ഇന്നു മുതൽ റേഷൻ കടകളുടെ പ്രവർത്തനസമയം ഇങ്ങനെയായിരിക്കും

കേരളത്തിൽ ഉഷ്ണതരംഗ സാധ്യത കണക്കിലെടുത്ത് വരുത്തിയിരുന്ന റേഷൻ കടകളുടെ പ്രവർത്തന സമയം പുന:സ്ഥാപിച്ചു. ഇന്ന് (മേയ് 17) മുതൽ രാവിലെ 8 മണി മുതൽ 12 മണി വരെയും വൈകുന്നേരം 4 മണി മുതൽ 7 മണി വരെയുമായിരിക്കും റേഷൻകടകൾ പ്രവർത്തിക്കുക.

സംസ്ഥാനത്ത് ഉഷ്ണതരംഗ സാധ്യത വർധിച്ചസാഹചര്യത്തിലാണ് റേഷൻകടകളുടെ പ്രവർത്തന സമയം മാറ്റിയിരുന്നത്. രാവിലെ എട്ടു മുതൽ 11വരെയും വൈകിട്ട് നാലുമുതൽ എട്ടുവരെയുമാക്കിയാണ് ക്രമീകരിച്ചിരുന്നത്. ഈ സമയക്രമത്തിലാണ് ഇപ്പോൾ മാറ്റം വരുത്തി പുനഃസ്ഥാപിച്ചത്. പൊതുവിതരണ ഉപഭോക്തൃകാര്യ കമ്മീഷണറാണ് സംസ്ഥാനത്തെ റേഷൻ കടകളുടെ പ്രവർത്തന സമയത്തിലെ മാറ്റം അറിയിച്ചത്.