തിനയെക്കുറിച്ചുള്ള പ്രാദേശിക സമൂഹങ്ങളുടെ പരമ്പരാഗത വിജ്ഞാന സമ്പ്രദായവും സർവകലാശാലകളുടെ ശാസ്ത്രീയ അറിവും സംയോജിപ്പിച്ച് ഭക്ഷ്യസുരക്ഷ വികേന്ദ്രീകരിക്കാൻ കേന്ദ്ര സർക്കാർ ശ്രമിക്കുമെന്ന് കേന്ദ്ര കൃഷി, കർഷക ക്ഷേമ മന്ത്രാലയം സെക്രട്ടറി മനോജ് അഹൂജ പറഞ്ഞു. മില്ലറ്റ് ഉപഭോഗം ഉപഭോക്താക്കൾക്ക് മാത്രമല്ല, ഗ്രാമീണ സമൂഹങ്ങൾക്കും പ്രയോജനകരമാണെന്ന് ഉറപ്പുവരുത്തുന്നതിനായി 28 സംസ്ഥാനങ്ങളിൽ നിന്നുള്ള കർഷകർ, സിവിൽ സൊസൈറ്റി അംഗങ്ങൾ, ഗവേഷകർ, സർക്കാർ ഉദ്യോഗസ്ഥർ എന്നിവരുടെ സമ്മേളനത്തിൽ 'People’s Convention on Millets for Millions' ജനകീയ കൺവെൻഷനിൽ സംസാരിക്കുകയായിരുന്നു അദ്ദേഹം.
'ഭക്ഷ്യ സുരക്ഷ, ഇതുവരെ വളരെ കേന്ദ്രീകൃതമായിരുന്നു, എന്നാൽ ഒരു വികേന്ദ്രീകൃത സംവിധാനം ആവശ്യമാണ്. സ്വകാര്യ നിക്ഷേപങ്ങളെ ആകർഷിക്കാൻ വേണ്ടി മില്ലറ്റുകളുടെ വികേന്ദ്രീകൃത സംസ്കരണവും വിപണനവും സാമ്പത്തികമായി ലാഭകരമാകേണ്ടതുണ്ട്, അതുവഴി 'മില്ലറ്റ് മിക്‌സി' (Millet Mixie) വിവിധ ഇനം തിനകൾ നീക്കം ചെയ്യുന്ന യന്ത്രം പോലുള്ള നൂതനാശയങ്ങൾ വർദ്ധിപ്പിക്കാൻ കഴിയണമെന്ന് കാർഷിക സെക്രട്ടറി മനോജ് അഹൂജ പറഞ്ഞു. പോഷകാഹാരക്കുറവ് ലഘൂകരിക്കുന്നതിനായി പൊതുവിതരണ സമ്പ്രദായം, സംയോജിത ശിശുവികസന സേവനങ്ങൾ എന്നിവയിലൂടെ പൊതുഭക്ഷണത്തിൽ ഉൾപ്പെടുത്തുന്നത് ഉൾപ്പെടെ തിനയുടെ വിവിധ വശങ്ങൾ, വിത്ത്, ഉൽപ്പാദന സംവിധാനങ്ങൾ, സംസ്കരണം, വിപണി എന്നിവ രണ്ടുദിവസത്തെ പരിപാടിയിൽ ചർച്ച ചെയ്തു.
NITI ആയോഗ് അംഗവും പരിപാടിയിലെ മുഖ്യാതിഥിയുമായ രമേഷ് ചന്ദ്, മില്ലറ്റുകളുടെ സംസ്ഥാനാടിസ്ഥാനത്തിലുള്ള പരിശീലനങ്ങളുടെ വിശദമായ പാക്കേജ് വികസിപ്പിക്കാൻ നാഷണൽ റെയിൻഫെഡ് ഏരിയ അതോറിറ്റിയോട് (NRAA) ശുപാർശ ചെയ്തു. NRAA യുടെ ചീഫ് എക്‌സിക്യൂട്ടീവായ അശോക് ദൽവായ്, മില്ലറ്റിന്റെ ദേശീയ വർഷമായ 2023-നെ അന്താരാഷ്ട്ര വർഷമായി യുഎൻ പ്രഖ്യാപിക്കുന്നതിലേക്ക് നയിച്ച കാരണങ്ങളെക്കുറിച്ചു സംസാരിച്ചു. പ്രത്യേകിച്ച് കാലാവസ്ഥാ വ്യതിയാനവും കൃഷിക്ക് ജലലഭ്യത കുറഞ്ഞതുമായ കാലത്ത് തിനയെക്കുറിച്ച് കൂടുതൽ ഗവേഷണം നടത്തേണ്ടതിന്റെ ആവശ്യകതയെക്കുറിച്ച് അദ്ദേഹം സംസാരിച്ചു.
കർഷകരും ഉപഭോക്താക്കളും പരിസ്ഥിതിശാസ്ത്രവും മില്ലറ്റ് നയ ചട്ടക്കൂട് രൂപകൽപ്പനയുടെ കേന്ദ്രത്തിലായിരിക്കണം, ഉൽപ്പാദനത്തിൽ മാത്രമല്ല, സംസ്കരണത്തിലും സംഭരണത്തിലും മില്ലറ്റുകളിൽ കൂടുതൽ ഗവേഷണ-വികസന പ്രവർത്തനങ്ങൾ ആവശ്യമാണ്, അദ്ദേഹം കൂട്ടിച്ചേർത്തു. സമഗ്രമായ 'പ്ലേറ്റ്-ടു-ഫാം' മില്ലറ്റ് ഫുഡ് സിസ്റ്റം രൂപകൽപന ചെയ്യുന്നതിനായി, അഞ്ച് തീമുകൾ സംഘാടകരായ NRAA, Revitalizing Rainfed India Network (RRA) എന്നിവർ വട്ടമേശ ചർച്ചകൾക്കായി ഭൂമിയിലെ അനുഭവങ്ങളെ അടിസ്ഥാനമാക്കി നയ ശുപാർശകൾ നിർദ്ദേശിക്കുന്നു.
ബന്ധപ്പെട്ട വാർത്തകൾ: UIDAI: ശക്തമായ വിരലടയാളം അടിസ്ഥാനമാക്കി ആധാർ സ്ഥിരീകരണത്തിനായി പുതിയ സുരക്ഷാ സംവിധാനം വരുന്നു