കാനറാ ബാങ്കിൽ ചീഫ് ഡിജിറ്റൽ ഓഫീസർ തസ്തികയിൽ ഒഴിവുണ്ട്. കരാർ അടിസ്ഥാനത്തിൽ ആയിരിക്കും നിയമനം. താൽപ്പര്യമുള്ള ഉദ്യോഗാർത്ഥികൾക്ക് കാനറാ ബാങ്കിന്റെ ഔദ്യോഗിക വെബ്സൈറ്റായ canarabank.com സന്ദർശിക്കാം.
അപേക്ഷ ലഭിക്കേണ്ട അവസാന തീയതി ജൂൺ 30 ആണ്.
ബി.ഇ/ ബി.ടെക്, എം.ബി.എ, പ്രോജക്ട് മാനേജ്മെന്റിൽ സർട്ടിഫിക്കേഷൻ എന്നീ യോഗ്യതകളുള്ളവർക്ക് അപേക്ഷിക്കാൻ അർഹതയുണ്ട്.
ബി.എഫ്.എസ്.ഐ സെക്ടറിൽ 10 വർശത്തെ പ്രവൃത്തി പരിചയവും സ്കെയിൽ 4 ഡിവിഷണൽ/ ചീഫ് മാനേജർ അല്ലെങ്കിൽ അതിന് മുകളിലുള്ള തസ്തികയിൽ നിലവിൽ ജോലി ചെയ്യുന്നവരായിരിക്കണം.
ഉദ്യോഗാർത്ഥികൾ സമർപ്പിക്കുന്ന സർട്ടിഫിക്കറ്റുകളുടെയും മറ്റ് രേഖകളുടെയും അടിസ്ഥാനത്തിൽ ഷോർട്ട്ലിസ്റ്റ് തയ്യാറാക്കും. അന്തിമ തെരഞ്ഞെടുപ്പ് അഭിമുഖത്തിൽ ലഭിക്കുന്ന മാർക്കിന്റെ അടിസ്ഥാനത്തിലായിരിക്കും.
അപേക്ഷിക്കാനായി ആദ്യം കാനറാ ബാങ്കിന്റെ ഔദ്യോഗിക വെബ്സൈറ്റ് സന്ദർശിക്കുക. ഹോം പേജിൽ കാണുന്ന Careers-- Recruitment ലിങ്കിൽ ക്ലിക്ക് ചെയ്തതിന് ശേഷം Recruitment Project - 1/2021 - Chief Digital Officer on Contract Basis ൽ ക്ലിക്ക് ചെയ്യുക.
തുടർന്ന് അപേക്ഷ ഡൗൺലോഡ് ചെയ്യാം. അപേക്ഷാ ഫോമിലെ വിവരങ്ങൾ ഓഫ്ലൈനായി പൂരിപ്പിക്കുക. ഇതൊടൊപ്പം ഈയടുത്ത കാലത്തെടുത്ത പാസ്പോർട്ട് സൈസ് കളർ ഫോട്ടോ ഒട്ടിക്കണം. നിശ്ചിത സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ ഫോട്ടോകോപ്പികളും ഇതിനോടൊപ്പം അയക്കേണ്ടതായിട്ടുണ്ട്. അപേക്ഷ he Senior Manager Canara Bank Recruitment Cell, H R Wing Head Office, 112, J C Road Bengaluru - 560 002 എന്ന വിലാസത്തിലേക്ക് രജിസ്റ്റേർഡ് ആയോ സ്പീഡ് പോസ്റ്റായോ അയക്കണം.
അപേക്ഷാ കവറിന് മുകളിൽ Application for Chief Digital Officer on Contract Basis എന്നെഴുതാൻ മറക്കരുത്.