നാഷണൽ റെയിൽ ആന്റ് ട്രാൻസ്പോർട്ടേഷൻ ഇൻസ്റ്റിറ്റ്യൂട്ടിലെ ഒഴിവുകളിലേക്ക് അപേക്ഷിക്കാം

അനധ്യാപക തസ്തികകളിലെ മൂന്ന് വർഷത്തെ കരാർ നിയമനത്തിന് നാഷണൽ റെയിൽ ആന്റ് ട്രാൻസ്പോർട്ടേഷൻ ഇൻസ്റ്റിറ്റ്യൂട്ട് അപേക്ഷ ക്ഷണിച്ചിട്ടുണ്ട്. ഓൺലൈനായാണ് അപേക്ഷ സമർപ്പിക്കേണ്ടത്

നാഷണൽ റെയിൽ ആന്റ് ട്രാൻസ്പോർട്ടേഷൻ ഇൻസ്റ്റിറ്റ്യൂട്ടിലെ വിവിധ ഒഴിവുകളിലേക്ക് ഇപ്പോൾ അപേക്ഷിക്കാം. നോൺ ടീച്ചിംഗ് തസ്തികകളിലാണ് ഒഴിവുള്ളത്. താൽപ്പര്യമുള്ളവർക്ക് ഔദ്യോഗിക വെബ്സൈറ്റായ nrti.edu.in സന്ദർശിക്കുക.

ഓൺലൈൻ വഴി മാത്രമാണ് അപേക്ഷിക്കാൻ അവസരമുള്ളത്. ഓഫ്ലൈനായി അപേക്ഷിച്ചാൽ സ്വീകരിക്കുന്നതല്ല. അപേക്ഷയോടൊപ്പം സി.വിയും അയക്കുക.

അവസാന തീയതി

ഓഗസ്റ്റ് 8 ആണ് അപേക്ഷിക്കാനുള്ള അവസാന തീയതി.

കരാർ അടിസ്ഥാനത്തിലായിരിക്കും നിയമനം. 3 വർഷത്തേക്കാണ് നിയമനം. അപേക്ഷിക്കാൻ ആഗ്രഹിക്കുന്നവർ വെബ്സൈറ്റിൽ നൽകിയിരിക്കുന്ന വിവരങ്ങൾ വായിച്ചു മനസ്സിലാക്കുക.

അപേക്ഷകൾ അയക്കേണ്ട വിധം

അപേക്ഷിക്കാനായി ആദ്യം ഔദ്യോഗിക വെബ്സൈറ്റ് സന്ദർശിക്കുക. ഹോം പേജിൽ കാണുന്ന NOTICE FOR RECRUITMENT TO NON-TEACHING POSITIONS ON CONTRACT – JULY 2021 എന്ന ലിങ്കിൽ ക്ലിക്ക് ചെയ്യാം. നിയമനവുമായി ബന്ധപ്പെട്ട വിവരങ്ങൾ അടങ്ങിയ പുതിയ ഒരു പേജ് തുറക്കപ്പെടും. താഴേക്ക് സ്ക്രോൾ ചെയ്യുമ്പോൾ How to Apply എന്ന പോയിന്റ് കാണാം. ഏത് പോസ്റ്റിലേക്കാണോ അപേക്ഷിക്കേണ്ടത്, അതിൽ ക്ലിക്ക് ചെയ്യുക. വിവരങ്ങൾ പൂരിപ്പിച്ചതിന് ശേഷം അപേക്ഷ സമർപ്പിക്കുക.

ഒഴിവുകൾ സംബന്ധിച്ച കൂടുതൽ വിവരങ്ങളും ശമ്പളം അടക്കമുള്ള കാര്യങ്ങളും, യോഗ്യതയും വെബ്സൈറ്റിൽ നിന്ന് മനസ്സിലാക്കാം.