദൃശ്യമായിരിക്കുന്നതിനെ ദൃശ്യമാക്കുക' എന്നതായിരിക്കുമെന്ന് അറിയിച്ചിരുന്നു. ഇറ്റലിയിലെ റോമിൽ IFAD ആസ്ഥാനത്ത് വച്ചായിരുന്നു യുഎൻ-ജല ഉച്ചകോടിയുടെ മുപ്പതാം പതിപ്പ് സംഘടിപ്പിച്ചത്.
ബന്ധപ്പെട്ട വാർത്തകൾ: ജൽ ശക്തി അഭ്യാൻ; 1,42,000 കോടി രൂപയുടെ കേന്ദ്ര ധനസഹായം, കേരളത്തിന് ലഭിക്കുന്ന ആനുകൂല്യങ്ങൾ
ജലത്തിന്റെ ഉപയോഗം, കാര്യക്ഷമത, സംരക്ഷണം എന്നിവ ഉറപ്പാക്കുന്നതിന് വേണ്ടി കൃഷിയിടത്തിലെ സുസ്ഥിരതയും സാങ്കേതിക വിദ്യകളും വിപുലീകരിക്കുകയും, അതുപോലെ കാർഷികോത്പാദനം മെച്ചപ്പെടുത്തുന്നതിനുമായി ഈ ലോക ജല ദിനം സ്വാധീനിക്കുന്നു.
ലോക ജലദിനത്തിൽ കൃഷി ജാഗരൺ (Krishi Jagran On World Water Day)
ലോകമെമ്പാടുമുള്ള കർഷകരുടെ ജീവിതവും ഉപജീവനവും കൂടുതൽ മെച്ചപ്പെടുത്തുന്നതിനും, അവരുടെ പ്രതിസന്ധികൾക്ക് പരിഹാരങ്ങളും അറിവുകളും പ്രദാനം ചെയ്യുന്നതിനും ഈ ദിനം സഹായിക്കുന്നു. കൃഷിയിൽ ജലത്തിന്റെ സുസ്ഥിരമായ ഉപയോഗത്തെക്കുറിച്ച് കർഷകരെ ബോധവത്കരിക്കുന്നതിന് ഈ മേഖലയിലെ പ്രശസ്തരായ വ്യക്തിത്വങ്ങൾക്കൊപ്പം കൃഷി ജാഗരൺ ഒരു വെബ്ബിനാർ സംഘടിപ്പിക്കുന്നുണ്ട്.
ബന്ധപ്പെട്ട വാർത്തകൾ: നാലു വര്‍ഷം കൊണ്ട് പാല്‍ ഉൽപ്പാദനത്തില്‍ കേരളത്തെ ഒന്നാമതെത്തിക്കുക ലക്ഷ്യം: മന്ത്രി ജെ. ചിഞ്ചുറാണി
എഫ്എംസി ഇന്ത്യ(FMC India)യുമായി സഹകരിച്ച്, ലോക ജലദിന(മാർച്ച് 22)ത്തിൽ 'കൃഷിയിൽ ജലത്തിന്റെ സുസ്ഥിരമായ ഉപയോഗം' എന്ന വിഷയത്തിൽ കൃഷി ജാഗരൺ വെബ്ബിനാർ സംഘടിപ്പിക്കുന്നു. 2022 മാർച്ച് 22ന് വൈകുന്നേരം 3 മണിക്കാണ് വെർച്വൽ പരിപാടി നടത്തുന്നത്.
വെബ്ബിനാറിലെ പ്രധാന ചർച്ചാവിഷയങ്ങൾ (Major Toipcs of Discussion In Webinar)
ഗ്രാമതലത്തിൽ കാലാനുസൃതമായ (ഉപരിതലവും ഭൂഗർഭജലവും) ജലലഭ്യത വിലയിരുത്തൽ
-
ഗാർഹിക, കാർഷിക, ഉപജീവന ആവശ്യങ്ങൾക്കും കന്നുകാലി വളർത്തലിനും വേണ്ടി നിലവിലുള്ളതും കണക്കുകൂട്ടിയിട്ടുള്ളതുമായ ജലത്തിന്റെ ആവശ്യകത വിലയിരുത്തൽ
-
നിലവിലെ ജലലഭ്യതയും ഭാവിയിലെ ആവശ്യവും തമ്മിലുള്ള താരതമ്യത്തിനൊപ്പം,
ഗാർഹിക ഭക്ഷ്യസുരക്ഷയും വിപണി ആവശ്യങ്ങളും കണക്കുകൂട്ടുമ്പോൾ, ശുദ്ധജല ലഭ്യതയെ അടിസ്ഥാനമാക്കി വിളകളും വിള രീതികളും തെരഞ്ഞെടുക്കുക
-
ഡ്രിപ്പ് ഇറിഗേഷൻ, സ്പ്രിംഗളറുകൾ, പുതയിടൽ തുടങ്ങിയ ജലസംരക്ഷണ സാങ്കേതികവിദ്യകൾ അവതരിപ്പിക്കുകയും കൂടുതൽ ജലസംഭരണം പ്രോത്സാഹിപ്പിക്കുകയും ചെയ്യുക
-
സപ്ലൈ-ഡ്രൈവിൽ നിന്ന് ഡിമാൻഡ് സൈഡ് മാനേജ്മെന്റ് സമീപനത്തിലേക്കുള്ള മാറ്റം
ബന്ധപ്പെട്ട വാർത്തകൾ: നാളികേര വെള്ളത്തിൻറെ ഗുണങ്ങളും പാർശ്വഫലങ്ങളും