ബംഗാൾ ഉൾക്കടലിൽ ആന്ധ്ര തീരത്ത് രൂപപ്പെട്ട ന്യൂനമർദ്ദം നിലവിൽ ഒഡീഷ തീരത്ത് സജീവമായി നിലകൊള്ളുന്നു. അതുകൊണ്ട് തന്നെ കേരളത്തിലെ എല്ലാ ജില്ലകളിലും ഒറ്റപ്പെട്ട മിതമായ തോതിൽ മഴയ്ക്ക് സാധ്യതയുണ്ടെന്ന് റിപ്പോർട്ടുകൾ പറയുന്നു. ന്യൂനമർദ്ദ സ്വാധീനഫലമായി നാളെയും മറ്റന്നാളും കേരളത്തിലെ വടക്കൻ ജില്ലകളിൽ മഴ സജീവമാകും.
മധ്യകേരളത്തിലെ തൃശ്ശൂർ പാലക്കാട് ജില്ലകളിലെ മലയോര പ്രദേശത്ത് ഇടിമിന്നലോടുകൂടിയ സാധാരണ മഴയ്ക്കും നാളെ സാധ്യതയുണ്ട്.
മത്സ്യത്തൊഴിലാളി ജാഗ്രത നിർദ്ദേശം
കേരള - ലക്ഷദ്വീപ് - കർണാടക തീരങ്ങളിൽ മത്സ്യബന്ധനത്തിനു തടസമില്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു.
പ്രത്യേക ജാഗ്രത നിർദേശം
19-08-2021 & 20-08-2021: തെക്ക്-പടിഞ്ഞാറൻ, മധ്യ-പടിഞ്ഞാറൻ അറബിക്കടലിൽ മണിക്കൂറിൽ 50 മുതൽ 60 കി.മീ വരെയും ചില അവസരങ്ങളിൽ 70 കി.മീ വരെയും വേഗതയിൽ വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
മേൽ പറഞ്ഞ ദിവസങ്ങളിൽ പ്രസ്തുത പ്രദേശങ്ങളിൽ മത്സ്യബന്ധനത്തിന് പോകാൻ പാടുള്ളതല്ല.
English Summary: weather updates 19/8/21
Published on: 19 August 2021, 06:08 IST